Connect with us

පුවත්

Rage Coffee ලංකාවේ එළිදකී (ඡායා)

Published

on

ඉන්දියාවේ නිෂ්පාදිත ජනප්‍රිය ක්ෂණික කෝපි නිෂ්පාදනයක් වන Rage Coffee ඊයේ (14) ශ්‍රී ලංකාවේ වෙළෙඳපොළට හඳුන්වා දෙන ලදී.

ඉතියෝපියාවෙන් සහ ඉන්දියාවෙන් නෙළාගත් කෝපි අස්වැනු නවීණ තාක්ෂණය භාවිතයෙන් විජලනය කිරීමෙන් නිෂ්පාදිත Rage Coffee පානය, සාමාන්‍ය කෝපි පානයන් වලට වඩා ඉහළ කැෆේන් ප්‍රමාණයකින් යුක්ත 100%ක් ශාකමය නිෂ්පාදනයක් බව එම සමාගම පවසයි.

ගුණාත්මය ලාභදායි විකල්පයක් ලෙස මෙහි Silk Blend එකතුව හඳුන්වා දී ඇති අතර, ඊට Belgian Chocolate, Vanilla Velvet යන Creamy Hazelnut යන මිශ්‍රණද අඩංගුවේ. ඊට අමතරව, වඩාත් උසස් ප්‍රමිතියේ කෝපි රසයක් වෙනුවෙන් Irish Hazelnut, Dark Chocolate, Creme Caramel, French Vanilla සහ Butterscotch Delight වැනි මිශ්‍රණ ඇතුළත් Premium Blend එකතුවද මීට එක්වේ.

Rage Coffee නිෂ්පාදන කාගිල්ස් අලෙවිසැල් ජාලය තුළ පමණක් අලෙවි කරනු ලැබේ. ඊට අමතරව එහි වෙබ් අඩවිය වන www.RageCoffee.lk හරහා මෙම නිෂ්පාදන මාර්ගගත ක්‍රමයටද ඇණවුම් කළ හැකිය.

භාරත් සෙති මහතාගේ සංකල්පයක් වන මෙම නිෂ්පාදනය මුලින්ම ඉන්දියාවේ දියත් කර ඇත්තේ 2018දීය. ඉන්දියාවේ සුපිරි ක්‍රිකට් ක්‍රීඩක – විරාත් කෝලි, Rage Coffee හි හවුල්කරුවෙකු සහ සන්නාම තානාපතිවරයා ද වේ.

මෙම නිෂ්පාදනය, Cliphs Pvt. Ltd. හි අනුබද්ධිත Staple Mark සමාගම විසින් මෙරටට ගෙන එනු ලබයි. ශ්‍රී ලංකාවේ විශාලතම ලිපි ද්‍රව්‍ය සැපයුම්කරුවෙකු වන Cliphs Pvt. Ltd. හි ප්‍රධානියා ලෙස අරුනන් වෙන්ගදාසලම් මහතා කටයුතු කරයි.

මෙම අවස්ථාව අමතමින් අරුනන් වෙන්ගදාසලම් මහතා මෙසේ පවසා සිටියේය :

“අනෙකුත් ප්‍රමුඛ පෙළේ ක්ෂණික කෝපි නිෂ්පාදකයින් ඔවුන්ගේ නිෂ්පාදන ලබාදෙන්නේ කෙසේදැයි සොයා යන විට, ඉතා උසස් තත්ත්වයේ සහ පෝෂණ ගුණයෙන් යුත් නිෂ්පාදනයක් වෙත මෙම වෙළඳපොළ තුළ අවධානය යොමු කිරීමට අප පෙලඹුණා. ඇත්ත වශයෙන්ම බැහැර කළ යුතු, බිම වැටී ඇති කෝපි ඇට වල කටු පවා භාවිතා කරන කෝපි නිෂ්පාදකයන් අතරින්, උසස්ම තත්ත්වයේ කෝපි කුඩු අගය කරන හා ඒ වෙනුවෙන් ප්‍රමුඛත්වය දෙන නිෂ්පාදකයෙකු අපට හමුවුනා.”

“Rage Coffee නිර්මාණය කර ඇත්තේ සියලු රුචි අරුචිකම් සපුරාලීමටයි. ශ්‍රී ලංකාවට හොඳම දේ ලැබිය යුතු බව අප විශ්වාස කරන අතර, Rage Coffee යනු මෙම දේශය සුවිශේෂී කරන අද්විතීය රසයන් වල එකතුවට අප ලබාදෙන දායකත්වය,” බවද ඔහු පැවසීය.

විවිධ රසයන් ගවේෂණය කරන පාරිභෝගිකයන් සිටින, ශ්‍රී ලංකාවේ විකාශනය වන කෝපි සංස්කෘතිය, ශ්‍රී ලංකාවට Rage Coffee හඳුන්වා දීමට ‘සුදුසුම අවස්ථාවක්’ සිය සමාගම වෙත උදා කර දී ඇති බවද ඔහු වැඩිදුරටත් සඳහන් කළේය.

පටිගත කරන ලද ප්‍රකාශයක් ඔස්සේ අදහස් දැක්වූ, Rage Coffee හි නිර්මාතෘ සහ ප්‍රධාන විධායක නිලධාරී භාරත් සෙති මහතා, සිය සමාගම හා හවුල්කාරිත්වයකට එළැඹ, ශ්‍රී ලාංකිකයන් අතරට පත්වන ප්‍රධානතම කෝපි සන්නාමයක් ලෙස Rage Coffee පත්කිරීම පිළිබඳව සිය ස්තූතිය පළ කළේය.

(ඡායා : ශානිකා ජයසේකර)

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved