මඩකලපුව ශ්‍රී මංගලාරාමාධිපති අම්පිටියේ සුමනරතන හිමියන් පොලීසිය විසින් අත්අඩංගුවට ගෙන තිබේ.

අම්පාර උහන පොලිස් ස්ථානයේදී කලහකාරී ලෙස හැසිරීමේ සිද්ධියක් මුල්කරගනිමින් මෙම අත්අඩංගුවට ගැනීම සිදුකර ඇත.

උහන පොලීසිය විසින් සැකකරුවෙකු අත්අඩංගුවට ගැනීමේදී ඔහු සමග සිටි දරුවන් දෙදෙනා අනාරක්ෂිත අයුරින් ත්‍රිරෝද රථයක රැගෙන යාමට විරෝධය පළකර උන් වහන්සේ එම පොලිස් ස්ථානය තුළ එලෙස කලහකාරී ලෙස හැසිරී ඇති බව වාර්තා වේ.

නිවෙස්වල සතුන් ඇතිකරන විට නිසි ක්‍රමවේදයක් අනුගමනය කරන ලෙසත්, සුනඛයන් වැනි සතුන්ගෙන් මහජනතාව අනාරක්ෂිත තත්ත්වයට පත් නොකරන ලෙසත් කොළඹ අතිරේක මහෙස්ත්‍රාත් පවිත්‍රා සංජීවනී පතිරණ ඊයේ (22 වැනිදා) නියෝග කළාය.

කොටහේන, ශ්‍රී සුමිත්‍රරාම මාවතේ නිවසක ඇති කරන ලද සුනඛයකු විසින් පුද්ගලයකුගේ මුහුණක් සපා කෑමේ සිද්ධියක් සම්බන්ධයෙන් චෝදනා ලැබූ තරුණියකට තරයේ අවවාද කරමින් අතිරේක මහෙස්ත්‍රාත්වරිය එලෙස නියෝග කළාය.

කොටහේන පොලිසිය වෙත ලද පැමිණිල්ලක් මත අධිකරණය හමුවේ පෙනී සිටි ඩැඩල්ලගේ අචලා මනෝරි නමැති සැකකාරිය රුපියල් ලක්ෂ 02 ක ශරීර ඇපයක් මත මුදා හරින ලෙසද අතිරේක මහෙස්ත්‍රාත්වරිය නියෝග කළාය.

පැමිණිල්ල වෙනුවෙන් පෙනී සිටි කොටහේන පොලිසියේ සැරයන් (12104) කැලුම් ප්‍රියන්ත කරුණු ඉදිරිපත් කරමින් පැවසුවේ පැමිණිලිකාරියගේ සුරතලයට ඇති කරන සුනඛයා පැමිණිලිකාරියගේ යාබද නිවසේ පදිංචි සැකකාරියගේ සුනඛයා විසින් සපා කා ඇති බවයි.

එම අවස්ථාවේදී පැමිණිලිකාරියගේ සුනඛයා බේරා ගැනීමට ඇයගේ පියා පැමිණ ඇති බවත්, ඒ අවස්ථාවේදී සැකකාරියට අයත් තවත් සුනඛයකු වන රොට් වයලට් වර්ගයේ සුනඛයා පැමිණ පියා වන සුදේශ් සිල්වාගේ මුහුණ සපා කා ඉන් අනතුරුව පැමිණිලිකාරියගේ සුනඛයාද සපා ඇතැයි පොලිස් සැරයන් කැලුම් ප්‍රියන්ත අධිකරණය වෙත දන්වා සිටියේය.

අදාළ සුනඛයාගේ පහරකෑමට ලක් වූ පැමිණිලිකාරියගේ පියා ජාතික රෝහලට ඇතුළත්ව ප්‍රතිකාර ගෙන ඇතැයි දන්වා සිටි පොලිස් සැරයන් කැලුම් ප්‍රියන්ත, සැකකාරියගේ සුනඛයා සපා කෑමෙන් පැමිණිලිකාරියගේ සුනඛයා මියගිය බව වාර්තාවන බවද අධිකරණයට දන්වා සිටියේය.

මූලාශ්‍රය – අරුණ

පසුගිය පළාත් පාලන මැතිවරණයෙන් තේරීපත් වූ සහිකයින්ගේ නම් වලින් කොටසක් අද (23) දිනයේ ගැසට් මගින් පළ කරන බව මැතිවරණ කොමිෂන් සභාව සඳහන් කරයි.

පළාත් පාලන කොට්ඨාස ජයගත් සියලු සභිකයින්ගේ නම් එහිදී ගැසට් මගින් ප්‍රකාශයට පත් කරන බව මැතිවරණ කොමසාරිස් ජෙනරාල් සමන් ශ්‍රි රත්නායක මහතා සඳහන් කළේය.

එසේම ලැයිස්තුවලින් තේරී පත්වූ සභිකයින්ගේ නම් මෙතෙක් භාර නොදුන් දේශපාලන පක්ෂ හා ස්වාධීන කණ්ඩායම්වලට එම නම් කඩිනමින් දිස්ත්‍රික් තේරීම්භාර නිලධාරීන්ට භාර දීමට පියවර ගන්නා ලෙස මැතිවරණ කොමසාරිස් ජෙනරාල්වරයා දැනුම් දී තිබේ.