අඹුසැමි යුවලක් ඉලක්ක කර හික්කඩුව කුමාරකන්ද ප්‍රදේශයේ වෙළෙඳසැළක ඊයේ (03) රාත්‍රියේ සිදුකළ වෙඩිතැබීමෙන් එක් අයෙකු මියගොස් ඇත.

මෙලෙස මියගොස් ඇත්තේ අදාළ වෙළෙඳසැළේ හිමිකරු බව වාර්තා වේ.

රාත්‍රී 7ට පමණ මෙම වෙඩි ප්‍රහාරය එල්ල වී ඇති බව පොලීසිය පැවසීය.

එහිදී බරපතළ තුවාල ලැබූ ඔවුන් දෙදෙනා ගාල්ල ජාතික රෝහලට ඇතුළත් කර තිබේ.

තුවාල ලැබූ කාන්තාවගේ තත්ත්වය බරපතළ බව වාර්තා වේ.

යතුරුපැදියකින් පැමිණි පුද්ගලයෙකු විසින් මෙම වෙඩි ප්‍රහාරය එල්ල කර ඇති බව මූලික විමර්ශනවලදී අනාවරණය වී ඇත.

සිද්ධිය සම්බන්ධයෙන් හික්කඩුව පොලීසිය වැඩිදුර විමර්ශන ආරම්භ කර තිබේ.

මෙම වසරේ අගෝස්තු මස කැනඩාවේදී පැවැත්වීමට නියමිත ලෝක යොවුන් දුනු විදීමේ ශූරතාව සඳහා, ක්‍රීඩා ඇමැතිවරයාගේ විශේෂ අවසරයක් මත ක්‍රීඩිකාවක සහභාගීකරවීම සඳහා ක්‍රීඩා අමාත්‍යංශය විසින් කරනු ලබන ප්‍රබල හා ඉතා උනන්දු මැදිහත්වීම මේ වන විට දුනු විදීම් ක්ෂේත්‍රයේ කතාබහට ලක්ව ඇති බව වාර්තා වේ.

ශ්‍රී ලංකාව නියෝජනය කරමින් ජාත්‍යන්තර තරගාවලියකට සහභාගී කරවීමේ සම්මත තේරීම් පටිපාටියෙන් සහමුලින්ම බැහැරව එම තරගාවලිය සඳහා නම් කර ඇති මෙකී ක්‍රීඩිකාවට අමතරව පුහුණුකරු සහ කාන්තා භාර නිලධාරිනියකද ඒ සමගින් එම සංචාරය සඳහා ඇතුළත් කරවීමට ක්‍රීඩා අමාත්‍යංශය මැදිහත්ව සිටින අතර එම කාන්තා භාර නිලධාරිනිය ලෙසින් නම් කර ඇත්තේ මෙම ක්‍රීඩිකාවගේ මව වීමද කැපී පෙනෙයි.

ක්‍රීසංදෙ/ක්‍රීඩා/05/01/42 දරන අංක යටතේ 2025.03.31 දාතමින් ක්‍රීඩා අධ්‍යක්ෂ ජනරාල් ෂෙමාල් ප්‍රනාන්දුගේ අත්සනින් යුතුව ශ්‍රී ලංකා දුනු විදීම් සම්මේලනයේ ලේකම් වෙත නිකුත් කර ඇති ලිපියක් මගින් අදාළ ක්‍රීඩිකාව මෙම ශූරතාව සඳහා ඇතුළත්කරවීමට අවශ්‍ය කටයුතු යොදන මෙන් දැනුම් දී ඇති බව පැවසේ.

මේ සම්බන්ධයෙන් පෙර දින රාත්‍රියේ ක්‍රීඩා අමාත්‍ය සුනිල් කුමාර ගමගේ මහතාගේ අනුමැතිය තමන් වෙත ලැබුණු බවද ක්‍රීඩා අධ්‍යක්ෂ ජනරාල්වරයා එකී ලිපියේ විශේෂයෙන් සඳහන් කර තිබීම ද විශේෂිතය.

මෙම ක්‍රීඩිකාව අදාළ ලෝක ශූරතාවේදී ශ්‍රී ලංකාව නියෝජනය කිරීමට ඇතුළත් කරන ලෙසින් ක්‍රීඩා අධ්‍යක්ෂ ජනරාල්වරයා විසින් කරනු ලබන දැනුම් දීමේ පදනමද අපහැදිළි බවත්, අවසන් වශයෙන් පැවැති දේශීය තරගවලදී මෙකී ක්‍රීඩිකාව ලෝක ශූරතා තරගාවලි සඳහා අදාළ මීටර 60 තරගාවලියට ඉදිරිපත්ව නැතැයි පැවසේ.

එසේම මීටර 30 තරගාවලියේදී ද ඇයට හිමිව ඇත්තේ 17වැනි ස්ථානය බවද වාර්තා වේ.

