පාතා­ලයේ මත්කුඩු ජාවා­ර­ම්ක­රු­වන් ඇතුළු නීති­වි­රෝධී ක්‍රියා ඔස්සේ වත්කම් රැස් කර­ගෙන ඇති පුද්ග­ල­යන් 88 දෙන­කුගේ රුපි­යල් කෝටි 400කට අධික දේපොළ නීති­වි­රෝධී වත්කම් විම­ර්ශන කොට්ඨා­සය විසින් මේ වන විට තහ­නම් කර ඇති බව අප­රාධ පරී­ක්ෂණ දෙපා­ර්ත­මේන්තු තොර­තුරු සඳ­හන් කළේය.

ඒ අතර විශාල ඉඩම් 77ක් ඇතුළු පර්චස් 1500කට අධික ඉඩම්ද, නිවාස හා ගොඩ­නැ­ඟිලි 40කට වැඩි ප්‍රමා­ණ­යක් ද, මැණි­ක්ගල් 12ක් ද, රන් කිලෝ 10කට වැඩි ප්‍රමා­ණ­යක් ද, සුපිරි වෙළෙ­ඳ­ස­ලක් ද, ඔසු­හ­ලක් ද, හෝටල් 02ක් ද, සබන් කුඩු යන්ත්‍ර­යක් ද, වාහන 100කට වැඩි ප්‍රමා­ණ­යක්ද, බහු­දින යාත්‍රා 07ක් ද, පාපැදි 328ක් ද, වල්ලම් 02ක් ද, ඇතුළු දේපොළ ඇති බව එම තොර­තුරු විශ්ලේ­ෂ­ණ­යේදී අනා­ව­ර­ණය වේ. මේසේ දේපොළ තහ­නම් කරන ලද අය අතර පාතා­ලයේ මත්කුඩු ජාවා­ර­ම්ක­රු­වන් 26කගේ දේපොළ ද තිබීම විශේ­ෂි­තය. වැඩිම දේපොළ ප්‍රමා­ණ­යක් තහ­නම් කර­මින් විකි­ණීම, පැව­රීම ආදී කට­යුතු සිදු කිරී­මට නොහැකි වන ලෙස ක්‍රියා­වි­ර­හි­ත­කර ඇත්තේ දෙම­ට­ගොඩ රුවන් නමැති අය­ගේය. ඔහු දෙම­ට­ගොඩ චමි­න්දගේ සහෝ­ද­ර­යාය. නීති­වි­රෝධී වත්කම් විම­ර්ශන කොට්ඨා­සයේ තොර­තු­රු­ව­ලට අනුව දෙම­ට­ගොඩ රුවන්ගේ තහ­න­ම්කර ඇති දේපො­ළ­වල මුළු වටි­නා­කම සඳ­හන් වන්නේ රුපි­යල් 666,900,000ක් ලෙසිනි. ඊට රුපි­යල් කෝටි 9ක බැංකු ගිණුම් 05ක්, රුපි­යල් කෝටි 38ක් වටිනා ඉඩම් 02ක්, රුපි­යල් කෝටි 20ක් වටිනා වාහන 10ක්, රුපි­යල් කෝටි 2කට වැඩි වටි­නා­ක­මක් ඇති රත්ත­රන් කිලෝ එක­හා­මා­රක්, රුපි­යල් කෝටි 4කට අධික වටි­නා­ක­මක් ඇති නිවාස 02ක්, මෙන්ම රුපි­යල් කෝටි­ය­කට වැඩි වටි­නා­ක­මක් ඇති උකස් පත්‍රිකා තහ­න­මට ලක්කර ඇති දේපොළ අතර ඇතැයි නීති විරෝධි වත්කම් විම­ර්ශන කොට්ඨා­සයේ තොර­තුරු සඳ­හන් කළේය.

කුඩු සළිඳු, කුඩු රොෂාන්, මොහො­මඩ් රිෆ්කාන්, වැලි­විට සුදා, කර­න්දෙ­ණිය සුද්දා, ගණේ­මුල්ල සංජීව, ලඩියා, කැවුමා, බටු­වත්තේ චාමර, බාසික්, ඕලු­මරා, බතල හීන්, පරෙයි සුද්දා, කිරින්දේ චාමර ඇතුළු පාතා­ලයේ ප්‍රබල මත්කුඩු ජාවා­ර­ම්ක­රු­වන් රැස­කගේ දේපොළ තහ­න­මට ලක්ව ඇති මෙම දේපොළ අතර ඇති බව නීති විරෝධි වත්කම් විම­ර්ශන කොට්ඨා­සයේ තොර­තුරු අනා­ව­ර­ණය කරයි. ප්‍රධාන පෙළේ ගංජා ජාවා­ර­ම්ක­රු­වෙක් ලෙස හඳු­නා­ගෙන සිටින බතල හීන් නමැ­ත්තාගේ රුපි­යල් කෝටි 10 දේපොළ මෑත­කදී තහ­නම් කළ අතර ඉකුත් සතියේ දී ඔහුගේ බිරි­යගේ නමින් වූ තවත් රුපි­යල් කෝටි 03ක දේපොළ තහ­න­ම්කර තිබේ.

මෙසේ දේපොළ තහ­න­ම්කර ඇති පාතා­ලයේ මත්කුඩු ජාවා­ර­ම්ක­රු­වන් රැසක්ම සිටින්නේ විදේ­ශ­ග­ත­වය. බොහෝ දේපොළ ඔවුන්ගේ ඥාතීන්ගේ නම්ව­ලින් තිබී ඇත.

