Connect with us

පුවත්

ජොන්සන්ලා සල්ලි බෙදලා පිළිකා චෝදනාවෙන් බේරෙන්න හදයි

Published

on

ළදරු පවුඩර් සහ අනෙකුත් පුයර මත පදනම් වූ නිෂ්පාදන පිළිකාවට හේතුවක් වන බවට, උතුරු ඇමෙරිකාවේ එය මුහුණ දෙන දස දහස් ගණනක නඩු කටයුතු බේරුම්කර ගැනීමට ජොන්සන් ඇන්ඩ් ජොන්සන් සමාගම ඩොලර් බිලියන නවයකට ආසන්න මුදලක් ගෙවීමට යෝජනා කර තිබේ.

සෞඛ්‍ය සේවා සමාගම පැවසුවේ එම චෝදනා “සැබෑ ලෙස ම පෙනෙන” ඒවා බවට තවමත් විශ්වාස කරන නමුත් නව බේරුම්කරන පොරොන්දුව එහි නීතිමය සංග්‍රාමය අවසන් කරනු ඇතැ යි බලාපොරොත්තු වන බවයි.

මේ අගය එය කලින් යෝජනා කළ ඩොලර් බිලියන දෙකට වඩා දැවැන්ත වැඩිවීමක් සනිටුහන් කරයි.

අලුත් පොරොන්දුවට, නඩුවට සම්බන්ධ පුද්ගලයන්ගෙන් සැලකිය යුතු සහායක් ඇති බව එහි සඳහන් ව තිබුණි.

නිෂ්පාදනයේ පිළිකා හේතුකාරක ඇස්බැස්ටස් ඇති බවට චෝදනා කරන සමහරුන් ඇතුළුව, එහි පුයර ආශ්‍රිත ළදරු පවුඩර් පිළිකාවට හේතු වූ බව පවසන, පාරිභෝගිකයන් ව සිටි අයගේ 40,000කට වඩා වැඩි නඩු ප්‍රමාණයක් සඳහා සමාගම මුහුණ දෙමින් සිටියි.

වියළි ශැම්පූ ද ඇතුළු නැපි කුෂ්ඨ වළක්වා ගැනීමට සහ අනෙකුත් විලවුන් භාවිතයන් සඳහා යොදාගන්නා නිෂ්පාදන 2020 දී එක්සත් ජනපදයේ විකිණීම නැවැත්වූයේ එම නිෂ්පාදනවල ඉල්ලුම අඩුවීමට “දුස්තොරතුරු” හේතු වූ බවට උපුටමිනි. පසුගිය වසරේ දි එය, ගෝලීය වශයෙන් විකිණීම අවසන් කිරීමේ සැලසුම නිවේදනය කරන ලදී.

එම තීන්දුවට පෙර, සමාගම වසර 130කට ආසන්න කාලයක් ළදරු පවුඩර් විකුණා ඇත. ඉරිඟු පිටි අඩංගු නිෂ්පාදනය විකිණීම එය දිගට ම සිදු කරයි.

චෝදනා සඳහා අනුබද්ධිත වගකියන්නෙක් නිර්මාණය කළ පසු, 2021 සිට බංකොලොත් වූ සමාගම්වල හෝ පුද්ගලයන් පිළිබඳ නඩු අසන උසාවියේ දී නඩු බේරුම් කරගැනීමට සමාගම උත්සහ දරමින් සිටියේ ය.

නමුත් එම උත්සහය වැරදුණේ, අනුබද්ධිත ආයතනය මූල්‍ය අර්බුදයක නොමැති බව හා නඩු විසඳීමට බංකොලොත් ක්‍රමවේදය භාවිත කිරීමට නොහැකි බවත් බංකොලොත් වූ සමාගම්වල හෝ පුද්ගලයන් පිළිබඳ නඩු අසන උසාවිය විසින් මුලදීම අනාවරණය කරගැනීමෙන් පසුවයි.

“සමාගම දිගට ම විශ්වාස කරන්නෙ මේ චෝදනා අඩු විද්‍යාත්මක ලකුණක් තිබෙන, ඇත්ත වගේ පේන ඒවා කියලා” යැයි ජොන්සන් ඇන්ඩ් ජොන්සන් සමාගමට විරුද්ධව නඩු පවරන්නන්ගේ, ගෝලීය උපසභාපතිවරයා වන එරික් හාස් පැවසුවේ ය.

නමුත් ඔහු පැවසුවේ, “මේ නඩු සිවිල් ආකාරයෙන් විසඳන්න යන එකට දශක ගණනාවක් ගත වෙනවා වගේ ම බහුතරයක් චෝදනා කරන අයට කවදාවත් වන්දියක් හිමි වෙන්නේ නැති වෙනවා සහ සැලකිය යුතු පිරිවැයක් සමාගමට හා පද්ධතියට බලපාන,” බව යි.

“යෝජිත ප්‍රතිසංවිධානය කිරීමේ සැලසුම හරහා මෙම ප්‍රශ්නය බේරුම්කිරීම වඩාත් අපක්ෂපාතී සහ වඩාත් කාර්යයක්ෂම ව, චෝදනා එල්ල කරන්නන්ට නියමිත වෙලාවට වන්දිය ගෙවීමට ඉඩ සලසන අතර, අපගේ හෘදයාංගම කැපවීම සහ මනුෂ්‍යවර්ගයාගේ සෞඛ්‍යට ධනාත්මක බලපෑමට ඉලක්ක කරගනිමින් සමාගමට රැඳී සිටීමට අවස්ථාව ලබාදෙයි.”

ජොන්සන් ඇන්ඩ් ජොන්සන් පවසන්නේ ඔවුන්ට එරෙහි පුයර නඩුවලින් වැඩි කොටසක් ඔවුන් දිනාගෙන ඇති බවයි. කාන්තාවන් 22කට ඩොලර් බිලියන 2ක් ලබා දෙන ලෙස ඇති එක් නඩු තීන්දුවක් ඇතුළු ව, ඇතැම් සැලකියයුතු පැරදීම්වල එය සිරව සිටියි.

ජොන්සන් ඇන්ඩ් ජොන්සන් පවසන්නේ නව බේරුම්කරන කොන්දේසිවලට වර්තමාන චෝදනා එල්ල කරන්නන්ගෙන් 60 000ක් පමණ එකඟ වී ඇති බවයි.

බීබීසී – සිංහල

පුවත්

පොසොන් උත්සවයට විශේෂ ප්‍රවාහන පහසුකම්

Published

on

By

පොසොන්  සමයේ අනුරාධපුරයට හා මිහින්තලයට පැමිණෙන සැදැහැවතුන් වෙනුවෙන් විශේෂ ලංගම බස්රථ සේවාවක් ක්‍රියාත්මක කරන බව අමාත්‍ය ආචාර්ය බන්දුල ගුණවර්ධන මහතා පවසයි.

අමාත්‍යවරයා වැඩිදුරටත් පවසා සිටියේ, උතුරු දුම්රිය මාර්ගයේ ප්‍රතිසංස්කරණ පොසොන් පොහොයට පෙර නිම කිරීමට නොහැකි බැවින් මෙම පියවර ගන්නා බවයි.

හෝමාගම,   පිටිපන පාසල් හන්දියේ සිට සිංහ අරන දක්වා මාර්ගය කාපට් අතුරා සංවර්ධනය කිරීම ආරම්භ කෙරුණේ අමාත්‍ය බන්දුල ගුණවර්ධන මහතාගේ ප්‍රධානත්වයෙනි.

මීටර් 800ක දුරක් මාර්ගය සංවර්ධනය කෙරෙන අතර ඒ සදහා වෙන් කෙරෙන මුදල රුපියල් මිලියන 13කි.

Continue Reading

පුවත්

උතුරු දුම්රිය මාර්ගයේ සංවර්ධන කටයුතු නිමවීමට තව කල් යයි

Published

on

By

උතුරු දුම්රිය මාර්ගයේ සංවර්ධන කටයුතු එළඹෙන පොසොන් පොහොයට පෙර නිම කිරීමට හැකියාවක් නොමැති බව කැබිනට් මාධ්‍ය ප්‍රකාශක ප්‍රවාහන අමාත්‍ය බන්දුල ගුණවර්ධන මහතා පවසයි.

අද (28) පැවැති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියෙකු විසින් යොමුකළ ප්‍රශ්නයකට පිළිතුරු දෙමින් අමාත්‍යවරයා ඒ බව සඳහන් කළේය.

අමාත්‍යවරයා මෙහිදී පවසා සිටියේ, උතුරු දුම්රිය මාර්ගයේ සංවර්ධන කටයුතු අගෝස්තු මාසය වනවිට නිමකළ හැකි බවය.

Continue Reading

පුවත්

වතු ගැන ජනපති ගෙනා විශේෂ යෝජනාවට අනුමැතිය

Published

on

By

ශ්‍රී ලංකා රාජ්‍ය වැවිලි සංස්ථාව, ජනතා වතු සංවර්ධන මණ්ඩලය සහ සීමාසහිත ඇල්කඩුව වැවිලි සමාගම යන ආයතනවලට අදාළ හිඟ ව්‍යවස්ථාපිත දීමනා ගෙවීම සඳහා අවශ්‍ය අරමුදල් මහා භාණ්ඩාගාරය වෙතින් සලසා දීමට අමාත්‍ය මණ්ඩල අනුමැතිය හිමිව තිබේ.

ජනාධිපතිවරයා විසින් අදාළ යෝජනාව අමාත්‍ය මණ්ඩලයට ඉදිරිපත් කරන ලදී.

ඒ අනුව අදාළ හිඟ ව්‍යවස්ථාපිත දීමනා නිරවුල් කිරීමෙන් පසුව 1958 අංක 15 දරන සේවක අර්ථසාධක අරමුදලට අනුව ආයතනයන් විසින් ගෙවිය යුතු අධිභාර මුදල්වලින් අඩුකළ හැකි උපරිම ප්‍රමාණය අඩුකිරීමට කම්කරු කොමසාරිස් ජනරාල්වරයාට උපදෙස්දීමට ජනාධිපතිවරයා සිය යෝජනාව මගින් කරුණු ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved