බස්නාහිර සහ මධ්‍යම පළාත්වලටත් ගාල්ල සහ මාතර දිස්ත්‍රික්කවලත් වැසි වාර කිහිපයක් ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

නිවේදනයක් නිකුත් කරමින් එම දෙපාර්තමේන්තුව සඳහන් කර ඇත්තේ මධ්‍යම, ඌව, උතුරු මැද සහ නැගෙනහිර යන පළාත්වලත් හම්බන්තොට දිස්ත්‍රික්කයේත් අද පස්වරු 1.00න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකි බවය.

සෙසු ප්‍රදේශවල සවස් කාලයේදී හෝ රාත්‍රි කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බවද එහි සඳහන් ඇත.

ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින් සිදුවන අනතුරු අවම කර ගැනීමට අවශ්‍ය පියවර ගන්නා ලෙසද එම දෙපාර්තමේන්තුව ජනතාවගෙන් ඉල්ලීමක් කර තිබේ.

2025 පළාත් පාලන මැතිවරණයට අදාළ ඡන්ද විමසීම මේ වන විට ආරම්භ වී තිබේ.

ඒ අනුව අද (06) පෙරවරු 7.00 සිට පස්වරු 4.00 දක්වා දිවයින පුරා පිහිටි ඡන්ද මධ්‍යස්ථාන 13,759ක ඡන්ද විමසීම පැවැත්වෙනු ඇත.

පළාත් පාලන ආයතන 339ක් සඳහා මෙම ඡන්ද විමසීම ආරම්භ වන අතර ඒ අතරට මහ නගර සභා 28ක්, නගර සභා 36, ප්‍රාදේශීය සභා 275ක් අයත් වනු ඇත.

මෙවර මැතිවරණය සඳහා අපේක්ෂකයින් 75,589ක් තරග කරනු ලබන අතර ඒ සඳහා දේශපාලන පක්ෂ 49ක්, ස්වාධීන කණ්ඩායම් 14ක් ඇතුළත් වේ.

මේ අතර පළාත් පාලන ආයතන ඡන්ද විමසීම සඳහා නිරීක්ෂකයින් 3,000කට ආසන්න ප්‍රමාණයක් යෙදවීමට කටයුතු කරන බව පැෆ්රල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා සඳහන් කළේය.

පළාත් පාලන මැතිවරණයේදී මැතිවරණ නීති උල්ලංඝනය කරන පුද්ගලයින් සම්බන්ධයෙන් නීතිය දැඩිව ක්‍රියාත්මක කරන බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි බුද්ධික මනතුංග මහතා පැවසුවේය.

මේ අතර පළාත් පාලන ආයතන ඡන්ද විමසීම පැවැත්වෙන කාලය තුළ සිදුවිය හැකි ආපදා තත්ත්වයන් සම්බන්ධයෙන් දැනුවත් කිරීමට සහ සහන සැලසීම වෙනුවෙන් විශේෂ මැදිරියක් ස්ථාපිත කර අර ඇති බව ආපදා කළමනාකරණ මධ්‍යස්ථානයේ අධ්‍යක්ෂ ප්‍රදීප් කොඩිප්පිලි මහතා පැවසුවේය.

ඡන්දේ දාන්නේ මෙහෙමයි.

කිරිබත්ගොඩ නගරයේ ඉදිකිරීමට රජයට පවරා ගෙන තිබු ඉඩමකට කූට ලේඛන සකස් කිරීමේ නඩුවට අදාළව අධිකරණය දිගින් දිගටම මඟහරිමින් සැඟවී සිටින සැකකරුවන් වන හිටපු රාජ්‍ය ඇමැති ප්‍රසන්න රණවීර හා කැලණිය ප්‍රාදේශීය සභාවේ හිටපු මන්ත්‍රි මිල්රෝයි පෙරේරා යන දෙදෙනා වහාම අත්අඩංගුවට ගෙන අධිකරණයට ඉදිරිපත් කරන ලෙසට මහර මහෙස්ත්‍රාත් කාංචනා ද සිල්වා ඊයේ (05) විවෘත වරෙන්තු නිකුත් කළාය.

තවද එම සැකකරුවන් දෙදෙනාගේ බැංකු ගිණුම්වල වාර්තා හා ලියාපදිංචි වාහනවල වාර්තා අපරාධ පරීක්ෂණ දෙපාර්තමේන්තුවට ලබා දෙන ලෙසට අදාළ බැංකු ආයතනවලට හා මෝටර් රථ කොමසාරිස් දෙපාර්තමේන්තුවේ කොමසාරිස්වරයාට ද මහෙස්ත්‍රාත්වරිය නියෝග කළාය.

මහෙස්ත්‍රාත්වරිය එසේ විවෘත වරෙන්තු නිකුත් කොට අදාළ බැංකු ගිණුම් වාර්තා හා ලියාපදිංචි වාහනවල වාර්තා ලබා දෙන ලෙසට අදාළ බැංකු ආයතනවලට හා මෝටර් රථ කොමසාරිස් දෙපාර්තමේන්තුවේ කොමසාරිස්වරයාට නියෝග කරනු ලැබුවේ අපරාධ පරීක්ෂණ දෙපාර්තමේන්තුවේ මුල්‍ය අපරාධ විමර්ශන ඒකකයේ විමර්ශන නිලධාරින් විසින් අධිකරණයෙන් කරන ලද ඉල්ලීමක් සලකා බැලීමෙන් අනතුරුවය.

තවද මේ සිද්ධියට අදාළව දැනට රක්ෂිත බන්ධනාගාරගත කර සිටින නවින් වීරකෝන්, හිටපු ඇමැති මර්වින් සිල්වා, කැලණිය ප්‍රාදේශීය සභාවේ හිටපු උප සභාපති වෛද්‍ය ජයන්ත සිංහබාහු කබ්රාල් හා හිටපු ඇමැති මර්වින් සිල්වාගේ එවකට පාර්ලිමේන්තු කටයුතු හිටපු ලේකම් දොන් සරත් කුමාර එදිරිසිංහ නොහොත් සිංගප්පූරු සරත් යන හතර දෙනා තවදුරටත් මේ මස 19 වැනිදා දක්වා රක්ෂිත බන්ධනාගාරගත කර තැබීමට ද මහෙස්ත්‍රාත්වරිය නියම කළාය.

මෙහිදී අපරාධ පරීක්ෂණ දෙපාර්තමේන්තුවේ මුල්‍ය අපරාධ විමර්ශන අංශයේ ස්ථානාධිපති පොලිස් පරික්ෂක පී. විජේතුංග මහතා විසින් අධිකරණයට කරුණු දක්වමින් මෙසේ කීය.

“දැනට අධිකරණය මගහැර සිටින ප්‍රසන්න රණවීර හා මිල්රෝයි පෙරේරා යන දෙදෙනා අත්අඩංගුවට ගැනීම සඳහා අධිකරණය මගින් වරෙන්තු නිකුත් කර තිබුණා. එම වරෙන්තු වාර්තා අනුව එම දෙදෙනා අත්අඩංගුවට ගැනීම සඳහා ඔවුන් පදිංචි නිවෙස්වලට ගොස් සෝදිසියට ලක් කළා. නමුත් ඔවුන් ප්‍රදේශය හැර ගොස් සිටින බවට අපට අනාවරණය වුණා. ඔවුන්ගේ දුරකථන ද විසන්ධි කරලා. ප්‍රසන්න රණවීර අම්පාර දමන ප්‍රදේශයට නිතර යන බවට දැන ගැනීමට ලැබුණා. ඒ අනුව එහි ගොස් සෝදිසි කළා. නමුත් හමුවුණේ නැහැ. ඒ නිසා ඔවුන් අත්අඩංගුවට ගැනීම සඳහා විවෘත වරෙන්තු නිකුත් කරන ලෙසට අධිකරණයෙන් ඉල්ලා සිටිනවා.”

එම සැකකරුවන්ට බැංකු ගිණුම් 30 ක් පමණ තිබෙනවා. එම බැංකු ගිණුම්වල හා බැංකු සේප්පු ඇත්නම් ඒවායේ තිබෙන මුදල් හා භාණ්ඩවල විස්තර ලබා ගැනීම සඳහා අදාළ බැංකු ආයතනවලට නියෝගයක් නිකුත් කරන ලෙසට අධිකරණයෙන් ඉල්ලා සිටිනවා.

තවද ඔවුන්ගේ නම්වලින් ලියාපදිංචි කර තිබෙන වාහන ගැන වාර්තාවක් ලබා දෙන ලෙසට මෝටර් රථ කොමසාරිස් දෙපාර්තමේන්තුවේ කොමසාරිස්වරයාට නියෝගයක් නිකුත් කරන ලෙසට ද අධිකරණයෙන් ඉල්ලා සිටිනවා.

මේ වාර්තා ලබා ගැනීමට අවශ්‍ය වී තිබෙන්නේ ඔවුන්ගේ දේපළ????”

දෙවන සැකකාර මර්වින් සිල්වා වෙනුවෙන් පෙනී සිටි ජනාධිපති නිතීඥ මෛත්‍රී ගුණරත්න මහතා මෙසේ කීවේය.

“මේ නඩුවට විරුද්ධව සාක්කි නැහැ. ඒ නිසා අපරාධ පරීක්ෂණ දෙපාර්තමේන්තුවට සාක්කිකරුවන් දී තිබෙන සාක්කිවල සම්පීඩන වාර්තාවක් ලබා දෙන ලෙසට අධිකරණයෙන් ඉල්ලා සිටිනවා”  මහෙස්ත්‍රාත්වරිය – සාක්කිවල සම්පීඩන වාර්තාවක් අධිකරණයට ඉදිරිපත් කරන ලෙසට අපරාධ පරීක්ෂණ දෙපාර්තමේන්තුවට නියම කරනවා.

තෙවන හා හතරවන සැකකරුවන් වන වෛද්‍ය ජයන්ත සිංහබාහු කබ්රාල් හා දොන් සරත් කුමාර එදිරිසිංහ යන අය වෙනුවෙන් පෙනී සිටි ජනාධිපති නිතීඥ නෙවිල් අබේරත්න මහතා විසින් අධිකරණයට කරුණු දක්වමින් කියා සිටියේ මේ සැකකරුවන්ට ඇප ලබා ගැනීම සඳහා මහාධිකරණයට ඇප අයැදුම්පත් ඉදිරිපත් කර තිබෙන බවය.

හතරවන සැකකාර දොන් සරත් කුමාර එදිරිසිංහ වෙනුවෙන් පෙනී සිටි නීතීඥ දේශාල් පෝල් මහතා විසින් අධිකරණයට කරුණු දක්වමින් ඉල්ලා සිටියේ මේ සැකකරුට අයත් ව්‍යාපාරවල කටයුතු කර ගෙන යාම සඳහා එහි කළමනාකරුට බලය පැවරීමට අවසරය ලබා දෙන ලෙසට වන අතර ඊට මහෙස්ත්‍රාත්වරිය විසින් අවසරය ලබා දුන්නාය.

මහෙස්ත්‍රාත්වරිය – බන්ධනාගාර රෝභලේ වෛද්‍යවරයා විසින් දෙවන සැකකරුගේ (මර්වින් සිල්වා) රෝගී තත්ත්වය ගැන වෛද්‍ය වාර්තාවක් අධිකරණයට ඉදිරිපත් කර තිබෙනවා.

ඒ අනුව ඔහුට විශේෂඥ වෛද්‍ය ප්‍රතිකාර අවශ්‍ය බැවින් රාගම ශික්ෂණ රෝහලට ඔහු යොමු කර සායනයකට ඉදිරිපත් කර තිබෙනවා. එහිදී රෝග ලක්ෂණ කීපයක් හඳුනාගෙන තිබෙනවා. ඒවාට ප්‍රතිකාර ලබා දෙමින් සිටිනවා. බන්ධනාගාර රෝහලින් හා රාගම ශික්ෂණ රෝහලින් යම් වෛද්‍ය පරීක්ෂණයක් කරන්නට බැහැ කියලා දන්වලා නැහැ.

මෙහිදී දෙපාර්ශ්වයෙන්ම ඉදිරිපත් වු කරුණු කෙරෙහි අවධානය යොමු කළ මහෙස්ත්‍රාත්වරිය දැනට රක්ෂිත බන්ධනාගාරගත කර සිටින සැකකරුවන් හතර දෙනා තවදුරටත් රක්ෂිත බන්ධනාගාරගත කරමින් සැඟවී සිටින සැකකරුවන් දෙදෙනා අත්අඩංගුවට ගැනීම සඳහා විවෘත වරෙන්තු නිකුත් කෙරිණි.

අපරාධ පරීක්ෂණ දෙපාර්තමේන්තුවේ මුල්‍ය අපරාධ විමර්ශන අංශයේ ස්ථානාධිපති පොලිස් පරික්ෂක පී. විජේතුංග හා පොලිස් සැරයන් ඩෙන්සිල් යන නිලධාරීහු පැමිණිල්ල මෙහෙයවු අතර සැකකරුවන් වෙනුවෙන් ජනාධිපති නීතිඥවරුන් වන මෛත්‍රී ගුණරත්න, නෙවිල් අබේරත්න, නීතිඥවරුන් වන දේශාල් පෝල්, විරේන්දා කනංකෙගේ හා පියුමි උදාර යන මහත්ම මහත්මීහු ඇතුළු නීතීඥ පිරිසක් පෙනී සිටියහ.

මූලාශ්‍රය – අරුණ