ජනාධිපති ගෝඨාභය රාජපක්ෂ මහතාගේ සමයේ දී ආරම්භ කළ පළාත් පාසල් 671ක් ජාතික පාසල් බවට උසස් කිරීමේ ව්‍යාපෘතිය අහෝසි කිරීමට රජය තීරණය කර තිබේ. 

එම ව්‍යපෘතිය වෙනුවෙන් එක් පාසලක් සඳහා රුපියල් මිලියන 02 බැගින් රුපියල් කෝටි එකසිය 134කට අධික මුදලක් ලබා දුන් අතර එම ප්‍රතිපාදන යොදවා පාසලේ නව නාමපුවරුව සකස් කිරීම හා හදිසි ප්‍රතිසංස්කරණ කටයුතුවලට යොදවන ලෙස උපදෙස් දී තිබිණි.

එම උපදෙස් අනුව අදාළ පාසල් කඩිනමින් ජාතික පාසල් නාමපුවරුව සකස් කර ගත් අතර ඒ සඳහා රුපියල් ලක්ෂ පහේ සිට ඊට වැඩි මුදලක් වැය කර තිබිණි. 

එම නාම පුවරු සියල්ල ගලවා ඉවත් කරන ලෙස මේ වනවිට දැනුම් දෙනු ලැබ තිබේ. 

එමෙන්ම මින් ඉදිරියට ජාතික පාසල් නාමය, ඊට අදාළ ලිපි ශීර්ෂ සහ නිලමුද්‍රා ආදිය කඩිනමින් ඉවත් කරන ලෙසට ද උපදෙස් දෙනු ලැබ ඇත. 

මෙම තත්ත්වය නිසා නැවතත් පැරැණි නාමය යටතේ ලිපි ශීර්ෂ, නිලමුද්‍රා ආදිය අලුතින් සකස් කර ගැනීමට එම පාසල්වලට සිදු වී ඇත.

මෙම ව්‍යාපෘතිය ආරම්භ කළේ දැනට පවතින ජාතික පාසල් 329 දහසක් දක්වා වැඩි කිරීම සඳහාය. ව්‍යාපෘතිය යටතේ බස්නාහිර පළාතේ ජාතික පාසල් බවට පත්කර ඇත්තේ පාසල් 05ක් පමණි. 

එවකට අධ්‍යාපන අමාත්‍යාංශ ලේකම්වරයා ලෙස කටයුතු කළ මහාචාර්ය කපිල පෙරේරා වත්මන් ආණ්ඩුවේ ප්‍රවාහන හා මහාමාර්ග අමාත්‍යාංශයේ ලේකම්වරයා ලෙස කටයුතු කරයි.

මූලාශ්‍රය – අරුණ

විදුලි සංදේශ නිලධාරින්ගේ සංගමය පවසන්නේ අද (31) දිනයේ සාමාන්‍ය පරිදි තැපැල් දෙපාර්තමේන්තුවේ කටයුතු ක්‍රියාත්මක වන බවය.

එම සංගමයේ ප්‍රධාන ලේකම් ජේ එච් එම් මංජුල බණ්ඩාර ජයසුන්දර මහතා පැවසුවේ මධ්‍යම තැපැල් හුවමාරුවේ වර්ජනයේ නිරතව සිටි තැපැල් හා විදුලි සංදේශ නිලධාරීන්ගේ සංගමයේ නිලධාරීන් ඊයේ (30) පස්වරුවේ සිට සේවයට වාර්තා කර ඇති බවයි.

වැඩවර්ජනය හේතුවෙන් ගොඩගැසී තිබූ තැපැල් මලු 2,000කට අධික ප්‍රමාණයක් බෙදාහැරීම  මේ වනවිට  ආරම්භ කර ඇති බවද ඒ මහතා පැවසීය.

බඳවා ගැනීමේ පටිපාටියේ පවතින ප්‍රමාදයන් විසදීම ඇතුළු ඉල්ලීම් ගණනාවක් මුල් කරගමින් මෙම වර්ජනය ක්‍රියාත්මක විය.

එම වැඩවර්ජනය මගින් සිය ගැටලු පිළිබඳ අදාළ බලධාරින්ගේ අවධානය යොමු කරවූ බවයි විදුලි සංදේශ නිලධාරින්ගේ සංගමයේ ප්‍රධාන ලේකම් ජේ එච් එම් මංජුල බණ්ඩාර ජයසුන්දර මහතා වැඩිදුරටත් පැවසීය.

සබැඳි පුවත්:

රජය සතු වාහන ඉතාමත් රහසිගතව වත්මන් ආණ්ඩුව වෙන්දේසි කර මුදල් ලබාගන්නා බවට චෝදනාවක් එල්ල වී තිබේ.
උතුරු මැද පළාත් සභාව සතු සුඛෝපභෝගී වාහන 22ක් රහසිගතව ටෙන්ඩර් කැඳවා අඩුමිලට වෙන්දේසි කර ඇති බවට “අපි පුරවැසියෝ” සංවිධානය විසින් චෝදනා කරනු ලබයි.

එම සංවිධානයේ කැදවුම්කරු ප‍්‍රියන්ත ප‍්‍රනාන්දු මහතා පවසන්නේ අදාල වෙන්දේසියේදී අති සුඛෝපභෝගී වාහන 12ක් රුපියල් මිලියන 28ක මුදලකට අලෙවි වී ඇති බවය.

” උතුරු මැද පළාත් සභාවේ හිටපු ආණ්ඩුකාරවරු මහ ඇමැතිවරු භාවිතා කරපු වාහන විසිදෙකක් පහුගිය දවස්වල රහසිගතව ටෙන්ඩර් කැදවලා ටෙන්ඩර් කරන්න කටයුතු කරල තියෙනව.

වාහන විසි දෙකෙන් වාහන දොළහක් ටෙන්ඩර් පිරිනමල තියෙනවා. මේ වාහන 12 අතර තියෙනවා විශේෂයෙන්ම හිටපු මහ ඇමතිවරයා භාවිතා කරපු BMW වර්ගයේ සුඛෝපභෝගී වාහනයක් තියෙනවා.

ඒ වගේම ප‍්‍රාඩෝ වාහන තුනක් තියෙනවා. විශේෂයෙන්ම BMW වාහනය නිශ්පාදන වර්ෂය 2014 නිෂ්පාදනය. වර්තමාන වෙළඳපොළ වටිනාකම අපි හොයලා බැලුවා කෝටි තුන හමාරකට ආසන්නයි.

ඒ වගේම තමයි ප්‍රාඩෝ තුනක්. ඒ වගේම ඩිෆෙන්ඩර් රථයක්. ඒ වගේම මිට්ෂුබිෂි පෙජරෝ වර්ගයේ වාහන කිහිපයක් ඇතුළු වාහන 12ක් තමයි වෙන්දේසි කරල තියෙන්නෙ.

වාහන 12ම මිලියන 28කට වාහන දොළහක් දීලා තියෙනව. මේක ප්‍රසිද්ධ කරේ නෑ. පැහැදිලිවම මේක අපි හොයලා බැලූව මේ ප‍්‍රාඩෝ එකක වර්තමාන වෙළඳපොළ වටිනාකම කෝටි දෙකකටත් එහා විකුණල තියෙන්නේ ලක්ෂ පනහකටත් අඩු මිලකට තමයි මේ ප‍්‍රාඩෝ එකක් විකුණලා තියෙන්නේ.

මහ ඇමතිවරයා පාවිච්චි කරපු පසු ආණ්ඩුකාරයක් පාවිච්චි කරපු BMW වාහනය ලක්‍ෂ පනහකට අඩු මිලකට විකුණල තියෙන්නේ.

මේවා ඊට වඩා කරන්න පුළුවන්. ඒ කියන්නේ මිලියන සීයකට එහා අලෙවි කරන්න පුළුවන් වාහන ප්‍රමාණයක් දැන් අලෙවි කරලා තියෙන්නේ කීයද මිලියන 28කට. 

තව තියෙනවා මෙතන වාහන දහයක්. ඒ වාහන දහයත් අඩුවෙන් තක්සේරු කරලා වෙලා විකුණන්න සූදානමක් තියෙනව.

ඒ හින්ද මේක මගඩියක් හොරකමක් ජාවාරමක් “

වීඩියෝ –  Hiru