පුවත්
මහා පරිමාණ මිනිස් ජාවාරමක් ගැන පොලීසියට පැමිණිල්ලක්
කැනඩාවේ රැකියා ලබාදෙන බව පවසමින් සහ විදේශ සංචාර සඳහා රැගෙන යන බව පවසමින් ශ්‍රී ලාංකික පුද්ගලයින් කණ්ඩායමක් විසින් ලාඕසයේ සිට මෙහෙයවනු ලබන විශාල මිනිස් ජාවාරමක් සම්බන්ධයෙන් කහතුඩුව පොලීසියට පැමිණිල්ලක් ඉදිරිපත් කර ඇති බව වාර්තා වේ.
මෙම ජාවාරම්කරුවන් හේතුවෙන් අගතියට පත් පුද්ගලයින් 32 දෙනෙකු වෙනුවෙන් මෙම පැමිණිල්ල ඉදිරිපත් කර ඇත.
තුසාර සාලිය රණවක නොහොත් මයිකල් රණවක නමින් පෙනී සිටින පුද්ගලයකු මෙම ජාවාරමෙහි මහ මොළකරු බවත් ඔහු සතුව ව්‍යාජ කැනඩා විදෙස් ගමන් බලපත්‍රයක් ද ඇති බවත් ලාඕසයට පැනගොස් සිටින ඔහු එහි VT Lao Farm Beer Ganden Restaurant, Lao Travellers Vo. Ltd සහ VT Sky Ship Hotel Co. Ltd නම් ආයතන පවත්වාගෙන යන බවත් සඳහන්.
මොහුත් සමග මෙම ජාවාරම් සඳහා ජනක සුසන්ත සහ වලිසිංහ නුමින්ද සංජය සිල්වා නමැති අයත් සම්බන්ධව සිටින අතර අනෙකුත් අයගේ තොරතුරු දැනට අනාවරණය වී නොමැති බවත් පැමිණිල්ලේ සඳහන් කර ඇත.
එසේම මෙම ජාවාරම්කරුවන්ට විදෙස්ගත වීමේ බලාපොරොත්තුවෙන් සිටින පුද්ගලයින් සොයාදීම ප්‍රසන්න අනුරාධ ඩැනියෙල් නම් තැනැත්තෙකු විසින් සිදුකරනු ලබන අතර ඔහු එම කටයුතු CMK Enterprises (Pvt) Ltd නමින් පවත්වාගෙන යන කාර්යාල තුනක් හරහා සිදුකර බවත් දක්වා ඇත. මීට නිලන්ති ඩී සිල්වා නම් කාන්තාවක් ද හවුල්ව සිටින බවත් එහි සඳහන්.
මෙම පුද්ගලයින් විසින් පවත්වාගෙන යනු ලබන බැංකු ගිණුම් පිළිබඳ විස්තර ද පැමිණිල්ලෙහි දක්වා ඇති අතර මෙරටදී මෙන්ම කාම්බෝජයේදී මුදල් ලබාගත් ආකාරය ද මුදල් හුවමාරුවට භාණ්ඩ මිලදී ලබාගත් ආකාරය ද දක්වා ඇත.
පැමිණිල්ලෙහි දක්වා ඇති අගතියට පත් පුද්ගලයින් 32 දෙනෙකුගෙන් මොවුන් ලබාගෙන වංචා කර ඇති මුදල රුපියල් ලක්ෂ 350 කට අධික ය.
ලාඕසයට පළාගොස් සිටින තුසාර සාලිය රණවක නොහොත් මයිකල් රණරක නමින් පෙනී සිටින පුද්ගලයා තවත් පුද්ගලයින් රැසකගෙන් මුදල් වංචා කර ඇතැයි පැවසෙන අතර ඔහු මෙරට ප්‍රධාන පෙළේ මත්ද්‍රව්‍ය ජාවාරම්කරුවන් දෙදෙනෙකු සමග සබඳතා පවත්වන බවත් වාර්තා විය.
ලාෆ්ස් ගෑස් මිල ගැන දැනුම්දීමක්
ජ්‍යෙෂ්ඨ පුරවැසි විශේෂ පොලී යෝජනා ක්‍රමය අද සිට
බොලිවුඩ් සුපිරි නළු ශාරුක් ඛාන් ශ්‍රී ලංකාවට?
-
පුවත්5 days agoමහරගම CIB Big City බොන වතුර බෝතලේත් වැඩි මිලට විකුණා මිලියනයක් දඩකයි
-
පුවත්4 days agoමහජන බැංකුව කෝටි 9ක් හොරා කාලා; විමර්ශනයක් කරන්නැයි CIDයට අධිකරණයෙන් නියෝග
-
පුවත්1 week agoපොලිස් ලොක්කෝ දෙකකගේ වත්කම් විමර්ශනයට
-
ගොසිප්1 week agoහර්ෂණගේ අස් වීමෙන් හිස් වූ මන්ත්රී අසුනට නම් තුනක්???
-
පුවත්1 week ago‘පොල්’ දෙසතිය යාපනයෙන් ඇරඹේ