කෙසේවුවද, අවසන් වශයෙන් පැවැති තරගාවලියේදී ඇයගේ දුන්න දෝෂයකට ලක්වීම නිසා අපේක්ෂිත දස්කම් ප්‍රදර්ශනය කිරීමට නොහැකි වූ බවත්, ඉන් ඔබ්බට අදාළ දස්කම් ප්‍රදර්ශනය කිරීම සඳහා අවස්ථාවක් ලැබී නොමැති බවත් (තරගාවලි පවත්වා නැති බැවින්) මෙකී ලෝක ශූරතාව සඳහා තමන් සහභාගීවනුයේ පුද්ගලික වියදමෙන් වීම නිසාත් එම කරුණු සැලකිල්ලට ගනිමින් මෙම අවස්ථාව ලබාදෙන මෙන් එම ක්‍රීඩිකාවගේ පාර්ශ්වයෙන් කරන ලද ඉල්ලීමට ප්‍රතිචාර දක්වමින් මේ අවස්ථාව ලබා දී ඇති බවද පැවසේ.

ක්‍රීඩා අමාත්‍යවරයා මෙයට මැදිහත්ව ඇත්තේ එම ඉල්ලීමට ප්‍රතිචාර වශයෙන් බවත් පැවසේ.

මේ අතර ක්‍රීඩා අධ්‍යක්ෂ ජනරාල්වරයා සහ ක්‍රීඩා අමාත්‍යංශය තමන්ට කිසිදු සහයක් ලබා නොදෙන්නේ යැයි කියමින් ශ්‍රී ලංකා දුනුවිදීම් සම්මේලනයේ සමස්ත නිලධාරී මඩුල්ල 2025 ජනවාරි 09 වැනිදා සිය ඉල්ලා අස්වීම ප්‍රකාශයට පත්කළ අතර එවැනි වාතාවරණයක් යටතේ මෙම ක්‍රීඩිකාවගේ ලෝක ශූරතා සහභාගීත්වයට අදාළව ක්‍රීඩා අධ්‍යක්ෂ ජනරාල්වරයා විසින් ශ්‍රී ලංකා දුනුවිදීම් සම්මේලනයේ ලේකම්වරයාට යනුවෙන් යොමු කර ඇති ලිපියේ අදාළ යොමුවේ නෛතිකභාවය සම්බන්ධයෙන්ද ගැටලු මතුව ඇති බව වාර්තා වේ.

මූලාශ්‍රය – අරුණ

දෙදින නිල සංචාරයක් සදහා ඉන්දියාවේ අගමැති නරේන්ද්‍ර මෝදි අද (04) පස්වරුවේ මෙරටට පැමිණීමට නියමිතව තිබේ.

ඉන්දීය අගමැතිවරයා මෙරටට පැමිණීමෙන් පසු හෙට (05) උදෑසන නිදහස් චතුරස්‍රයේදී ඔහු පිළිගැනීමෙන් අනතුරුව ජනාධිපතිවරයා සහ ඉන්දියානු අගමැතිවරයා අතර ද්විපාර්ශවික සාකච්ඡාවක් පැවැත්වේ.

මේ අතර ඉන්දීය අගමැතිවරයාගේ සංචාරය සඳහා භාවිත කිරීමට එම්.අයි. 17 වර්ගයේ ගුවන්යානා 4ක් මෙරටට එවා ඇති අතර ඉන්දීය ගුවන් භටයන් 40ක්ද පැමිණ තිබේ.

සිය ශ්‍රී ලංකා සංචාරය පිළිබඳ අගමැති නරේන්ද්‍ර මෝදි ඔහුගේ X ගිණුමේ සටහනක් තබමින් “මගේ ශ්‍රී ලංකා සංචාරය 4 සිට 6 වන දින දක්වා සිදු කෙරේ. ජනාධිපති අනුර කුමාර දිසානායක ගේ සාර්ථක ඉන්දීය සංචාරයෙන් පසු මේ සංචාරය සිදු වන්නේය. අපි ඉන්දියා – ශ්‍රී ලංකා මිත්‍රත්වයේ බහුවිධ පැතිකඩ පිළිබඳ සමාලෝචනය කරමින්, සහයෝගීතාවයේ නව අවස්ථා ගැන සාකච්ඡා කිරීමෙට සැලසුම් කර සිටිමු. ඒ සඳහා විවිධ හමුවීම් කිහිපයකට සහභාගී වීමට මම බලාපොරොත්තු වෙමි.” යනුවෙන් සඳහන් කර තිබේ.

My visit to Sri Lanka will take place from the 4th till the 6th. This visit comes after the successful visit of President Anura Kumara Dissanayake to India. We will review the multifaceted India-Sri Lanka friendship and discuss newer avenues of cooperation. I look forward to the…

— Narendra Modi (@narendramodi) April 3, 2025