මෙම දේපොළ තහ­න­ම්කර ඇත්තේ 2021 වසරේ සිට කරනු ලබන විම­ර්ශ­න­යන්ට අනු­වය. ඉදි­රි­යේදී තවත් විශාල පිරි­ස­කගේ දේපොළ සම්බ­න්ධ­යෙන් විම­ර්ශන පැවැ­ත්වෙන බවත් ඒ අනුව එම දේපො­ළද තහ­නම් කිරී­මට අවශ්‍ය පිය­වර ගන්නා බව උසස් පොලිස් නිල­ධා­රි­යෙක් සඳ­හන් කළේය.

(දිනමිණ)

මහාධිකරණ විනිසුරුවරුන් දෙදෙනෙකු අභියාචනාධිකරණ විනිසුරුවරුන් ලෙස පත් කිරීම සඳහා ආණ්ඩුක්‍රම ව්‍යවස්ථා සභාවේ අනුමැතිය හිමිව තිබේ.

අගවිනිසුරු මුර්දු ප්‍රනාන්දු මහත්මියගේ නිර්දේශ මත ජනාධිපති අනුර කුමාර දිසානායක මහතා විසින් යොමු කරන ලද එම නාමයෝජනා සඳහා කථානායක ජගත් වික්‍රමරත්න මහතාගේ ප්‍රධානත්වයෙන් පසුගියදා රැස්වූ ව්‍යවස්ථා සභාව අනුමැතිය ලබාදී ඇති බව වාර්තා වේ.

ඒ අනුව කොළඹ මහාධිකරණ විනිසුරු ආදිත්‍ය පටබැඳිගේ සහ සිවිල් අභියාචනා මහාධිකරණ විනිසුරු ෆ්‍රෑන්ක් ගුණවර්ධන යන මහත්වරුන් අභියාචනාධිකරණයේ විනිසුරුවැන් ලෙස පත් කිරීම සඳහා මෙලෙස අනුමැතිය හිමිව ඇති බව සඳහන් වේ.

කෙසේවෙතත් අභියාචනාධිකරණයේ වැඩබලන සභාපති විනිසුරු මොහොමඩ් ලෆාර් තාහීර් මහතා ශ්‍රේෂ්ඨාධිකරණ විනිසුරුවරයෙකු ලෙස පත් කිරීමට සිදුකළ යෝජනාව ව්‍යවස්ථා සභාවේ දී සලකා බලා නොමැති බව වාර්තා වේ.

ශ්‍රේෂ්ඨාධිකරණයේ විනිසුරු අසුනක් තවමත් හිස්ව නොතිබීම හේතුවෙන් ඔහු සම්බන්ධයෙන් සිදුකර තිබූ නාම යෝජනාව ආණ්ඩු පාර්ශවය විසින් ඉල්ලා අස්කරගෙන ඇති බව සඳහන් වේ.

පසුගිය මාර්තු මස 11 වනදා ද අභියාචනාධිකරණය සඳහා නව විනිසුරුවරුන් තිදෙනෙකු පත්වීම් ලැබීය.

(අද දෙරණ)

ජර්මානු ෆෙඩරල් ජනරජයේ නිල සංචාරය සාර්ථකව නිම කරමින් ජනාධිපති අනුර කුමාර දිසානායක මහතා අද (15) පෙරවරුවේ දිවයිනට පැමිණියේය.

මෙම නිල සංචාරයේ දී ජනාධිපතිවරයා ජර්මානු ජනාධිපති ෆ්‍රෑන්ක්-වෝල්ටර් ස්ටයින්මියර් (Frank-Walter Steinmeier), ජර්මානු විදේශ අමාත්‍ය ජොහාන් වඩෆුල් (Dr. Johann Wadephul) සහ ජර්මානු ආර්ථික සහයෝගීතා සහ සංවර්ධන අමාත්‍ය රීම් අලබලි-රඩොවන් (Reem Alabali-Radovan) යන මහත්ම මහත්මීන් හමු වී ද්වීපාර්ශ්වික සාකච්ඡාවල නිරත විය. එහිදී  රජයේ ප්‍රමුඛතා මත පදනම්ව වෙළෙඳ, ඩිජිටල් ආර්ථික, ආයෝජන සහ වෘත්තීය පුහුණු ආදී ක්ෂේත්‍රයන්හි දෙරටේ සහයෝගීතාව පුළුල් කෙරෙන නව මාර්ග පිළිබඳව සොයා බැලීම කෙරෙහි විශේෂ අවධානයක් යොමු කෙරිණි.

මීට අමතරව, ජනාධිපතිවරයා ජර්මනියේ සංචාරක හා චාරිකා කර්මාන්ත සංගම්වල (Tourism and Travel Industry Associations) නියෝජිතයන්ගේ හමුවකටද සහභාගී විය.

ජර්මනියේ වාණිජ හා කර්මාන්ත මණ්ඩලය විසින් එම සංගම් මුලස්ථානයේදී (DIHK) සංවිධානය කරනු ලැබූ ව්‍යාපාරික සංසදයට සහභාගී වූ ජනාධිපති අනුර දිසානායක මහතා එහි ප්‍රධාන දේශනයද සිදු කළේය.

ජනාධිපතිවරයා සිය නිල සංචාරය අතරතුර ජර්මනියේ වාසය කරන ශ්‍රී ලාංකික ප්‍රජාව හමුවීමටද කටයුතු කළේය.

මෙම සංචාරයට ජනාධිපතිවරයා සමඟ විදේශ කටයුතු, විදේශ රැකියා සහ සංචාරක අමාත්‍ය විජිත හේරත් සහ රජයේ ජ්‍යෙෂ්ඨ නිලධාරීහු පිරිසක් සහභාගී වූහ.

(ජනාධිපති මාධ්‍ය අංශය)