Connect with us

ව්‍යාපාර

මිල්කෝ වාර්තා තබයි

Published

on

පාඩු ලබනවා යැයි පවසමින් පසුගිය සමයේ විකිණීමට ලංසු කැඳවා තිබූ මිල්කෝ ආයතනය ඔක්තෝබර් මාසය තුළ රුපියල් මිලියන 2000ක අලෙවි ඉලක්ක සපුරා ගැනීමට සමත්වී තිබේ.

ඒ,  පසුගිය මාසයේ මෙතෙක් ලැබූ ඉහළම පිරිවැටුම සනිටුහන් කරමිනි.

පශු සම්පත් අමාත්‍යාංශයේ ලේකම් නිශාන්ත වික්‍රමසිංහ මහතා පැවසුවේ නව රජය පත්වී මාසයක පමණ කෙටි කාලයක් තුළ මෙම අලෙවි ඉලක්ක සපුරා ගැනීමට හැකිවීම ඉතා සුබදායී කරුණක් බවය.

කෙසේවෙතත්,  මේ වන විට එම ආයතනයට රුපියල් බිලියන 1.8 ක බැංකු අයිරාවක් පවතින බවත් බැංකු පොලිය ලෙස වසරකට රුපියල් මිලියන 240ක් ගෙවීම සිදු කරන බවත් ඔහු තවදුරටත් පවසා ඇත.

මිල්කෝ ආයතනයේ වත්මන් සභාපති, හේමජීව ගෝඨාභය මහතා පවසන්නේ ඔක්තෝබර් මසදී ලැබූ රුපියල් මිලියන 2000ක ඉහළම පිරිවැටුම, උග්‍ර සේවක හිඟයක් ඇතුළු දුෂ්කරතා රැසක් මධ්‍යයේ ලබා ගත් බවය.

එමෙන්ම, ඉතාමත් නරක මූල්‍ය තත්ත්වයක්, විශාල බැංකු අයිරාවක්ද සමඟ මිල්කෝ ආයතනයේ සභාපතිධුරය තමන් භාර ගන්නා විට කිරි ගොවීන්ට ආයතනය විසින් මුදල් ගෙවිය යුතු දිනයට වඩා සති දෙකක කාලයක් ඉක්මගොස් ගෙවීම් කරමින් තිබූ බවද මිල්කෝ ආයතනයේ වත්මන් සභාපතිවරයා පවසා තිබේ.

මෙම අයතනයේ අභ්‍යන්තර විගණන අංශය වසර ගණනාවක් පුරා අක්‍රියව තිබූ බවත් ඒ හේතුවෙන් ආයතනයේ ගිණුම් නිසිලෙස පරික්ෂාවීමක්, නිසි විගණනයක් සිදු වී නොමැති බව ද ඒ මහතා පෙන්වා දී තිබේ.

මේ දුෂ්කරතාවන් ජයගෙන මිල්කෝ ආයතනය ලාභ ලබන ආයතනයක් බවට පත්කිරීමට තමන් ඇතුළු අධ්‍යක්ෂ මණ්ඩලය කටයුතු යොදා ඇති බවත් මිල්කෝ නිෂ්පාදන රටපුරා වෙසෙන පාරිභෝගිකයන්ට අවශ්‍ය ප්‍රමාණයට ලබා දීමට සැලසුම් කර ඇති බවත් සභාපතිවරයා තවදුරටත් අවධාරණය කලේය.

ව්‍යාපාර

ගෑස් මිල සංශෝධනය අද

Published

on

By



මාසික ගෑස් මිල සංශෝධනය අද (02) දිනයේ ප්‍රකාශයට පත්කරන බව ලිට්‍රෝ සමාගම පවසයි.

එම සමාගම පැවසුවේ, දෙසැම්බර් මාසයට අදාල මිළ සංශෝධනය අද දිනයේ ප්‍රකාශයට පත්කරන බවය.

කෙසේ වෙතත්, පසුගිය මාසයේ ගෑස් මිල සංශෝධනයක් වූයේ නැත.

අවසන් වරට ලිට්‍රෝ ගෑස් මිල සංශෝධනයක් වූයේ ඔක්තොම්බර් මාසයේදී ය.

