අදානි සමාගම විසින් ශ්‍රී ලංකාවේ මන්නාරම සහ පූනරින් හි ක්‍රියාත්මක කිරීමට යෝජිත මෙගාවොට් 484ක සුළංබල ව්‍යාපෘති අවලංගු කර ඇති බවට පළවන වාර්තා සාවද්‍ය හා නොමග යවන සුළු බව එම සමූහය පවසයි.

මේ සම්බන්ධයෙන් නිල ප්‍රකාශයක් නිකුත් කරමින් එහි ප්‍රකාශකයෙකු පවසන්නේ මෙම ව්‍යාපෘතිය අවලංගු කර නැති බව අවධාරණය කර සිටින බවයි.

2025 ජනවාරි 02දා ශ්‍රී ලංකා කැබිනට් මණ්ඩලය විසින් 2024 මැයි මාසයේදී අනුමත කරන ලද ගාස්තු, නැවත ඇගයීමට ගත් තීරණය නව රජය විසින් සිදු කරන ලද සම්මත සමාලෝචන ක්‍රියාවලියක් බවත්, සමාලෝචනය රටේ යාවත්කාලීන කරන ලද බලශක්ති ප්‍රතිපත්ති සහ ප්‍රමුඛතා සමග පෙළගැස්වීම සහතික කිරීම අරමුණු කර ගෙන ඇති බවත් ඔවුන් විසින් නිකුත් කරන ලද නිවේදනයේ සඳහන් වේ.

ශ්‍රී ලංකාවේ හරිත බලශක්ති අංශයේ ඩොලර් බිලියනයක ආයෝජනයක් වෙනුවෙන් තවදුරටත් කැපවී සිටින බව අදානි සමූහය සිය නිවේදනයෙන් වැඩිදුරටත් පවසයි.

ශ්‍රී ලංකාවේ නව රජය විසින් මෙම ව්‍යාපෘති අවලංගු කර ඇති බව මීට කලින් ප්‍රංශ පුවත් සේවය වාර්තා කර තිබුණි.

පුනරින් හා මන්නාරම ප්‍රදේශයේ ඉදිකිරීමට නියමිතව පැවති මෙම සුළං බල ව්‍යාපෘති වලින් විදුලිය කිලෝවොට් පැයක විදුලිය ඇමෙරිකානු ඩොලර් 0.0826කට මිලදී ගැනීමට පසුගිය 2024 මැයි මාසයේදී ශ්‍රී ලංකා බලධාරීන් එකගත්වය පළ කර තිබුණද, වඩාත් කුඩා පුනර්ජනනීය ව්‍යාපෘති විසින් ඊට වඩා අඩු මිලට දැනටමත් විදුලිය ලබාදෙන බවට විවිධ පාර්ශව වලින් චෝදනා එල්ල වී තිබුණු බව එම පුවතේ පෙන්වා දී තිබුණි.

ඊට අමතරව, මෙම ව්‍යාපෘති සම්බන්ධයෙන් පරිසරවේදීන් ද ගැටළු රැසක් ඉදිරිපත් කර තිබුණි.

මෙරට මත්ස්‍ය අස්වැන්න පාකිස්ථානයට ද අපනයනය කිරීම කෙරෙහි අවධානය යොමුව තිබේ.

ශ්‍රී ලංකාවේ පාකිස්ථාන මහකොමසාරිස් මේජර් ජෙනරාල් විශ්‍රාමික ෆහීම් උල් අසීස් මහතා සහ ධීවර හා ජලජ සම්පත් අමාත්‍ය රාමලිංගම් චන්ද්‍රසේකර් මහතා අතර හමුවක් ධීවර අමාත්‍යාංශයේදී පැවැත්වීය.

ධීවර කර්මාන්තය තුළ ඒකාබද්ධ ව්‍යාපෘති ආරම්භ කිරීම හා ශ්‍රී ලංකා රජය සමග සහයෝගයෙන් කටයුතු කිරීමේ සූදානම සම්බන්ධයෙන් මහකොමසාරිස්වරයා මෙහිදී කරුණු පැහැදිලි කලේය.

ශ්‍රී ලංකා පාකිස්ථාන නිදහස් වෙළෙඳ ගිවිසුම සම්බන්ධයෙන් ද මෙහිදී අවධානය යොමුව තිබේ.

මෙම ගිවිසුම හරහා පාකිස්ථානයට මත්ස්‍ය අපනයනය කළ හැකි බව මහකොමසාරිස්වරයා පෙන්වා දුන්නේය.

ලංකා සතොස ආයතනය අත්‍යවශ්‍ය භාණ්ඩ කිහිපයක මිල පහළ දමා තිබේ.

ඒ අනුව පහත සඳහන් අත්‍යවශ්‍ය භාණ්ඩවල මිල පහත දමා ඇති අතර දිවයින පුරා පිහිටි සියලුම ලංකා සතොස අලෙවිසැල් මගින් මෙම භාණ්ඩ පාරිභෝගිකයින්ට අද (22) දින සිට ලබාගත හැකි බව ලංකා සතොස නිවේදනය කර සිටියි.