ට්විටර් සමාගමේ සියලු කාර්යාල ගොඩනැගිලි වහාම ක්‍රියාත්මක වන පරිදි තාවකාලිකව වසා දමන බව සේවකයින්ට දැනුම්දී තිබේ.
එහි සේවකයින්ට දැනුම්දී ඇත්තේ ලබන සඳුදා (21) කාර්යාල නැවත විවෘත කරන බවය.
කෙසේවෙතත්, මෙම පියවර ගැනීමට හේතුවක් එම සමාගම විසින් සඳහන් කර නැත.
විදෙස් මාධ්‍ය වැඩිදුරටත් වාර්තා කර ඇත්තේ විවිධ මාධ්‍යවල පුවත්පත් හෝ වෙනත් ස්ථානවල රහස්‍ය සමාගම් තොරතුරු සාකච්ඡා කිරිමෙන් වලකින ලෙස ද සේවකයින්ගෙන් ඉල්ලීමක් කර ඇති බවයි.
මේ අතර, සිය සේවකයන් වෙත තවත් විද්‍යුත් තැපෑලක් යවමින් ට්විටර් හි නව හිමිකරු වන ඊලොන් මස්ක් පවසා ඇත්තේ දැඩි කැපවීමකින් යුතුව වැඩි පැය ගණනක් වැඩ කළ යුතු බවත්, එසේ කළ නොහැකි නම් ඔවුන් සමාගමෙන් ඉවත්ව යා යුතු බවත් ය.