ඒ අනුව, කිලෝග්‍රෑම් 12.5 ගැස් සිලින්ඩරයක මිල රුපියල් 3690ක් වේ.

මේ අතර, ලාෆ් සමාගමද අද දිනයේ මිල සංශෝධනය ප්‍රකාශයට පත්කරන බව එම සමාගමේ ජ්‍යෙෂ්ඨ නිලධාරියෙක් සඳහන් කලේය.

Continue Reading

පුවත්

ආනයනික ලොකු ලුනූ වල වෙළෙඳ භාණ්ඩ බදු අඩු කරයි

Published

on

By

ආනයනික ලොකු ලූනු කිලෝග්‍රෑමයක් සඳහා වන වෙළෙඳ භාණ්ඩ බදු අඩු කිරීමට මුදල් අමාත්‍යංශය පියවර ගෙන තිබේ.

ඒ අනුව, කිලෝග්‍රෑමයක් සඳහා රු. 30ක් ව පැවති මෙම බද්ද රු. 10 දක්වා අඩු කිරීමට රජය තීරණය කර ඇත.

ඒ අනුව දේශීය ගොවියා ආරක්ෂා කිරීම සහ පාරිභෝගිකයාට සාධාරණ මිලක් ඇතිවන පරිදි කෙටිකාලීන පියවරක් වශයෙන් මෙය ක්‍රියාත්මක කිරීමට මුදල් අමාත්‍යාංශය පියවර ගෙන තිබේ.

Continue Reading

පුවත්

වෙළෙඳපොළේ ලාෆ්ස් ගෑස් හිඟයක්

Published

on

By

රට තුළ නිර්මාණය වී ඇති ලාෆ්ස් ගෑස් හිඟය පිළිබඳව රජයේ අවධානය යොමු වී ඇති බව වෙළෙඳ අමාත්‍ය වසන්ත සමරසිංහ මහතා පවසයි.

”අපේ රටේ ලිට්‍රෝ සහ ලාෆ්ස් කියන ගෑස් සමාගම් දෙකක් තියෙනවා. දැනට ලිට්‍රෝ ගෑස් හිඟයක් නැහැ. ලාෆ් ගෑස් වෙළඳපොළේ පවතින හිඟයට එම සමාගම හේතු පැහැදිලි කළ යුතුයි. ලාෆ් ගෑස්, ගෑස් ආනයනය කිරීමට සහ සැපයීමට මැදිහත් වීමට අපොහොසත් වුවහොත් රජය තීරණයක් ගතයුතුයි. ලිට්‍රෝ ගෑස් තොග ඕනෑ තරම් තිබෙනවා. ගෑස් පාරිභෝගිකයන් මුහුණ දෙන ප්‍රශ්නවලට විසඳුම් සෙවීම සඳහා ගෑස් සිලින්ඩර් වෙනස් කිරීමට සිදුවුවහොත් ඒ පිළිබඳව රජයට කඩිනමින් තීරණයක් ගැනීමට සිදුවනවා” යනුවෙන් අමාත්‍යවරයා පවසා තිබේ.

මේ අතර ලාෆ්ස් ගෑස් සමාගම මාධ්‍ය වෙත මෙසේ පවසා තිබුණි.

“මූලික පිරව්ම් පර්යන්තය තියෙන ස්ථානය වන මාබිම අවට ප්‍රදේශය ගංවතුරට යටවීමෙන් බෙදාහරීම් අක්‍රිය වුණා. ඒ සමගම හම්බන්තොට පර්යන්තයට ගෑස් ගෙනඑන නැවක ප්‍රමාදයක් වුණා. මේ නිසා පසුගිය කාලයේ ගෑස් දෙන්න නොහැකි වුණා. දැනටත් ඒ නැවෙන් ගෑස් ගොඩබෑම සිදුවෙනවා. අපි ඊයේ සිට ක්‍රියාත්මක වෙලා. පසුගිය පැය 24 තුළ බෙදාහැරීම් කටයුතු සිදුකළා.”

Continue Reading

Trending

Copyright © 2023 Sri Lanka Mirror. All Rights Reserved