පුවත්
ළඟදී පැන්ෂන් ගිය දේශීය ආදායම් ලොක්කා දැමූ බදු උපදෙස් කඩේ
දේශීය ආදායම් දෙපාර්තමේන්තුවෙන් විශ්‍රාම ගෙන යන නිලධාරීන් අතරින් කිහිපදෙනෙකු සිය රාජකාරී කාලය තුළ බදු ලිපිගොනු තුළින් මිතුරුකම් ඇති කරගන්නා බදු ගෙවන්නන් තවදුරටත් ආරක්ෂා කරමින් ගෙවිය යුතු බද්ද අඩුකිරීමට මුදලට උපදෙස්දී රටේ බදු ආදායම තවත් බස්සන උපදේශක මගඩියක් ගැන ශ්‍රී ලංකා මිරර් වෙත වාර්තා වේ.
ඒ අනුව අලුත්ම උපදේශක හල දමා ඇත්ත‌ේ පසුගිය ජූලි මස 21 වැනිදා දෙපාර්තමේන්තුවෙන් විශ්‍රාම ගත් එන්.එම්.එම්. මිෆ්ලි මහතාය.
ඔහු දේශීය ආදායම් දෙපාර්තමේන්තුවෙන් විශ්‍රාම ගෙන මසක් යාමටත් පෙර කොළඹ බම්බලපිටිය ප්‍රදේශයේ MIFA නමින් බදු උපදෙස් කඩයක් ආරම්භ කර තිබේ.
මිෆ්ලි, හිතවත් බදුගෙවන්නන් වෙතට තමාගේ අළුත් බදුපොළ ගැන විස්තර කෙටි පණිවිඩ සහ ඊ මේල් යවමින් දැනුවත් කර ඇති බවද පැවසේ.
ඇතුළේ ඉඳිද්දීත් වැඩි සහය කළු සල්ලි සුදු කරන අයටයි
මිෆ්ලි, දේශීය ආදායම් දෙපාර්තමේන්තුවේ සිටියදී වැඩි වශයෙන් සිදුකර ඇත්ත‌ේ බදු ප්‍රතිපත්ති සැකසීමේ සහ ජ්‍යත්ත්‍යන්තර බදුකරණය යන රාජකාරි කටයුතු බවත් පැවසේ.
එසේම ඔහු 2021 දී හදුන්වා දුන් බදු සමාපනතට අනුව හෙළි නොකළ ආදායම් සඳහා 1% සුළු බද්දක් අයකරගැනීමේ කටයුතු වලදී මූලික වී කටයුතු කර ඇති බවත් අනාවරණය විය.
බදුසමාව වාසියක් කරගෙන කළු සල්ලි සුදු කළ ව්‍යාපාරිකයින්ට තම කාර්යය පහසුවෙන් කරගෙන යාමට හැකිවුයේද මිෆ්ලිගේ සහයෝගයෙන් බව දේශීය ආදායම් දෙපාර්තමේන්තු වෘත්තීය සමිති ආරංචි මාර්ගවලින් වාර්තා වේ.
එසේම මේ අතර වාර්තා වන්න‌ේ ආදායම හෙළිකළ බදු ගෙවන්නන් සම්බන්ධයෙන් බදු නිලධාරීන් දැනුවත් කර ඊට පසුව එළඹෙන වර්ෂවලදී අදාල බදු විගණන කාර්යක්ෂමව කරගෙන යෑම අවශ්‍ය කරුණක් වුවත් ඒ සඳහා අවශ්‍ය තොරතුරු මිෆ්ලි සහ වත්මන් කොමසාරිස් ජනරාල් විසින් මේ වනතුරුත් නිසි පරිදි එළිදක්වා නොමැති බවයි.
විශ්‍රාම ගැනීමෙන් පසුව බදු උපදෙස්හලක් ආරම්භ කිරීමේ බලාපොරොත්තුවෙන් සිටි මිෆ්ලි ඊට වාසි වන විදියට අභ්‍යන්තර බදු විගණන කටයුතු සඳහා චක්‍රලේඛයක් කොමසරි ජනරාල් මඟින් නිලධාරීන් වෙත නිකුත් කිරීමට ද අමතක කර නැතැයි ද වෘත්තීය සමිති ප්‍රධානියකු අප සමඟ කියා සිටියේය.
මෙම චක්‍ර ලේඛනය නිසා පනතට අනුව මෙතෙක් කරගෙන ගිය බදු විගණන කටයුතු ක්‍රියාවලිය අවුල් කර ඇති බවත්, අනවශ්‍ය ගැටුමක් ඉහළ පරිපාලනයත් පහල නිලධාරීන් අතරත් නිර්මාණය වී ඇතැයි ද පැවසේ.
ඔවර් ඇක්ටිං නිසා රුක්දේවීට ඔස්කාර් මිස් වෙලා
මේ අතර, මිෆ්ලිගේ පුටුවට කෙල හලමින් සිටි රුක්දේවී ප්‍රනාන්දු නමැති නිලධාරිණිය ලේඛනය සම්බන්ධයෙන් තමාට ඉදියේදී එල්ල වන ගැටළු වලින් මිදීමට, මිෆ්ලි විශ්‍රාම ගන්නා දිනයේ දහවල කඩිමුඩියේම නිලධාරීන් වෙත චක්‍ර ලේඛනය පිළිබඳ පැහැදිළි කිරීමක් වැනි යමක් කිරීමට රංගනයක යෙදුනු බව හෙළිව ඇත්ත‌ේ එහිදී නිලධාරීන් ඇසූ ප්‍රශ්ණ වලට ද නිසි පිළිතුරු නොලැබීම නිසා බව පැවසේ.
මෙම ලේඛනය නිසා බදු විගණන කටයුතු අඩපණ වී ඇති බවත්, රටේ සමස්ථ බදු අදායමට මෙම තත්වයේ බලපෑමක් ඇතැයි අභ්‍යන්තර ආරංචි මාර්ගවලින් වාර්තා වේ.
තව දින කීපයකින් ජනරාල්ධූරයෙන් විශ්‍රාම ගැනීමට නියමිත රංජිත් හපුආරච්චි මහතා ද MIFA කඩයට එකතු වීමට කැමැත්තෙන් සිටින බවට ද දේශීය ආදායම් දෙපාර්තමේන්තු කාර්යාලය පුරා රාවයක් පැතිර තිබේ.
මේ සම්බන්ධයෙන් එම ආයතයේ හිටපු කීර්තිමත් ජනරාල්වරයෙක් කියා සිටියේ විශ්‍රාම යන නිලධාරීන් මෙසේ නැවතත් පිටත සිට බදුගෙවන්නන් සමඟ එකතුවී කටයුතු කිරීම සදාචාරාත්මක නොවන බවයි.
ඒම තත්ත්වය නිසා අවම වශයෙන් විශ්‍රාම ගිය නිලධාරියෙකුට නැවත තමා සේවය කළ ස්ථානයට අදාල කටයුතු සම්බන්දයෙන් පෙනී සිටීම අඩුම තරමින් වසර තුනක් දක්වාවත් නතර කළ යුතු බවයි.
විනිවිද බවින් යුතු බදු ක්‍රමයක් ඇතිකර බදුගෙවන්නාගේ විශ්වාසය වැඩි කිරීමට නම් මෙවැනි තත්වයන් කඩිනමින් නිවැරදි විය යුතු බවද ඔහු පෙන්වා දුන්නේය.
ෆ්‍රැන්සිස් පාප් වහන්සේගේ (උපත් නාමය ජෝර්ජ් මාරියෝ බර්ගොග්ලියෝ) ස්වර්ගස්ථ වීම පිළිබඳ ශ්‍රී ලංකා මහාබෝධි සංගමයේ සභාපති,ජපානයේ ප්‍රධාන සංඝනායක අති පූජ්‍ය බානගල උපතිස්ස නා හිමියෝ බලවත් ශෝකය ප්‍රකාශ කරති.
අවස්ථා කීපයකදීම මට හමුවූ ශුද්ධෝතම ප්‍රැන්සිස් පාප් වහන්සේ අතිශය නිහතමානී කමින් යුක්ත, ආගමික සහජීවනය පිළිබඳ ඉතාමත් ගැඹුරු දර්ශනයකින් යුත් දිළිඳු ජනයා කෙරෙහි මහා ආදරයකින් යුක්ත යේසුස් ක්‍රිස්තුස් වහන්සේගේ ගෞරවනීය ශ්‍රාවකයෙකි.
2015 දී ශුද්ධෝත්තම ප්‍රැන්සිස් පාප් වහන්සේ ශ්‍රී ලංකාවට වැඩම කළ අවස්ථාවේ දී මාලිගාකන්ද අග්‍රශ්‍රාවක මහාබෝධි විහාරයට සැපත්වීම උන් වහන්සේගේ ආගමික සහජීවනයේ කැපී පෙනුණු සිදුවීමක් විය.උන් වහන්සේ ඒ අවස්ථාවේ දී මා හට ප්‍රකාශ කළේ බෞද්ධ විහාරයකට සැපත් වූ ප්‍රථම පාප් වහන්සේ තමන් බවය.
උන් වහන්සේ 1936 දෙසැම්බර් 17 දින උපත ලැබීය. ජේසුස් වහන්සේගේ සමාජයෙන් (ජේසුයිට් නිකායෙන්) පාප් වහන්සේ ලෙස පත් වූ පළමු පාප් වහන්සේ ලෙසත් ඇමරිකාවෙන් බිහි වූ සහ 8 වන සියවසේ සිරියාවෙන් පත් වූ තුන්වන ග්‍රෙගරි පාප් වහන්සේ ගෙන් පසු යුරෝපයෙන් පිටත උපත ලැබූ හෝ හැදී වැඩී උත්තරීතර පාප් වහන්සේ තනතුරට පත් වූ පළමු පාප් වහන්සේ ලෙස ශුද්ධෝත්තම ප්‍රැන්සිස් පාප් වහන්සේ රෝමානු කතෝලික පල්ලියේ ඉතිහාසගත වූ චරිතය වේ.
සැබෑ කිතු දහම හා සාමය ලොව පුරා ප්‍රචලිත කිරීමට සිය ජීවිත කාලයම කැප කළ උන් වහන්සේට ස්වර්ග මෝක්ෂ සුවය ලැබේවායි අපි ප්‍රාර්ථනා කරමු යැයි බානගල උපතිස්ස නා හිමියෝ සිය ශෝක පණිවිඩයෙන් ප්‍රාර්ථනා කරති.
ඡායාරූපය – News1st
පාප් වහන්සේගේ ස්වර්ගස්ථ වීම පිළිබඳ ශ්‍රී ලංකා මහාබෝධි සංගමයේ ශෝකය
කටුනායක වෙඩි තැබීමක්
“සිරි දළදා වන්දනාවට” පැමිණෙන සැදැහැවතුන්ට ඉල්ලීමක්
-
පුවත්7 days agoලංකාවේ නිෂ්පාදනය කරන බියර් ප්රමිතියට නැති බවට පැමිණිල්ලක්!
-
පුවත්7 days agoඇතුලට යන මීලඟ මැති ඇමතිවරුන්ගේ පෝලිම ගැන ජනපති දුන්න ඉඟිය
-
පුවත්3 days agoශිරන්ති රාජපක්ෂ දකුණු කොරියාව හොල්ලයි
-
විදෙස්6 days agoට්රම්ප්ගෙන් හාවඩ් විශ්වවිද්යාලයට තර්ජනයක්
-
පුවත්3 days agoපොලිස් බැකප් ගත්ත ටීචර්ට වැඩ වරදියි