Connect with us

පුවත්

අශෝක් හා ආසිරි අධ්‍යක්ෂ නඩේ උසාවි කැ‍‍දෙව්වට විනිසුරුවරිය වගඋත්තරකාරියක කරලා

Published

on

ජාතික ඖෂධ නියාමන අධිකාරි පනතට පටහැනිව වැඩිමිලට ඖෂධ 11ක් විකිණීම සම්බන්ධයෙන් නගා තිබූ චෝදනා සියල්ලටම වරද පිළිගත් ආසිරි මෙඩිකල් රෝහලේ අධ්‍යක්ෂ මණ්ඩලය අධිකරණය හමුවට කැඳවමින් නියෝග දුන් මාලිගාකන්ද ප්‍රධාන මහෙස්ත්‍රාත් ලෝචිනී අබේවික්‍රම මහත්මිය අභියාචනාධිකරණය හමුවේ පෙරේදා (20) ගොනු කළ පෙත්සමක වගඋත්තරකාරියක ලෙස නම් කර ඇතැයි අධිකරණයේදී හෙළිවිය.

ඒ පසුගිය 21 වැනිදා අදාළ නඩුව මාලිගාකන්ද මහේස්ත්‍රාත් අධිකරණයේදී යළි කැඳවූ අවස්ථාවේදී එම කරුණු අනාවරණය විය.

අධිකරණය හමුවේ පෙනී සිටීමට නොතීසි නිකුත් කර තිබූ රෝහල් අධ්‍යක්ෂ මණ්ඩලය විසින් අභියාචනාධිකරණය හමුවේ රිට් පෙත්සමක් ගොනුකර තිබූ අතර, එම පෙත්සමෙහි 8 වැනි වගඋත්තරකාරිය ලෙස ප්‍රධාන මහෙස්ත්‍රාත්වරිය නම්කර ඇති බව එහිදී ආසිරි අධ්‍යක්ෂ මණ්ඩලය වෙනුවෙන් පෙනී සිටි ජ්‍යෙෂ්ඨ‍ නීතිඥ ජීවන්ත ජයසිංහ මහතා කරුණු ඉදිරිපත් කරමින් අධිකරණයට දැන්වීය.

අභියාචනාධිකරණය හමුවේ එම රිට් පෙත්සම හෙට 26 වැනිදා කැඳවීමට නියමිතය.

“මාධ්‍ය ඇවිත් අපේ රෝහලට මඩගහනවා,සමාජ මාධ්‍ය ඔස්සේ ද අපිට මඩ ගහනවා..ඒක තමයි අපිට තියෙන ලොකුම ප්‍රශ්නය…” යැයිද ජ්‍යෙෂ්ඨ‍ නීතිඥ ජීවන්ත ජයසිංහ මහතා විවෘත අධිකරණයේදී පැවසීය.

කෙසේවුවද, අධ්‍යක්ෂ අජිත් කරුණාරත්න සහ සහකාර කළමනාකාරිනී (බිල්පත්) ඩී. බී. සඳතිසරු යන විත්තිකරුවන් පමණක් මේ නඩුවට පෙනී සිටි අතර අනෙකුත් අධ්‍යක්ෂවරුන් අධිකරණය හමුවේ පෙනී නොසිටියහ.

අපරාධ නඩුවක විත්තිකරුවන් සියලු දෙනා පුද්ගලිකව අධිකරණය හමුවේ පෙනී සිටිය යුතු බව දන්වා සිටි අගතියට පත් පාර්ශ්වයේ ජ්‍යෙෂ්ඨ නීතිඥ රන්ජිත් හීල්ලගේ, සිය බලය, ධනය මත අධිකරණය වෙත ගරු නොකරමින් අධිකරණ නියෝගයන්ට අවනත නොවී සිටින විත්තිකාර අධ්‍යක්ෂවරුන් 8 දෙනකු වහාම අත්අඩංගුවට ගැනීම සඳහා වරෙන්තු නිකුත් කරන්නැයි අධිකරණයෙන් ඉල්ලා සිටියේය.

විශාල් බාලි, අශෝක පතිරගේ, අන්කූර් නාන්ද් තදානි, මංජුල ප්‍රසන්න කරුණාරත්න, සුදර්ශන් අහංගම, හැරිස් ප්‍රේමරත්න, සිවකුමාර සෙල්ලයියා, හරේෂ් කුමාර් කයිමාල් යන අදාළ රෝහලේ විත්තිකාර අධ්‍යක්ෂවරුන් අත්අඩංගුවට ගන්නා ලෙසට අගතියට පත් පාර්ශ්වය එලෙස අධිකරණයෙන් ඉල්ලා සිටියේය.

විත්තිකාර රෝහල සහ අධ්‍යක්ෂ මණ්ඩලය වෙනුවෙන් පෙනී සිටි ජ්‍යෙෂ්ඨ‍ නීතිඥ ජීවන්ත ජයසිංහ කරුණු ඉදිරිපත් කරමින් විශාල් බාලි සහ අන්කූර් නාන්ද් තදානි නමැති අධ්‍යක්ෂවරුන් ඉන්දියානු ජාතිකයන් බවත්, අශොක් පතිරගේ අධ්‍යක්ෂවරයා මේ වනවිට විදෙස් ගතවී සිටින බවත් දන්වා සිටියේය.

මෙම නඩුවේ ලබාදුන් නියෝගවලට එරෙහිව අභියාචනාධිකරණය හමුවේ රිට් පෙත්සමක් ගොනුකර ඇති හෙයින් එම පෙත්සම ලබන හෙට (26) කැඳවීමෙන් අනතුරුව අදාළ නඩුව ලබන මාර්තු 14 වැනිදා කැඳවන ලෙස ප්‍රධාන මහෙස්ත්‍රාත්වරිය නියෝග කළාය.

සබැඳි පුවත්
මෙතෙක් නොආ අශෝක පතිරගේ ඇතුළු ආසිරි අධ්‍යක්ෂ මණ්ඩලය අද අධිකරණය හමුවට

අශෝක් පතිරගේ හා ආසිරි රෝහල් ලොක්කන්ට දුන් තීන්දුව ගැන මහේස්ත්‍රාත්වරිය පුදුම වෙයි 

වැඩිමිලට බෙහෙත් විකුණූ ආසිරි රෝහල් අධ්‍යක්ෂ මණ්ඩලයට දඩ

අශෝක පතිරගේ ඇතුළු ආසිරි අධ්‍යක්ෂ මණ්ඩලය අද අධිකරණය හමුවට 

ආසිරි හොස්පිට්ල් බෙහෙත්වලින් ගිණිකාලා අධ්‍යක්ෂවරු උසාවිය‍ට‍ 

පුවත්

අල්ලස් කොමිසමෙන් රනිල්ට දින දෙයි

Published

on

By

හිටපු ජනාධිපති රනිල් වික්‍රමසිංහ මහතාට එළැඹෙන 25 වැනිදා අල්ලස් කොමිසම හමුවේ පෙනී සිටින එම කොමිසම දන්වා තිබේ.

ඒ පාර්ලිමේන්තු මන්ත්‍රී චාමර සම්පත් දසනායක මහතා සම්බන්ධව සිදුකළ ප්‍රකාශයක් සම්බන්ධව ප්‍රකාශයක් ලබා ගැනීම සඳහාය.

ඒ අනුව එළැඹෙන 25 වැනිදා පෙරවරු 09.30ට අල්ලස් කොමිසම හමුවේ පෙනී සිටින ලෙස හිටපු ජනාධිපති රනිල් වික්‍රමසිංහ මහතාට අල්ලස් කොමිසම දැනුම් දී තිබේ.

සබැඳි පුවත් :

අල්ලස් කොමිසමට කැඳවීම ගැන රනිල්ගෙන් නිවේදනයක්

Continue Reading

පුවත්

දේශබන්දුට අධිකරණයෙන් නියෝගයක්

Published

on

By

අධිකරණයෙන් ඇප ලබා පිටව යාමේදී අධිකරණ නියෝග කඩවන ආකාරයෙන් ක්‍රියාකිරීම සම්බන්ධයෙන් එළඹෙන අප්‍රේල් 25වනදා මාතර මහෙස්ත්‍රාත් අධිකරණය හමුවේ පෙනී සිටින ලෙස රාජකාරී අත්හිටුවා ඇති පොලිස්පති දේශබන්දු තෙන්නකෝන් මහතාට සහ ඔහුව අධිකරණයෙන් පිටතට රැගෙනයාමට භාවිත කළ මෝටර් රථයේ හිමිකරුට නියෝග කර තිබේ.

මාතර මහෙස්ත්‍රාත්වරයා විසින් එම නියෝගය ලබාදී තිබේ.

ඒ ඉකුත් අප්‍රේල් මස 10වනදා දේශබන්දු තෙන්නකෝන් ඇප ලබා මාතර මහේස්ත්‍රාත් අධිකරණ සංකීර්ණයෙන් පිටව යාමේදී අධිකරණ නියෝග කඩ කර ඇති බවට නීතිපතිවරයා මෝසමක් මගින් අද (21) අධිකරණයට කළ කරුණු දැක්වීමෙන් අනතුරුවයි.

Continue Reading

පුවත්

මුළු ආණ්ඩුවක් එක්ක තනි මම රැම්බෝ වගේ (වීඩියෝ)

Published

on

By

මුළු ආණ්ඩුවක් සමඟම තමන් තනිව, සුප්‍රකට හොලිවුඩ් වීරයෙකු වන රැම්බෝ මෙන් සටනක නිරතව සිටින බව හිටපු අමාත්‍ය උදය ගම්මන්පිල මහතා පවසයි.

පිල්ලෙයාන් රැදවුම්භාරයට ගනිමින්, ඉන් පසුව, පිල්ලෙයාන් හෙළිදරව්වක් සිද්ධ කලා යැයි කියමින් යම් කිසි පාර්ශ්වයක් අත්අඩංගුවට ගැනීමට රජය දියත් කර තිබුණු කුමන්ත්‍රණය, තමන් උපායශීලීව පිල්ලෙයාන් හමුවීමට යාම නිසා කඩාකප්පල් වූ බව ගම්මන්පිල මහතා විසින් පෙන්වා දෙනු ලබයි.

විශේෂ මාධ්‍ය හමුවක් පවත්වමින් ඒ මහතා මේ බව කියා සිටියේය.

Continue Reading

Trending

Copyright © 2023 Sri Lanka Mirror. All Rights Reserved