පුවත්
ජාතික ඖෂධ නියාමන අධිකාරියේ මහ පුටුව ආනන්දට
විශේෂඥ වෛද්‍ය ආනන්ද විජේවික්‍රම මහතා එහි සභාපති ධූරයට පත් කිරීම සම්බන්ධයෙන් මේවන විට විර‌ෝධයක් මතුව ඇතැයි වාර්තා වේ.
කෙසේවුවද, ආනන්ද මහතා ජාතික ඖෂධ නියාමන අධිකාරියේ දත්ත ගබඩාව මකා දැමීමේ සිද්ධිය වූ අවස්ථාවේ එහි අධ්‍යක්ෂ මණ්ඩලයේ සාමාජිකයකු ලසෙ සිටීම නිසා ඔහුට මේ තනතුර ලබාදීම සම්බන්ධයෙන් මේවන විට විරෝධතා මතුව ඇති බවද මේ අතර වාර්තා වේ.
සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා ජාතික ඖෂධ නියාමන අධිකාරියේ අධ්‍යක්ෂ මණ්ඩලයේ සමඟ පැවැත්වූ විශේෂ සාකච්ඡාවකින් පසු එම පත්කිරීම අද (31) සිදුකර ඇත.
කෙසේවුවද, ඖෂධ නියාමන අධිකාරියේ සිදු වූ අක්‍රමිකතාවලට ප්‍රධානතම හේතුව වන්නේ, එහි දත්ත ගබඩාව මකා දැමීම බව සෞඛ්‍ය වෘත්තියවේදීන් ගේ විද්වත් සංගමයේ සභාපති රවී කුමුදේශ් මහතා ඊයේ (29) විශේෂ මාධ්‍ය හමුවක් කැඳවමින් කියා සිටියේය.
ඔහු තවදුරටත් මෙසේද එහිදී පැවසීය.
” ඖෂධ නියාමන අධිකාරියේ ඇත්ත හොරකම හෙළි වෙන පළමු වැනි තැන තමයි මේ දත්ත මකපු තැන. රජයේ අවධානය යොමු වෙලා තියෙනවාලු ඖෂධ නියාමන අධිකාරියේ ප්‍රධාන විධායක නිලධාරිවරයාව අයින් කරන්න. සභාපති ඉවත් කරන්න. ඒ ගොල්ලන් ව අයින් කරලා දත්ත සොරකම සම්බන්ධයෙන් ඒ කාලයේ වගකිව යුතු පාර්ශ්ව නැවත වතාවක් මේකේ බලයට පත්කිරීමට. එකත් කුමන්ත්‍රණයක්. අපි විශ්වාස කරනවා ඒගොල්ලෝ ආය එන්නේ මේ නඩුවට කලින් මේ නඩුවේ තියෙන කතාන්දරය යටපත් කරන්න.”
විශේෂඥ වෛද්‍ය ආනන්ද විජේවික්‍රම මහතා 1992 වර්ෂයේ දී රාජ්‍ය සේවයට එක්වූ අතර වර්ෂ 2000 දී විශේෂඥ වෛද්‍යවරයෙකු බවට පත්වූ එතුමා මේ වන විට ජාතික බෝවන රෝග විද්‍යාතනයේ ජ්‍යෙෂ්ඨ කායික රෝග විශේෂඥ වෛද්‍යවරයෙකු ලෙස කටයුතු කරනු ලබයි.
ජාත්‍යන්තර සාගර දිනය අද
කුණු ගෙනියන ට්‍රැක්ටරයේ සිට අල්ලස් ගන්නවා – මහාධිකරණ විනිසුරු රංග දිසානායක
