පුවත්
USAID අරමුදල් යටතේ සරුකළ සහල් මෙට්‍රික් ටොන් 600ක් ලංකාවට
ශ්‍රී ලංකා රජයෙන් ජාතික මට්ටමින් සිදුකෙරෙන පාසල්වලට ආහාර වේල් ලබාදීමේ වැඩසටහනට සහයවීම පිණිස ජාත්‍යන්තර සංවර්ධනය සඳහා වන එ.ජ නියෝජිතායතනයෙන් (USAID) අරමුදල් ලබා ශ්‍රී ලංකාවට ගෙන එන සරුකළ සහල් (fortified rice) මෙට්‍රික් ටොන් 600ක්, පළමු සහල් තොගය වශයෙන් පසුගිය සතියේ ශ්‍රී ලංකාවට ගෙන එන ලදී.
මෙම සහල් තොගය, USAID සහ WFP විසින් ලබාදෙන වඩාත් පුළුල් සහනාධාර මුලපිරීමක එක් කොටසක් වන අතර, ඊට සරුකළ සහල් මෙට්‍රික් ටොන් 3950ක්, රතු පරිප්පු මෙට්‍රික් ටොන් 768ක්, සෝයා මෙට්‍රික් ටොන් 1188, සහ බඩඉරිඟු මෙට්‍රික් ටොන් 2310ක් ඇතුළත් වේ. මෙම ආධාරය පාසැල් දරුවන් මිලියන 1.7ක් සහ ගර්භණී හා කිරිදෙන මවුන් 300,000ක් වෙත පාසැල් ආහාරවේල් සහ අතිරේක පෝෂණය ලබාදීමට ඉවහල් වනු ඇත.
“මේ වසරේ එක්සත් ජනපදය සහ ශ්‍රී ලංකාව 75 වසරක මිත්‍රත්වයක් සමරනවා, අපේ මේ කථාන්දරය මිත්‍රත්වයේ සහ හවුල්කාරීත්වයේ කථාන්දරයක්,” යනුවෙන් ශ්‍රී ලංකාවේ එ.ජ. තානාපති ජුලී චංග් මහත්මිය සඳහන් කළාය.”ශ්‍රී ලංකාවේ ආර්ථික අර්බුදය හේතුවෙන් ළමයින් සහ මවුවරුන් ඇතුළු බොහෝ ශ්‍රී ලාංකිකයින්ට පෝෂ්‍යදායී ආහාර වෙත ප්‍රවේශවීමේ දුෂ්කරතා ඇති වූ විට ඇමරිකානු ජනතාව නොපමාව ඊට ප්‍රතිචාර දැක්වූවා. මේ ආහාර ද්‍රව්‍ය තොගයෙන් පිළිබිඹු වන්නේ ශ්‍රී ලාංකික ජනතාව කෙරෙහි අපේ ඇති අඛණ්ඩ කැපවීමයි.”
ගතවූ වර්ෂය තුළ එක්සත් ජනපදය ඩොලර් මිලියන 270 ඉක්මවන ආධාර ප්‍රමාණයක් ශ්‍රී ලංකාවට අළුතින් ලබාදෙන සහය වශයෙන් නිවේදනය කර තිබේ. “ශ්‍රී ලංකාවේ දීර්ඝ කාලීන සංවර්ධන හවුල්කරුවකු වශයෙන් අපි වයසින් අඩු අයට දිනපතා අත්‍යාවශ්‍ය ක්ෂුද්‍රපෝෂක ලබාගැනීමේ වැදගත්කම තදින්ම පිළිගන්නවා. එනිසා, ළමා සහ මාතෘ පෝෂණ වැඩසටහන් දැනට දශක හයකට කලින් USAID විසින් ශ්‍රී ලංකාවේ ආරම්භ කළ මුල්ම ආධාර මැදිහත්වීම්වල කොටසක් වූවා.” යනුවෙන් ශ්‍රී ලංකාවේ සහ මාලදිවයින්හි USAID ධූතමෙහෙවර අධ්‍යක්ෂ ගේබ්‍රියෙන් ග්‍රෞ මහතා පැවසීය.
“වඩාත්ම ආහාර අනාරක්ෂිතතාවයෙන් පෙළෙන ප්‍රජාවන් වෙත WFP හි හදිසි අවස්ථා මෙහෙයුම් කඩිනමින් ළඟා කරවීමට ඉඩ සලසමින් USAID විසින් ලබාදුන් මෙම ආධාරය අපි බෙහෙවින් අගය කරනවා,” යනුවෙන් WFP හි ශ්‍රී ලංකා නියෝජිත සහ අධ්‍යක්ෂ අබ්දුර් රහිම් සිදිකි මහතා ප්‍රකාශ කළේය. “තමන්ගේ පවුල්වලට සෞඛ්‍යසම්පන්න ආහාරවේල් සපයාදීමට වෙර දරන මවුපියන්ට සහනයක් වෙමින්, යකඩ සහ ෆෝලික් අම්ලය මිශ්‍ර කරමින් අමතර පෝෂණයක් ළමුන් වෙත ලබාදෙන පාසැල් ආහාර වේල් වැඩසටහන අඛණ්ඩව කරගෙන යෑම සඳහා USAID අරමුදලෙන් ලැබෙන මේ නවතම සරුකළ සහල් තොගය සහය වේවි.”
ශක්තිය, ප්‍රෝටීන් සහ ක්ෂුද්‍ර පෝෂක සංයෝගයක් සහිතව ‘කෑමට සූදානම්’ ආහාරයක් ලෙස නිපදවෙන ශ්‍රී ලංකාවේ පෝෂණ මැදිහත්වීමක් වන ත්‍රිපෝෂ ගර්භනී සහ කිරිදෙන මව්වරුන්ට ලැබෙනු ඇත.
මෙම මුලපිරීම සියලු ශ්‍රී ලාංකිකයන් සඳහා ආර්ථික සමෘද්ධිය සහ ප්‍රජාතන්ත්‍රවාදී යහපාලනය ප්‍රවර්ධනය කිරීම සඳහා ඇමරිකානු සහ ශ්‍රී ලාංකික ජනතාව අතර දිගුකාලීන හවුල්කාරිත්වයේ එක් අංගයකි.
එක්සත් ජාතීන්ගේ ලෝක ආහාර වැඩසටහනේ (WFP) සහ ආහාර හා කෘෂිකර්ම සංවිධානයේ භෝග සහ ආහාර සුරක්ෂිතතා ඇගැයුම් මෙහෙවරෙහි වාර්තාවක ශ්‍රී ලංකාවේ ජනගහනයෙන් සියයට තිහක් වර්තමානයේ දී ආහාර අනාරක්ෂිතතාවයට මුහුණ දී සිටින බව සඳහන් වේ. දැනට ක්‍රියාත්මක වැඩසටහන් මෙන්ම නව අරමුදල් සහ ආහාර තොග ලබාදීම හරහා එම අවශ්‍යතා සපුරාලීම සඳහා එක්සත් ජනපදය ශ්‍රී ලංකා රජයත්, ලෝක ආහාර සංවිධානයත්, අනෙකුත් හවුල්කරුවනුත් සමගින් කටයුතු කරමින් සිටියි.
අද (22) රාත්‍රියේ වෙඩි ප්‍රහාරයකට ලක්වූ දේශපාලන ක්‍රියාකාරී ඩෑන් ප්‍රියසාද් ජීවිතක්ෂයට පත්වී නැති බව පොලිසිය පවසයි.
අසාධ්‍ය තත්වයෙන් පසුවන ඔහු දැඩි සත්කාර ඒකකයේ ප්‍රතිකාර ලබන බව පොලිස් මාධ්‍ය ප්‍රකාශකවරයා පවසා ඇත.
මීට පෙර පොලිසිය විසින් නිකුත් කර ඇති නිවේදනයක් දැක්වුණේ ඔහු මියගොස් ඇති බවයි.
————-
(පෙර පුවත : 2025/04/22 at 10:40 )
ඩෑන් ප්‍රියසාද් වෙඩි ප්‍රහාරයකින් මියයයි
අද (22) රාත්‍රියේ වෙඩි ප්‍රහාරයකට ලක්වූ දේශපාලන ක්‍රියාකාරී ඩෑන් ප්‍රියසාද් ජීවිතක්ෂයට පත්වී ඇත.
අද රාත්‍රී 9:10ට පමණ වැල්ලම්පිටිය ලක්සඳ සෙවණ මහල් නිවාස සංකීර්ණයේ උඩු මහලකදී මෙම වෙඩිතැබීම සිදුවී තිබුණු අතර, තුවාල ලැබූ ප්‍රියසාද් මහතා කොළඹ ජාතික රෝහලට ඇතුළත් කිරීමෙන් අනතුරුව මෙලෙස මියගොස් ඇති බව පොලිසිය පවසයි.
සිද්ධියෙන් සුළු තුවාල ලැබූ තවත් පුද්ගලයෙකු මේ වනවිට රෝහල්ගතව ප්‍රතිකාර ලබමින් සිටියි.
යතුරුපැදියකින් පැමිණි වෙඩික්කරුවන් දෙදෙනෙකු පිස්තෝල වර්ගයේ ගිනි අවියකින් වෙඩි තැබීම සිදුකර ඇතැයි වාර්තා වේ.
වැල්ලම්පිටිය පොලීසිය විසින් වැඩිදුර විමර්ශන සිදුකරයි.
ඩෑන් ප්‍රියසාද් මියගොස් නෑ – පොලිසිය (Update)
ශ්‍රී ලංකා මිරර් ප්‍රධාන කර්තෘ ගේ මෑණියන් අභාවප්‍රාප්ත වෙයි
පොලිස් බැකප් ගත්ත ටීචර් ගැන නලින්දගෙන් ප්‍රකාශයක්
-
පුවත්1 week agoලංකාවේ නිෂ්පාදනය කරන බියර් ප්රමිතියට නැති බවට පැමිණිල්ලක්!
-
පුවත්1 week agoඇතුලට යන මීලඟ මැති ඇමතිවරුන්ගේ පෝලිම ගැන ජනපති දුන්න ඉඟිය
-
පුවත්3 days agoශිරන්ති රාජපක්ෂ දකුණු කොරියාව හොල්ලයි
-
පුවත්3 days agoපොලිස් බැකප් ගත්ත ටීචර්ට වැඩ වරදියි
-
විදෙස්7 days agoට්රම්ප්ගෙන් හාවඩ් විශ්වවිද්යාලයට තර්ජනයක්