තඹුත්තේගම ආර්ථික මධ්‍යස්ථානයට ලැබුණු උඩරට එළවලුවල තොග මිල අද ඉහළ අගයක් ගෙන තිබේ.

ඒ අනුව , කැරට් කිලෝවක තොග මිල සදහන්ව තිබුණේ රුපියල් 1,000ක් ලෙසයි.

කෙසේ වෙතත් පහතරට එළවලු මිල ගණන් යම් අඩුවීමක් දක්නට ලැබිණ.

තක්කාලි, දෙහි කිලෝවක තොග මිල රුපියල් 80 සීමාවේ පැවති බව සදහන්ය.

එමෙන්ම, කරවිල කිලෝවක තොග මිල රුපියල් 450 ත් 500 ත් අතරත්, වම්බටු කිලෝවක් රුපියල් 350 ත් 400 ත් අතරත්, වැටකොලු කිලෝවක් රුපියල් 250ත් 300 ත් අතරත් සටහන් විය.

මගී පාරිභෝගිකයන්ට තිබෙන ගැටලුවලට අදාළ විමසීම් කිරීම සඳහා ශ්‍රීලන්කන් ගුවන් සේවය ‘යානා’ නමින් කෘත්‍රිම බුද්ධි යෙදවුමක් හඳුන්වා දී තිබේ.

මේ සඳහා www.srilankan.com වෙබ් අඩවියට ඇතුළත් වී එම පහසුකම ලබාගන්නා ලෙස ශ්‍රීලන්කන් මගීන් වෙත දන්වා සිටියි.

එම වෙබ් අඩවියේ දකුණු පස කෙළවර දැක්වෙන ගුවන් සේවිකාවකගේ රුව සහිත ඒ.අයි. (AI) රූපය ක්ලික් කිරීමෙන් ප්‍රශ්න යොමුකළ හැකිය.

මගීන් කරන විමසීම් සඳහා බුද්ධිමත්ව සහාය වීම සඳහා මෙම ඒ. අයි. (AI) තාක්ෂණය යොදාගෙන නව ක්‍රමවේදය ආරම්භ කළ බවත් ශ්‍රීලන්කන් සමාගම පවසයි.

කෘත්‍රිම බුද්ධි යෙදවුම ජී.පී.ටී. GPT – 4 තාක්‍ෂණය සහිත බවත් ශ්‍රීලන්කන් සමඟ පාරිභෝගික අන්තර් ක්‍රියා වැඩිදියුණු කිරීම හා එමගින් කාර්යක්ෂමතාව වැඩිකර ගැටලු පහසුවෙන් විසඳාදීමට හැකි අයුරින් සකස් වී තිබෙන බව පවසයි.

මේ නිසා ‘යානා’ සමග සම්බන්ධ වී පණිවුඩ යොමුකර නිවැරදිව තොරතුරු දැන ගන්නා ලෙසත් ශ්‍රීලන්කන් මගීන්ට දන්වා සිටියි

මෙම මාසයට අදාළ ලිට්‍රෝ ගෘහස්ථ ගෑස් මිලේ වෙනසක් සිදු නොවන බව ලිට්‍රෝ ගෑස් සමාගම පවසයි.

එහි සභාපති චන්න ගුණවර්ධන මහතා ඒ බව සඳහන් කරයි.

ලිට්‍රෝ ගෘහස්ථ ගෑස් මිල (කොළඹ දිස්ත්‍රික්කයට අදාළ) පහතින් දැක්වේ

ඒ අනුව 12.5Kg ගෑස් සිලින්ඩරයක මිල රුපියල් 3,690ක් ද 5Kg ගෑස් සිලින්ඩරයක මිල රුපියල් 1,482ක් ද 2.3Kg ගෑස් සිලින්ඩරයක මිල රුපියල් 694ක් ද වේ.