පුවත්

කොළඹ කොටස් වෙළෙඳපොලේ දැවැන්ත කඩා වැටීමක්!

Published

9 hours ago

April 8, 2025

editor

කොළඹ කොටස් වෙළෙඳපොළ ඊයේ (07) දෛනික ගනුදෙනු අවසානයේදී මිල දර්ශකවල දැවැන්ත පහළ යාමක් සිදුව තිබිණි.

කොළඹ කොටස් වෙළෙඳපොළේ සියලු කොටස් මිල දර්ශකය ඊයේ (07) ඒකක 712.90 කින් පහළ ගියේය.

එය ප්‍රතිශතයක් ලෙස සියයට 4.64 කි.

කොළඹ කොටස් වෙළෙඳපොළ ගනුදෙනු ඊයේ (07) දිනයේදී මිනිත්තු 30 ක කාලයක් අත්හිටුවීමට ද කටයුතු කෙරිණි. ඊට හේතුව ඊයේ පෙරවරුවේදී S&P SL 20 දර්ශකය, පූර්ව ගනුදෙනු දිනයට සාපේක්ෂව සියයට 5 ක ප්‍රමාණයක් පහළ ගොස් තිබීම නිසාවෙනි.

ඇමරිකා එක්සත් ජනපදය විසින් ඉහළ තීරු බදු පැනවීම හේතුවෙන් ලෝකයේ රටවල් රැසක කොටස් වෙළෙඳපොළ තෙවැනි දිනටත් ඊයේ (07ඤ) කඩා වැටීමකට ලක්ව තිබිණි.

ජපානයේ ටෝකියෝ හි නිකේයි කොටස් වෙළෙඳපොළේ දර්ශකය සියයට 1.8 කින්ද, දකුණු කොරියාවේ සෝල් හි කොස්පි කොටස් වෙළෙඳපොළ දර්ශකය සියයට 4 කින්ද පහත වැටී ඇත.

ඇමරිකා එක්සත් ජනපදයේ තීරු බදු ප්‍රතිපත්තිය ජපානයේ ප්‍රධාන මෝටර් රථ නිෂ්පාදකයන් සහ බැංකු සඳහා දැඩි බලපෑම් එල්ලවී ඇතැයි ද අනාවරණය වේ.

ඇමරිකානු නව තීරුබදු ප්‍රතිපත්තිය හෙට (09 වැනිදා) සිට ක්‍රියාත්මක වීමට නියමිතය.

මෙම ඉහළ දැමූ තීරු බදු ප්‍රතිපත්තිය සම්බන්ධයෙන් සාකච්ඡා කිරීමට ශ්‍රී ලංකාව ඇතුළු රටවල් 50 ක් පමණ ඇමරිකා එක්සත් ජනපදයට එකඟතාවය පළකර තිබේ.

මූලාශ්‍රය – අරුණ

පුවත්

මේ සතියේ කැබිනට් තීරණ මෙන්න

Published

33 minutes ago

April 8, 2025

editor

ඊයේ (07) පැවති අමාත්‍ය මණ්ඩල රැස්වීමේදී තීරණ රැසකට එළැඹ තිබේ.

එම තීරණ මෙසේය

c1 Download

පුවත්

කැබිනට් තීරණ දැනුම්දීමේ ප්‍රවෘත්ති සාකච්ඡාව (සජීවී විකාශය)

Published

1 hour ago

April 8, 2025

editor

අද (08) කැබිනට් තීරණ දැනුම්දීමේ ප්‍රවෘත්ති සාකච්ඡාව ආරම්භ විය.

ඒ, කැබිනට් ප්‍රකාශක, අමාත්‍ය නලින්ද ජයතිස්ස මහතාගේ ප්‍රධානත්වයෙනි.

එම සජීවි දර්ශන පහතින් නරඹන්න.

සතියේ කැබිනට් මණ්ඩල රැස්වීමේ තීරණ දැනුම්දීම – 2025-04-08
සතියේ කැබිනට් මණ්ඩල රැස්වීමේ තීරණ දැනුම්දීම – 2025-04-08
Posted by Department of Government Information – Sri Lanka on Tuesday, April 8, 2025

පුවත්

ලංකාවට නව IMF ප්‍රධානියෙක්

Published

2 hours ago

April 8, 2025

editor

ජාත්‍යන්තර මූල්‍ය අරමුදලේ ( IMF) නව ශ්‍රී ලංකා දූත මණ්ඩල ප්‍රධානියා වශයෙන් Evan Papageorgiou පත්කර තිබේ.

මෙතෙක් කලක් ජාත්‍යන්තර මූල්‍ය අරමුදලේ මෙරට දූත මණ්ඩල ප්‍රධානියා වශයෙන් කටයුතු කළ පීටර් බෘෘවර් සිය ධුර කාලය අවසන් කරමින් ශ්‍රී ලංකාවෙන් නික්මයාමත් සමඟ මෙම පත්කිරීම කර ඇත.

ශ්‍රී ලංකාව දරුණුතම ආර්ථික අර්බුදයට මුහුණ දුන් 2022 – 2023 වකවානුවේ දී ශ්‍රී ලංකාව යළිත් වරක් ජාත්‍යන්තර මූල්‍ය අරමුදලේ වැඩසටහනකට අනුගත වීමට පියවර ගත් අවස්ථාවේ දී අරමුදලේ මෙරට දූත මණ්ඩල ප්‍රධානියා වශයෙන් කටයුතු කරමින් මැදිහත් වූයේ පීටර් බෘෘවර් ( Peter Breuer) ය.

අදියර වශයෙන් ක්‍රියාත්මක වූ එම වැඩසටහන සාර්ථක කරගැනීම සඳහා පසුගිය සමාලෝචන තුන අධීක්ෂණය කිරීමට නායකත්වය ලබාදීමට බෘෘවර් කටයුතු කළේය.

ජාත්‍යන්තර මූල්‍ය අරමුදලේ නව ශ්‍රී ලංකා දූත මණ්ඩල ප්‍රධානියා වශයෙන් වැඩ භාර ගත් Evan Papageorgiou, ජාත්‍යන්තර මූල්‍ය අරමුදලේ ආසියා පැසිෆික් දෙපාර්තමේන්තුවේ නියෝජ්‍ය අංශ ප්‍රධානියා වශයෙන් කටයුතු කළ අයෙකි.