මෙම මාසයට අදාළව ලාෆ්ස් ගෑස් මිලෙහි කිසිදු වෙනසක් සිදුනොවන බව ලාෆ්ස් ගෑස් සමාගම නිවේදනය කරයි.

ලාෆ්ස් ගෑස් සමාගමේ සමූහ ප්‍රධාන විධායක නිලධාරී ආචාර්ය නිරෝෂන් ජේ. පීරිස් මහතා සදහන් කළේ මාසික මිල සූත්‍රය අනුව මෙම තීරණය ගත් බවයි.

ගෑස් මිල ඉහළ යෑමේ හැකියාවක් ඇති බවට පැතිර ගිය ආරංචිත් සමග පසුගිය දින කිහිපය පුරාම දිවයින පුරා ගෑස් හිඟයක්ද පැවතුණි.

පාරිභෝගිකයන් චෝදනා කළේ මිල වැඩිකිරීමේ බලාපොරොත්තුවෙන් ගෑස් අලෙවිසැල් ගෑස් සඟවා ඇති බවය.

කෙසේවෙතත් ජනාධිපති රනිල් වික්‍රමසිංහ මහතාගේ මැතිවරණ සළකුණ වන ගෑස් සිලින්ඩරයෙන් මැතිවරණයට පෙර ජනතාවට කිසිදු සහනයක් නොලැබුණු බවටද ඇතැම් පාර්ශව චෝදනා කරයි.

මන්ද ජනාධිපතිවරයා සහ මැතිවරණ ප්‍රචාරණයෙහි යෙදෙන පොහොට්ටුවෙන් ජනාධිපතිවරයාට සහය දැක්වීමට පැමිණි පිරිස ගෑස් පෝලිම් අවසන් කිරීම සහ ගෑස් ප්‍රශ්න විසදූ බවට දිගින් දිගටම ප්‍රචාරය කිරීම මීට හේතුවය.

ලංකා ඛනිජ තෙල් නීතිගත සංස්ථාව විසින් අද (31) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කර තිබේ.

ලංකා සතොස අත්‍යවශ්‍ය පාරිභෝගික භාණ්ඩ මිල තවදුරටත් පහළ දමා ඇති බව වාර්තා වේ.

ඒ අනුව, සුදු සීනි කිලෝවක් රුපියල් 242 ක් ලෙසත් සම්බා සහල් කිලෝවක් රුපියල් 226 ක් ලෙසත් කඩල කිලෝවක් රුපියල් 439 ක් ලෙසත් මිල සංශෝධනය කර තිබේ.

මිල සංශෝධනය කර ඇති අනෙකුත් භාණ්ඩ පහතින්,

 හාල් මැස්සන් ග්‍රෑම් 100ක් රුපියල් 92.50

රතු ලූනු ග්‍රෑම් 100ක් රුපියල් 47 

වියළි මිරිස් ග්‍රෑම් 100 ක් රුපියල් 78 

 මුං ඇට ග්‍රෑම් 100 ක් රුපියල් 89 

 ග්‍රෑම් 155 ටින්මාළු (ආනයනික/දේශීය) රුපියල් 270 

 ග්‍රෑම් 425 ටින්මාළු (දේශීය) රුපියල් 450 

 ග්‍රෑම් 425 ටින්මාළු (ආනයනික) රුපියල් 500