පෞද්ගලික ආනයනකරුවන් විසින් ආනයනය කරන ලද සහල් තොග වෙළෙඳපොළට නිකුත් කර තිබේ.

ඊයේ (11) දිනයේ මෙරටට ආනයනය කරන ලද පළමු සහල් තොගය රේගුවෙන් මුදාහැරීමට කටයුතු කර ඇති බව වාර්තා වේ.

රට තුළ පවතින සහල් හිඟයට පිළියමක් වශයෙන් පෞද්ගලික ආනයනකරුවන්ට සහල් ආනයන කිරීම සඳහා රජය විසින් පසුගියදා අවසර ලබාදුන්නේය.

ඒ අනුව ආනයනකරුවන් විසින් සහල් ආනයනය කිරීමට පියවර ගත් අතර ඊයේ දිනයේදී සහල් කිලෝ 75,000ක් රේගුවෙන් මුදාහැර ඇති බවට වාර්තා වේ.

සම්බා සහ සුදු කැකුළු සහල් තොගයක් ඉන්දියාවේ සිට මෙලෙස ආනයනය කර ඇති බව සඳහන්ය.

අද (12) සහ හෙට (13) යන දෙදින තුළද තවත් සහල් තොග දිවයිනට ළඟාවීමට නියමිත බව අත්‍යාවශ්‍ය භාණ්ඩ ආනයනකරුවන්ගේ සංගමය සඳහන් කලේය.

පාලන මිලට සහල් අලෙවි නොකරන්නන් සොයා අද (10) සිට වැටලීම් ක්‍රියාත්මක බව පාරිභෝගික කටයුතු පිළිබඳ අධිකාරිය පවසයි.

ඔවුන්ට එරෙහිව අවශ්‍ය නීතිමය පියවර ගන්නා බව එම අධිකාරිය අවධාරණය කරයි.

මේ අතර පොළොන්නරුව සහ හම්බන්තොට දිස්ත්‍රික්කවල සහල් මෝල් පරීක්ෂාව අද තුන්වැනි දිනටත් සිදු කෙරේ.

ඒ, සහල් මෝල්වලින් දෛනිකව නිකුත් කෙරෙන තොග පිළිබඳ වාර්තා ලබා ගන්නැයි ජනාධිපතිවරයා දුන් උපදෙස් මතය.

අඛණ්ඩව දින 10ක් එම කටයුතු සිදු කෙරෙන බව පාරිභෝගික කටයුතු අධිකාරිය සඳහන් කලේය.

එම අධිකාරිය සඳහන් කළේ, හාල් මෝල් හිමියන් විසින් නිකුත් කර ඇති බිල්පත් පරීක්ෂා කිරීම් ඊයේ (09) දිනයේ සිට ආරම්භ කළ බවය.

සහල් නිකුත් කර ඇති වෙළෙඳසැල් එම බිල්පතට අනුව සොයා ගැනීමට හැකි බව පාරිභෝගික කටයුතු පිළිබඳ අධිකාරිය පැවසීය.

මේ අතර ආනයනික සහල් තොගයේ පළමු තොගය හෙට වනවිට මෙරටට ලැබෙනු ඇතැයි රාජ්‍ය වාණිජ විවිධ නීතිගත සංස්ථාව පවසයි.

එම සංස්ථාව ප්‍රකාශ කළේ, පෞද්ගලික අංශය ඇණවුම් කළ තොග පළමුව මෙරටට ලැබෙනු ඇති බවය.

ඒ, ඉන්දියාව සහ පාකිස්ථානය යන රටවලිනි.

පෞද්ගලික අංශය ඇණවුම් කළ සහල් තොග මෙරටට ලැබී දින කිහිපයකින් රජය ඇණවුම් කළ සහල් තොග වෙළෙඳපොළට ලැබෙනු ඇත.

අද (09) සිට දෛනිකව පොල් ගෙඩි ලක්ෂ දෙකක් ලක්සතොස හරහා අලෙවිකරන බව වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ මහතා පවසයි.

එම පොල් ගෙඩියක් රුපියල් 130 කට අලෙවි කරනු ඇති බව සඳහන්ය.

අමාත්‍යවරයා සඳහන් කළේ, කොළඹ ඇතුළු නාගරික ප්‍රදේශවල සතොස ශාඛාවලින් එම පොල් මිලට ගැනීමට පාරිභෝගිකයින්ට අවස්ථාව හිමිවන බවය.

රජය සතු වතුවලට අයත් පොල් ලක් සතොස හරහා මෙලෙස පාරිභෝගිකයින්ට අලෙවි කරන බව ඔහු සඳහන් කලේය.

මෙතෙක් ලක්සතොස හරහා අලෙවි කෙරුණේ දෛනිකව පොල් ගෙඩි ලක්ෂයක් පමණි