Connect with us

පුවත්

“කසිප්පු නවත්තන්න අරක්කු මිල අඩු කරන්න”

Published

on

නීත්‍යනුකූල මත්පැන්වල මිල අඩුකර දෙන්නේ නම් රටේ ජනතාවට වටින බව ජාතික නාමල් උයනේ නිර්මාතෘ වනවාසී රාහුල හිමියන් පවසයි.

මත්පැන්වල මිල අඩුකිරිමෙන් රටේ මත්ද්‍රව්‍ය උවදුර සම්පූර්ණයෙන්ම නතර කිරිමට හැකි බවත් ඒ මඟින් මිනිසුන්ව යහමඟට ගැනිම සඳහා ක්‍රමයක් සාදා ගත හැකි බවත් උන්වහන්සේ පැවසීය.

තවදුරටත් අදහස් දක්වමින් වනවාසී රාහුල හිමි කියා සිටියේ, මේ රට දැන් චිකාගෝවක් බවට පත් වි තිබෙන බැවින් මේ ක්‍රමයෙන් තවදුරටත් යා හැකි ද යන්න ප්‍රශ්නයක් බවය.

වැඩිදුරටත් අදහස් දැක්වු වනවාසී රාහුල හිමි,

“මේ රටේ සංචාරක ව්‍යාපාරය ප්‍රධාන මාතෘකාවක්. අපේ රටේ ආර්ථිකය ගොඩනඟන ව්‍යාපාරය තමයි සංචාරක ව්‍යාපාරය. මෙවැනි දේවල් දැක්කම යූටියුබ්වලින්, අනෙක් සමාජ මාධ්‍යවලින් මේ රටට ලෝකයේ මිනිස්සු එන්න බය වෙනවා. ලංකාව ගැන හොයනකොට සමාජ මාධ්‍යවල මේවා තමයි ඉහළට එන්නේ. ඒ වගේම අපේ රටේ මාධ්‍යයත් මම දැක්කා සමහර ඝාතන සිද්ධීන් ඒ ආකාරයෙන්ම මාධ්‍යයෙන් පෙන්වනවා ජනතාවට. ඒක මම හිතන්නේ නෑ සදාචාරාත්මක මාධ්‍ය ආයතනවල වගකීම කියලා.

ඒ නිසා මේ වගේ දේවල් කරන්න එපා. එක්කෝ රජයෙන් මේවාට නීති පනවන්න අවශ්‍යයි. පිටරටවල මාධ්‍ය මගින් කෙනෙක්ගේ ඝාතනයකට අදාළ රූපරාමු පෙන්වන්නේ නෑ. අපි දැක්කා පසුගිය දවස්වල ඇති වුණ සිද්ධීන් සියල්ලම මාධ්‍ය තුළින් පෙන්නුවා. බලන්න බය හිතෙනවා ඒවා දැක්කම. කිසිම බය සැකයකින් තොරව ගිනිඅවි අරගෙන ඇවිත් මිනිස්සුන්ට වෙඩි තියනවා. වෙඩි තියලා වෙනත් වාහනයකින් යනවා.මේවා දැක්කම පුංචි ළමයින්ගේ මනස වුණත් විකෘති බවට පත් වෙනවා. දැන් හැම දරුවෙක් අතේම ෆෝන් තියෙනවා. ෆෝන් එකෙන් ගහපු ගමන් එන්නේ ඇස් දෙකෙන්ම දැකිය නොහැකි ඡායාරූප හා වීඩියෝ පට. පිටරටවල මේවා කරන්නේ නෑ. ඒ නිසා මාධ්‍ය සදාචාරයක් පැවැත්වීම සඳහා වගකීමක් තියෙනවා ආණ්ඩුවට.දරුවන්ගේ මනස අවුල් කරන, දරුවන්ගේ මනස වෙනස් කරන සමස්ත ජන මනස වෙනස් කරන මෙවැනි දේවල් ප්‍රචාරය වැළැක්වීමට නීති ගේන්න අව්‍යශ්‍යයි. මේ රටේ බහුතරයක් මත්පැන් පාවිච්චි කරන මිනිස්සු ඉන්නේ. උදේ ඉඳලා කුලී වැඩ කරන මිනිස්සුන්ට නීත්‍යනුකූල මත්පැන් බෝතලයක් අරගෙන පානය කරන්න ක්‍රමයක් නෑ. හේතුව තමයි මේක අහස උසට ගණන්.හොඳම ක්‍රමය තමයි ගෙදර වඩියක් හරි දාගන්නවා.කාලක්, භාගයක් බීලා චූන් එකේ ඉන්නවා. නීති විරෝධී මත්පැන් වැඩි වෙන්න හේතුවක් තමයි නීත්‍යනුකූල මත්පැන්වල මිල වැඩියි. වැට් වැඩියි. ඒ නිසා ඒවයේ මිල අඩු කරලා පහසුකම් ටිකක් අපේ රටේ ජනතාවට දෙනවා නම් වටිනවා. මම අනුමත කරන්නේ නෑ, මත්පැන් පානය කරන එක. නමුත් අපේ රටේ ගම් මට්ටමේ තියෙන මත්ද්‍රව්‍ය උවදුර, නීති විරෝධී මත්පැන් පෙරීම සම්පූර්ණයෙන්ම නතර කරන්න පුළුවන්.තකොට ඒ මිනිස්සුන්ව යහමඟට ගන්න පුළුවන් ක්‍රමවේදය හදා ගන්නත් පුළුවන්.”

පුවත්

පොලීසියෙන් දැනුම්දීමක්

Published

on

By

සමාජ මාධ්‍ය ජාලාවල සංසරණය වන ව්‍යාජ ලිපියක් සම්බන්ධව පොලීසිය විසින් කරුණු පැහැදිලි කිරීමක් සිදුකර තිබේ.

ඒ අනුව, මෙලෙස අසත්‍ය කරුණු ප්‍රචාරය කිරීමට සම්බන්ධ තැනැත්තන්ට එරෙහිව අවශ්‍ය නීතිමය ක්‍රියාමාර්ග ගැනීම සඳහා අපරාධ පරීක්ෂණ දෙපාර්තමේන්තුව මඟින් විමර්ශන ආරම්භ කර ඇත.

“පරිගණක අපරාධ මූලස්ථානය” ලෙස සඳහන් කර වැඩබලන පොලිස්පති ප්‍රියන්ත වීරසූරිය මහතාගේ නම සහ ව්‍යාජ ලෙස සකස් කරන ලද අත්සනක් ද සහිතව “විශ්වාස කිරීම (CONVICTION)” යන ශීර්ෂය යටතේ ඉංග්‍රීසි භාෂාවෙන් සකස් කරන ලද ලිපියක් මේ දිනවල සමාජ මාධ්‍ය ජාලා ඔස්සේ සංසරණය වෙමින් පවතින බව පොලීසිය පවසයි.

මෙහි සඳහන් කරුණු කිසිදු නෛතික පදනමක් නොමැති එකිනෙකට නොගැලපෙන වචන භාවිතා කර පසුබිමින් ශ්‍රී ලංකා රාජ්‍ය ලාංඡනය, ශ්‍රී ලංකා ශ්‍රේෂ්ඨාධිකරණ ලාංඡනය හා ශ්‍රී ලංකා පොලිස් නිල ලාංඡනයට සමාන ලෙස ලාංඡන මුද්‍රණය කර සකස් කර ඇති බවට ද නිරීක්ෂණය වී ඇති පොලීසිය නිවේදනය කරයි.

මෙම ලිපිය යොමු කරන ලද ආයතනය ලෙස සඳහන් “Cyber Crime Headquarters Colombo, Sri lanka” නමින් ආයතනයක් ශ්‍රී ලංකාව තුළ නොවන අතර මෙහි දක්වා ඇති තනතුරු හෝ කරුණු ශ්‍රී ලංකා පොලීසිය මඟින් ප්‍රකාශයට පත් නොකරන ලද, අසත්‍ය හා විකෘති කරන ලද කරුණු බවට ශ්‍රී ලංකා පොලීසිය මහජනතාව වෙත දන්වා සිටී.

මෙය හිතාමතාම ඉතා සැලසුම් සහගත ලෙස ශ්‍රී ලංකා පොලීසිය අපහසුතාවයට පත් කිරීම හා මහජනතාව නොමග යැවීම අරමුණු කරගෙන සකස් කරන ලද ලිපියක් බවට නිරීක්ෂණය වී ඇති බව පොලීසිය වැඩිදුරටත් සඳහන්ය.

Continue Reading

පුවත්

ව්‍යවස්ථාදායක සභාව අද රැස්වෙයි!

Published

on

By

නව විගණකාධිපතිවරයකු පත් කර ගැනීම සම්බන්ධයෙන් තීරණය කිරීම සඳහා ව්‍යවස්ථාදායක සභාව පාර්ලිමේන්තුවේදී අද (22) රැස්වීමට නියමිතය.

මෙම තනතුර සඳහා ජාතික විගණන කාර්යාලයේ ජ්‍යෙෂ්ඨතම නිලධාරියා වන ජ්‍යේෂ්ඨ නියෝජ්‍ය විගණකාධිපති ධර්මපාල ගම්මන්පිල මහතා ඇතුළු කිහිප දෙනකුගේ නම් ඉදිරිපත්ව ඇත.

ජ්‍යෙෂ්ඨ නියෝජ්‍ය විගණකාධිපතිවරයා නව විගණකාධිපතිවරයා ලෙස පත් කරන්නැයි එහි අංශ ප්‍රධානීන්ගේ සංසදය සහ ඒකාබද්ධ වෘත්තීය සමිති එකමුතුව ජනාධිපති අනුර කුමාර දිසානායක මහතාගෙන් ලිඛිතව ඉල්ලා තිබේ.

විගණකාධිපති තනතුර සඳහා මේ වන විට විවිධ පුද්ගලයන්ගේ නම් ඉදිරිපත් වී ඇති බව දැන ගැනීමට ලැබී ඇති නමුත් වංචාව හා දූෂණයෙන් තොර පිරිසුදු රාජ්‍ය පාලනයක් ඇති කිරීම සඳහා වූ රජයේ අපේක්ෂාව ඉටුකර ගැනීම සඳහා රාජ්‍ය විගණන ක්‍රියාවලියට පැවරී ඇති වගකීම ඉටු කිරීමට සුදුසුකම් සහිත නිලධාරියා වත්මන් වැඩ බලන විගණකාධිපතිවරයා යැයි තරයේ විශ්වාස කරන බවත් එම ඉල්ලීම්වල සඳහන් කර ඇත.

පුරප්පාඩු වී ඇති විගණකාධිපති තනතුර සඳහා ජාතික විගණන කාර්යාලයේ සේවයේ නියුතු සුදුසුකම් සහිත ජ්‍යෙෂ්ඨතම නිලධාරියාට ප්‍රමුඛතාව ලබා දීම මෙතෙක් පැවැති සම්ප්‍රදාය වූ බව සිහිපත් කරන එම වෘත්තීය සමිති ජාතික විගණන කාර්යාලයේ ජ්‍යෙෂ්ඨතම නිලධාරියා වන ජ්‍යෙෂ්ඨ නියෝජ්‍ය විගණකාධිපතිවරයා ව්‍යවස්ථානුකූල සියලු සුදුසුකම් මෙන්ම එම තනතුර දැරීම සඳහා අවශ්‍ය සියලු අත්දැකීම් හා පළපුරුද්ද හා පරිචයන් සම්පූර්ණ කර සිටින බවත් සඳහන් කරයි.

මෙම නිලධාරීන් පෙන්වා දෙන්නේ බාහිර තැනැත්තෙක් එම තනතුරට පත් කිරීමෙන් රජය කෙරෙහි පවතින ජනතා විශ්වාසය පළුදු විය හැකි බවය.

අංශ ප්‍රධානීන්ගේ සංසදයට අංශ ප්‍රධානීහු හැට පස් දෙනෙක් අයත් වන අතර ඒකාබද්ධ වෘත්තීය සමිති සන්ධානය ශ්‍රී ලංකා විගණන සේවා සංගමය, රාජ්‍ය සහකාර විගණන අධිකාරී සංගමය සහ රජයේ විගණන නිලධාරී සංගමය යන වෘත්තීය සංගම් අයත් වෙයි.

Continue Reading

පුවත්

අංගම්පිටිය ක්‍රීඩා පිටියේ සැණකෙළි නවත්වා කෝට්ටේ නගර සභාවට වාරණයක්

Published

on

By

අධික ශබ්දය පිට කරන ශබ්ද විකාශන යන්ත්‍ර භාවිත කරමින් කෝට්ටේ අංගම්පිටිය මහජන ක්‍රීඩාංගණයේ උත්සව හා සැණකෙළි පැවැත්වීම වළක්වමින් ශ්‍රී ජයවර්ධනපුර කෝට්ටේ මහ නගර සභාවේ නාගරික කොමසාරිස්වරිය ඇතුළු පස් දෙනකුට කොන්දේසි සහිත වාරණ නියෝගයක් කොළඹ අතිරේක මහෙස්ත්‍රාත් මංජුල රත්නායක ඊයේ (21) නිකුත් කළේය.

ශ්‍රී ජයවර්ධනපුර කෝට්ටේ මහ නගර සභාව, එහි නාගරික කොමසාරිස් ආර්. ඒ. ශාලිකා එස්. රණවීර, මහ නගර සභාවේ ක්‍රීඩා හා විනෝදාංශ දෙපාර්තමේන්තුවේ ප්‍රධාන කළමනාකරු, අංගම්පිටිය මහජන ක්‍රීඩාංගණය භාරව සිටින සිව් පිරිසකට අතිරේක මහෙස්ත්‍රාත්වරයා මෙම කොන්දේසි සහිත ආඥාව නිකුත් කළේය.

ශ්‍රී ජයවර්ධනපුර කෝට්ටේ මහ නගර සභාව මගින් පාලනය වන අංගම්පිටිය මහජන ක්‍රීඩාංගණයේ විවිධ උත්සවයන් සහ සැණකෙළි පැවැත්වීම තුළින් මහජන පීඩාවක් සිදුවන බව චෝදනා කරමින්, කෝට්ටේ අංගම්පිටිය ප්‍රදේශයේ පදිංචිකරුවන් වන ෂෙහාන් දුෂාන්ත ද සිල්වා, ශාමිනි අල්විස්, ග්ලේන් මැතිව්, අසංක සංජීව කරුණාරත්න, කේ. ඒ. ඕ. එස්. කුරුප්පු යන අය විසින් ගොනු කර තිබූ පෞද්ගලික නඩුවක් ඊයේ සලකා බැලූ අවස්ථාවේදී අතිරේක මහෙස්ත්‍රාත්වරයා එම නියෝගය කළේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved