බොලිවුඩයේ රජු හෙවත් ඉන්දීය සුපිරි නළු ෂාරුක් ඛාන් ලබන අගෝස්තු 02 වැනිදා මෙරටට පැමිණීමට නියමිත බව වාර්තා වේ.

ඒ  City of Dreams Sri Lanka ව්‍යාපෘතිය නිල වශයෙන් විවෘත කිරීමේ උත්සවයේ ප්‍රධාන ආරාධිතයා වශයෙනි.

ජෝන් කීල්ස් හෝල්ඩින්ග්ස් (JKH) සහ මෙල්කෝ රිසෝර්ට්ස් ඇන්ඩ් එන්ටර්ටේන්මන්ට් (MRE) විසින් මෙම ව්‍යාපෘතිය සිදුකරනු ලබයි. ජාත්‍යන්තර ප්‍රමිතියෙන් හා සියලු පහසුකම්වලින් සමන්විත කැසිනෝ ශාලාවක්, අධි සුඛෝපභෝගී හෝටල් සංකීර්ණයක් සහ සුපිරි සාප්පු සංකීර්ණයකින් එම ව්‍යාපෘතිය සමන්විත වේ.

දකුණු ආසියාවේ පළමු පූර්ණ ඒකාබද්ධ සංචාරක හෝටල් සංකීර්ණය මෙය වන අතර එය පෞද්ගලික අංශය විසින් සිදු කරනු ලබන විශාලතම ආයෝජනය ලෙස සැලකේ.එහි වටිනාකම ඇමරිකානු ඩොලර් බිලියන 1.2 කට අධික වේ. ශ්‍රී ලංකාව ගෝලීය සංචාරක සිතියමේ කේන්ද්‍රස්ථානයක් බවට පත් කිරීම එම ව්‍යාපෘතියේ අරමුණු වී තිබේ.

මෙම අවස්ථාවට සුපිරි නළු ෂාරුක් ඛාන්ගේ පැමිණීම පිළිබඳ ඉඟියක් ලබාදෙන පූර්ව ප්‍රචාරක දැන්වීමක් සංවිධායකයින් විසින් මේ වනවිට සමාජ මාධ්‍ය වෙත මුදාහැර තිබේ.

වැඩිදුරටත් වාර්තා වෙන්නේ මෙම උත්සවයට ජාත්‍යන්තර සුප්‍රකටයින්, ආයෝජකයින් සහ මාධ්‍යවේදීන් සහභාගි වීමට නියමිත බවය.

ජාතික ජන බලවේගයේ ජාතික ලැයිස්තු පාර්ලිමේන්තු මන්ත්‍රී සහ මුදල් සහ ක්‍රම සම්පාදන නියෝජ්‍ය අමාත්‍ය හර්ෂණ සූරියප්පෙරුම මහතා සිය පාර්ලිමේන්තු මන්ත්‍රී ධුරයෙන් ඉල්ලා අස්වීමේ ලිපිය තමා වෙත ලබාදී ඇති බව පාර්ලිමේන්තුවේ මහ ලේකම් කුෂානි රෝහණදීර මහත්මිය මැතිවරණ කොමිෂන් සභාවේ සභාපතිවරයා වෙත ලිපියක් යොමු කරමින් දන්වා තිබේ.

හර්ෂණ සූරියප්පෙරුම මහතාගේ ලිපියට අනුව ඉහත ඉල්ලා අස්වීම 2025 ජුනි 20 වැනිදා සිට බලපැවැත්වෙන බවද මහ ලේකම්වරිය දන්වා තිබේ.

ඒ අනුව, දසවැනි පාර්ලිමේන්තුවේ (ආචාර්ය) හර්ෂණ සූරියප්පෙරුම මහතාගේ අසුන හිස්ව ඇති බව 1981 අංක 1 දරන පාර්ලිමේන්තු මැතිවරණ පනතේ 64(5) වගන්තිය ප්‍රකාරව දැනුම් දෙන බවද මහ‍ ලේකම්වරිය මැතිවරණ කොමිෂන් සභාවේ සභාපතිවරයා වෙත දන්වා ඇත.

පුරප්පාඩු වූ මන්ත්‍රී ධුරය සඳහා ජාතික ජන බලවේගය තුළ නම් දෙකක් යෝජනා වී ඇති බව දේශපාලන ආරංචි මාර්ග සඳහන් කරයි.

ඒ පසුගිය මහා මැතිවරණයට කොළඹ දිස්ත්‍රික්කය නියෝජනය කරමින් ඉදිරිපත්වූ විමල් කැටපේආරච්චි මහතා සහ මාතර දිස්ත්‍රික්කය නියෝජනය කරමින් ඉදිරිපත්වූ නීතිඥ උපුල් කුමරප්පෙරුම මහතාය.

ජාතික ජන බලවේගයට සහය දක්වන විද්වතුන්ගේ අදහස වී ඇත්තේ එම ජාතික ජන බලවේගයට සහය දක්වන එක්සත් වාමාංශික පෙරමුණේ ලේකම් සහ ජාතික ජන බලවේගයේ විධායක කමිටු සාමාජික නීතිඥ ලාල් විජේනායක මහතා පාර්ලිමේන්තුව වෙත නම් කල යුතු බවය.

සබැඳි පුවත්: