Connect with us

පුවත්

එපික් ලංකා සමාගම නව නිපැයුම් 20 ක් සමගින් ඉදිරි වසර 25 සඳහා ඩිජිටල්කරන උපායමාර්ග එළිදක්වයි

Published

on

ශ්‍රී ලංකාව තුළ ෆින්ටෙක් විසඳුම් ලබා දෙන ප්‍රමුඛතම සමාගමක් වන එපික් ලංකා සමාගම විසින් සිය  25වන සංවත්සරය පසු ගිය දා සමරනු ලැබීය. මෙරට මූල්‍ය තාක්ෂණ ක්ෂේත්‍රය වෙත විශිෂ්ට සේවාවක් ලබා දීම කෙරෙහි නිරන්තරයෙන් කැප වන එපික් ලංකා සමාගමේ විශිෂ්ට නිෂ්පාදන කළඹ  IPs පද්ධති (intellectual property) 20කින් සමන්විත වේ. ගෝලීය තොරතුරු තාක්ෂණ ක්ෂේත්‍රයේ ප්‍රමුඛතම සමාගමක් ලෙස එපික් ලංකා හඳුන්වා දෙන  මෙම IPs පද්ධති,  ප්‍රමුඛ පෙළේ මෘදුකාංග සන්නාම සමඟ අත්වැල් බැඳ ගනිමින් විදේශ වෙළෙඳපොළ තුළ ස්ථාවරත්වයට පත් වීම හරහා  ශ්‍රී ලංකාවට  කීර්තියක් අත් කර දීමට සමත් වී ඇත.

එපික් ලංකා සමාගම පසු ගිය වසර 25 පුරා දේශීය තොරතුරු තාක්ෂණ උපාධිධාරීන් ඇතුළු ව 6,000කට අධික සේවක පිරිසක් වෙත රැකියා අවස්ථා ලබා දී ඇති අතර, 3,000 කට අධික පිරිසකට සීමාවාසික පුහුණුව ලබා ගැනීම සඳහා  ද අවස්ථාව ලබා දී ඇත. ඩිජිටල් ක්ෂේත්‍ර නිපුණත්වයේ ප්‍රමුඛයකු වන එපික් ලංකා සමාගම  නව විසඳුම් හරහා ගෙවීම් ක්ෂේත්‍රය නවීකරණය කරමින්, රාජ්‍ය ව්‍යවසායන් නව්‍යකරණය  කිරීම වෙනුවෙන් සුවිශේෂී කාර්යභාරයක් ඉටු කර ඇති අතර,  පුළුල් විෂය පථයක් ආවරණය කරන එපික් ලංකා සමාගම හඳුන්වා දෙන නව විසඳුම් හා නවෝත්පාදන හරහා.ලබා දෙන සේවාවන් ආසන්න වශයෙන් මෙරට සියළුම් ජනතාවගේ දෛනික ජීවිතයට සෘජු හෝ වක්‍ර බලපෑමක් ඇති කරන බව සමීක්ෂණ වාර්තා හෙළි කරයි.

එපික් ලංකා සමාගම නැගෙනහිර ආසියාවේ සිය මෙහෙයුම් කටයුතු ආරම්භ කිරීමත් සමඟ එම සමාගමේ සේවාවන් ජාත්‍යන්තර ගනුදෙනුකරුවන් වෙත ද ලබා දෙමින්, මෙම කර්මාන්ත ක්ෂේත්‍රය ආශ්‍රිත ව ගෝලීය ප්‍රමුඛයා බවට පත් වීමට සමත් විය. මේ බව සනාථ කරමින් මෙවර Asia Pacific ICT Alliance (APICTA) සම්මාන උළෙලේ දී එපික් ලංකා සමාගම,  ශ්‍රී ලංකාවේ හොඳ ම ICT විසඳුම් සපයන්නා  ලෙස රන්  සම්මානය හිමි කර ගත් අතර, මෙම ජයග්‍රහණය,  විශිෂ්ටත්වය සහ  නවෝත්පාදන හඳුන්වා දීම සඳහා එම සමාගමේ කැපවීම සඳහා උදාහරණ සපයයි.

එපික් ලංකා සමාගම සිය නිෂ්පාදන කළඹ සඳහා  ආකර්ෂණීය ප්‍රතිලාභ රැසක් ලබා දීමට කටයුතු කරන අතර, එම සෑම නිෂ්පාදනයක් හරහා ම යම් නිශ්චිත ව්‍යාපාරික අවශ්‍යතා පරාසයක් ඉලක්ක කරමින් එම අවශ්‍යතා සඳහා සාර්ථක විසඳුම් ලබා දෙයි. නිදසුනක් වශයෙන් එපික් ලංකා සමාගම හඳුන්වා දී ඇති විශ්වසනීය මෙන් ම බහු කාර්ය විසඳුමක් වන  PreveNET NAC මගින් දෘඪාංග පදනම් කරගත් ජාල ප්‍රවේශ පාලකයන්ගේ (hardware-based Network Access Controllers) සිට  බහුකාර්ය මෘදුකාංග පදනම් වූ විකල්ප සේවාවන්  වෙත යොමු වීමේ අවස්ථාව ආයතන වෙත උදා කර දී ඇත. ඊට අමතර ව එපික් ලංකා සමාගම හඳුන්වා දී ඇති  CollectMate, බැංකු ක්ෂේත්‍රයේ ණය එකතු කිරීම් සහ ප්‍රතිසාධන  ක්‍රියාවලි  කළමනාකරණය කිරීම සඳහා පුළුල් මෙන් ම  පරිපූර්ණ සේවාවක් ලබා දෙයි.  එමෙන් ම ලේඛන කළමනාකරණ පද්ධති සහ ක්‍රියාවලි කළමනාකරණ විසඳුම්වලින් සමන්විත   Doxmate මඟින්, ව්‍යවසාය අන්තර්ගතයන් කළමනාකරණය සහ ව්‍යාපාර ක්‍රියාවලි ස්වයංක්‍රීයකරණය ආශ්‍රිත ව පහසුකම් සපයන අතර,  Paytect යනු බැංකු කාඩ්පත් නිකුත් කිරීම, අත්පත් කර ගැනීම සහ ගනුදෙනු සැකසීම ආශ්‍රිත ව සේවා ලබා දෙන  කාඩ්පත් කළමනාකරණ පද්ධතියකි. එමෙන් ම Digiface, එපික් ලංකා සමාගම හඳුන්වා දෙන ඩිජිටල් ඔන්බෝඩ් eKYC සහ vKYC විසඳුමක් ලෙස දැක්විය හැකි අතර, එය අදාළ රෙගුලාසිවලට අනුකූල ව  විවිධ බැංකු නිෂ්පාදනවලට ඩිජිටල් සේවාවන් ඇතුළත් කිරීම වෙනුවෙන් සුවිශේෂී කාර්යභාරයක්  ඉටු කරයි. එපික් ලංකා සමාගම හඳුන්වා දෙන  මෙම සියලු ම  විසඳුම් ආයතනික මෙහෙයුම් කාර්යක්ෂමතාව ඉහළ නැංවීමට මෙන් ම විකාශනය වන ව්‍යාපාරික ලෝකය තුළ  ඩිජිටල් අවශ්‍යතා සපුරාලීම සඳහා කැපී පෙනෙන දායකත්වයක් ලබා දෙයි.

වසර 25 ක් පුරා  ශ්‍රී ලංකාවේ තාක්ෂණික නවෝත්පාදනයන් අතින් ඉදිරියෙන්ම සිටින  එපික් ලංකා සමාගමේ  නිර්මාතෘ සහ විධායක සභාපති ආචාර්ය නයන දෙහිගම මහතා මෙම විශිෂ්ට ගමන් මග පිළිබඳ ව අදහස් දක්වමින් කියා සිටියේ, “අපගේ විශිෂ්ටත්වය සඳහා උදාහරණ සපයමින්  එපික් ලංකා සමාගම පසුගිය දා 25වන සංවත්සරය සැමරුවා.  ආරම්භයේ සිට වර්තමානය දක්වා ම අපි අපගේ වෘත්තීය ක්ෂේත්‍රයේ ප්‍රමුඛතම බලවේගයක් විදියට වර්ධනය වුණා. ඩිජිටල් පරිවර්තනය සහ දැඩි කැප වීමෙන් කටයුතු කරන අපගේ අති දක්ෂ කාර්ය මණ්ඩලය මෙම ජයග්‍රහණය සඳහා බෙහෙවින් ඉවහල් වුණු බව පැවසිය යුතු ම යි.” යනුවෙනි.

එපික් ලංකා සමාගමේ  කළමනාකාර අධ්‍යක්‍ෂ සහ ප්‍රධාන විධායක නිලධාරී විරාජ් මුදලිගේ මහතා සිය අදහස් දක්වමින් ප්‍රකාශ කළේ, “උසස් තාක්‍ෂණයෙන් සමන්විත අපගේ පර්යේෂණ හා සංවර්ධන මධ්‍යස්ථානය නව්‍යකරණ  සංස්කෘතියක් පෝෂණය කිරීම වෙනුවෙන් සුවිශේෂී  කාර්යභාරයක් ඉටු කර තිබෙනවා. අප හඳුන්වා දුන් මෙම නවතම සේවාවන් සඳහා  දේශීය හා ජාත්‍යන්තර වශයෙන් සම්මාන රාශියක් හිමි වූ බවත් පැවසිය යුතු ම යි.” යනුවෙනි.

අනාගතය වෙත අවධානය යොමු කරමින්, නවෝත්පාදන වෙත යොමු වෙමින්, ඒ හරහා පාර්ශ්වකරුවන් වෙත වටිනාකම් නිර්මාණය කිරීම වෙනුවෙන් කැප වන බව පැවසූ  මුදලිගේ මහතා වැඩිදුරටත් අදහස් දක්වමින් ප්‍රකාශ කළේ, “අපගේ ගෝලීය පැවැත් ම පුළුල් කිරීමට සහ ආසියාවෙන් පරිබාහිර වෙළෙඳපොළ වෙත අපගේ විශිෂ්ට විසඳුම් හඳුන්වා දීමට අපි කැපවීමෙන් යුතු ව කටයුතු කරනවා. ගෝලීය ෆින්ටෙක් කර්මාන්තයේ අනාගතය සැකසීම වෙනුවෙන් සැලකිය යුතු දායකත්වයක් ලබා දීමේ අරමුණින් ක්‍රියාත්මක වන අප සමාගමේ 20කට අධික  නිෂ්පාදන කළඹ අති නවීන මෘදුකාංග විසඳුම් දක්වා වර්ධනය  වෙමින් පවතිනවා.  අපි ඉදිරි මූල්‍ය වර්ෂය සාර්ථක කර ගැනීම වෙනුවෙන් ලොව පුරා මෘදුකාංග සමාගම් සමඟ උපාය මාර්ගික සබඳතා ගොඩනංවා ගැනීමට බලාපොරොත්තු වෙනවා. ශ්‍රී ලංකාවේ වගේ ම  ගෝලීය  තොරතුරු තාක්ෂණ ක්ෂේත්‍රය උඩු යටිකුරු කිරීම එපික් ලංකා සමාගමේ අරමුණයි. ” යනුවෙනි.  

1998 දී ආරම්භ කරන ලද, එපික් ටෙක්නොලොජි සමූහය,  යනු දේශීය සහ ජාත්‍යන්තර වෙළෙඳපොළ තුළ බැංකු, මූල්‍ය සේවා සහ රාජ්‍ය අංශ වෙත නවීන තාක්‍ෂණය හඳුන්වා දීම වෙනුවෙන්  සම්මානලාභී, කලාපීය වශයෙන් ප්‍රමුඛතම තාක්‍ෂණික සමාගමකි.  එපික් ලංකා සමාගම ෆින්ටෙක් තොරතුරු පද්ධති ආරක්ෂාව, ආයතනික ඩිජිටල්කරණය, ජංගම දුරකථන යෙදුම් (Mobile App), විද්‍යුත් ගෙවීම් යෙදුම් (E- Payment App) සංවර්ධනය, ඊ-රාජ්‍ය විසඳුම් (E Government Solutions)  සහ  ලේඛන කළමනාකරණ පද්ධති පිළිබඳ වසර 25 කට වැඩි පළපුරුද්දක් මෙන් ම විශේෂඥතාවක් සහිත සමාගමක් වන අතර, එම සමාගම  ISO 9001:2015, ISO 27001:2013, PCI3DS, සහ CMMi Level 3 යන තත්ත්ව සහතික ලබා ඇත.

වැඩි විස්තර සඳහා කරුණාකර www.epictechnology.lk වෙත පිවිසෙන්න.

පුවත්

රුසියානු තානාපති කාර්යාලයේ වැඩ බැලීමට විදේශ සේවයේ විශ්‍රාමිකයකු යවයි

Published

on

By

රුසියාවේ ශ්‍රී ලංකා තානාපති ධූරය තවමත් හිස්ව පැවතීම නිසා නව තානාපතිවරයකු පත් කරන තුරු විදේශ සේවයේ ජ්‍යෙෂ්ඨ නිලධාරියෙකු එම තානාපති කාර්යාලයේ වැඩ බැලීමට යැවීමට රජය සැලසුම් කර ඇතැයි වාර්තා වේ.

මේ අතර විදේශ කටයුතු රාජ්‍ය අමාත්‍ය තාරක බාලසූරිය මහතා මාධ්‍යට පවසා ඇත්තේ, තානාපතිවරයෙකු නොමැති වීම හුදෙක් කාර්ය පටිපාටියේ පරතරයක් පමණක් බවත්, රුසියාවේ පවතින විශේෂ තත්ත්වය මත විදේශ කටයුතු අමාත්‍යාංශයේ ජ්‍යෙෂ්ඨ නිලධාරියෙකු එහි කටයුතු අධීක්‍ෂණය කිරීමට යොමු කරන බවයි.

මෙසේ යවන්නේ විශ්‍රාමික විදේශ සේවයේ ජ්‍යෙෂ්ඨයකු බවත්, දැනට තානාපතිවරයකු නොමැති වීම ප්‍රධාන ප්‍රශ්නයක් නොවන බවද ඔහු අවධාරණය කර තිබේ.

අමාත්‍යවරයා වැඩිදුරටත් පවසා ඇත්තේ එහි දැනටමත් විදේශ සේවයේ ජ්‍යෙෂ්ඨ නිලධාරියෙකු සිටින බවත්, සිදුවෙමින් පවතින හදිසි අවශ්‍යතාවය සැලකිල්ලට ගෙන, ඉතා ජ්‍යෙෂ්ඨ විදේශ සේවා නිලධාරියෙකු යවන්නේ දැනට රුසියාවේ සිටින නිලධාරියා ප්‍රමාණවත් නොවන නිසා නොවන බවද ඔහු කියා සිටී.

මෙහෙයුම ශක්තිමත් කිරීම සඳහා මෙය සිදු කරන බවත්, සාමාන්‍ය ප්‍රොටෝකෝලය අනුව කටයුතු සිදුවන බවද බාලසූරිය මහතා අවධාරණය කර ඇත.

කෙසේවුවද, රුසියාවට තානාපතිවරයකු පත් කර ඇතත් ඔහු කවුරුන්ද යන්න මාධ්‍යට හෙළි නොකිරීමට ද බාලසූරිය මහතා කටයුතු කර තිබේ.

රුසියානු සමූහ ආණ්ඩුවේ හිටපු ශ්‍රී ලංකා තානාපතිනිය වන මහාචාර්ය ජනිතා ඒ ලියනගේ මහත්මියට සේවා දිග තුනක් ලබාදී තිබුණු අතර, ඇය පසුගිය අප්‍රේල් 29 වැනිදා මොස්කව්හි ශ්‍රී ලංකා තානාපති කාර්යාලයේ සිය සේවය අවසන් කර ඇත.

වර්තමානයේ, රුවිනි කේ. මුනිදාස මහත්මිය තානාපති කාර්යාලයේ භාර නිලධාරිනිය ලෙස කටයුතු කරනු ලබයි.

Continue Reading

පුවත්

ලන්සාට අමුත්තා නිසා ජනපතිගේ රෑ කෑමත් එපා වෙයි

Published

on

By

ජනපති රනිල් වික්‍රමසිංහ මහතා දිනවීමේ ජනාධිපති මැතිවරණ මෙහෙයුම් කමිටුවට බැසිල් රාජපක්ෂ මහතා සහභාගි කර ගැනීම හේතුවෙන් නිමල් ලංසා, අනුර ප්‍රියදර්ශන යාපා ප්‍රමුඛ නව සන්ධානයේ කණ්ඩායම එයට සහභාගි වී නැතැයි වාර්තා වේ.

මේ කමිටුවට බැසිල් පැමිණ ඇත්තේ වජිර අබේවර්ධන මහතාගේ යෝජනාවකට අනුව ජනපති රනිල් වික්‍රමසිංහ මහතා කළ ආරාධක් අනුවය.

නිමල් ලංසා, අනුර ප්‍රියදර්ශන යාපා ප්‍රමුඛ නව සන්ධානයේ කණ්ඩායම මෙම කැඳවීම පිළිබඳව මුල සිටම වි‍රෝධය දක්වා ඇතැයි පැවසේ.

“මේ වැඩවලට රාජපක්ෂල සම්බන්ධ කරගන්න එපා. අපි එතැන ඉඳලා ආවේ ඒගොල්ලොත් එක්ක වැඩ කරන්න බැරි නිසා.” යනුවෙන් ඔවුන් සිය විරෝධය පල කර තිබේ.

කෙසේ වෙතත් මෙම රැස්වීම ඔවුන් නොමැතිව බැසිල්ගේ සහභාගිත්වය ඇතිව පවත්වා ඇති අතර, එහිදී “රනිල් වික්‍රමසිංහ ජනාධිපතිතුමාගේ කැම්පේන් එක කරනව නම් එතැන බැසිල් රාජපක්ෂ මහත්මයා ඉන්න ඕනෑ. එතුමා නැතුව කරන්න බැහැ.” යනුවෙන් වජිර අබේවර්ධන මහතා පවසා ඇතැයි වාර්තා වේ.

පැතිර යන ආරංචි අනුව වජිර අබේවර්ධන වෙතින් එවැන්නක් මතුවන විට ජනපති රනිල් වික්‍රමසිංහ මහතා “එහෙනම් අපි මෙතුමට කමිටුවේ සභාපතිකම දෙමු.” යැයි යොජනා කළ බවද පැවසේ.

කෙසේවෙතත් බැසිල් රාජපක්ෂ එම යෝජනාව උපක්‍රමශීලීව බැහැර කර ඇති අතර ඔහු පවසා ඇත්තේ ඔබතුමා ජනාධිපතිවරණයට එනවා නම් ඒ බව රටට දන්වන දිනය ප්‍රකාශ කරන්නට යැයි කියාය.

මේ අතර, ලන්සා ප්‍රමුඛ පිරිස එදින ජනාධිපතිවරයා පැවැත්වූ රාත්‍රී භෝජන සංග්‍රහයට ද නොපැමිණි බවටද ආරංචි පැතිර තිබේ.

මූලාශ්‍රය – දේශය

Continue Reading

ක්‍රීඩා

රෝම් ස්ප්‍රින්ට් ෆෙස්ටිවල් හිදී යුපුන්ට 4වැනි ස්ථානය

Published

on

By

ඉතාලියේ පැවැත්වෙන රෝම් ස්ප්‍රින්ට් ෆෙස්ටිවල් හි මීටර 100 පිරිමි ඉසව්වට තරගවැදි ශ්‍රී ලංකාවේ කෙටි දුර ධාවන ශූර යුපුන් අබේකෝන් එම තරගය තත්ත්පර 10:21කින් නිමා කරමින් එහි සිව්වැනි ස්ථානයට පත්ව තිබේ.

කෙසේවුවද, ඔහුට මේ තරගයේදී ඔහුගේ හොඳම කාලය වන තත්ත්පර 10:18 සීමාව පසු කිරීමට නොහැකි වී ඇත.

ඔලිම්පික් වරම් අපේක්ෂාවෙන් ඔහු මේ තරගය සඳහා සහභාගි විය.

මේ අතර ජපානයේ පැවැත්වෙන සීකෝ ගෝල්ඩන් ග්‍රෑන්ඩ් ප්‍රික්ස් මළල ක්‍රීඩා තරඟාවලියේ මීටර 400 පිරිමි ඉසව්ව සඳහා කාලිංග කුමාර අද (19) ශ්‍රී ලංකා වේලාවෙන් පෙරවරු 11.47ට තරඟ වදීමට නියමිත බවද වාර්තා වේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved