Connect with us

කලා

කර්ණාටක ජන සංස්කෘතික ප්‍රසංගයක් මුල් වරට කොළඹ දී

Published

on

ඉන්දියාවේ කර්නාටක ප්‍රාන්තයේ (30) තිහකට ආසන්න ප්‍රකට ජන හා ශාස්ත්‍රීය සම්ප්‍රදායේ ප්‍රාසංගික කලාකරුවන් පිරිසකගේ සහභාගීත්වයෙන් අද (අගෝස්තු 25) ප.ව. 4.00ට කොළඹ 7 සෞන්දර්ය විශ්වවිද්‍යාලය ශ්‍රවණාගාරයේ දී පැවැත්වේ.

නර්තන (ශාස්ත්‍රීය ,සම්ප්‍රදායික හා ජන), සංගීතමය ඉදිරිපත් කිරීම්, බහු භාෂා කාව්‍ය ගායනා, මුද්‍රා නාටක, රූකඩ නාට්‍ය යනාදී අංග රැසක් මෙහි දී ඉදිරිපත් කෙරෙනු ඇත. 

ඉන්දියාවේ අන්තර්ජාතික සංස්කෘතික කවුන්සිලය (International Cultural Council of India (M.E) Global Peace Foundation) ඉදිරිපත් කරන මෙම සංස්කෘතික ප්‍රසංගය කොළඹ ස්වාමි විවේකානන්ද ඉන්දියානු සංස්කෘතික මධ්‍යස්ථානය, උසස් අධ්‍යාපන රාජ්‍ය අමාත්‍යාංශය සහ සෞන්දර්ය විශ්වවිද්‍යාලීය සහයෝගීතාවයෙන් යුතුව ආසියානු මාධ්‍ය හා සංස්කෘතික සංගමය (AMCA) හා PEN Sri Lanka ආයතනය සංවිධානය කරනු ලබයි.

ඉන්දියාවේ අන්තර්ජාතික සංස්කෘතික කවුන්සිලය (ICFCI)  ලොව පුරා ඉදිරිපත් කරනු ලබන ප්‍රසංග මාලාවේ (40) හතලිස්වැන්න  අගෝස්තු විසි පස් වෙනි දින ශ්‍රී ලංකාවේ කොළඹදී ඉදිරිපත් කරනු ලබන බවත් මෙහි දී මුලික අවධානය යොමු වන්නේ, කර්ණාටක ජන ගී, ජන නැටුම්, ජන සංගීත, හා ජන කවි යන අංග කෙරෙහි බව එම කවුන්සිලයේ සභාපති K.P. මංජුනාත් සාගර් (K.P.Manjunath Sagar) මහතා නිවේදනය කරයි.

ඉන්දියාවේ කර්නාටක ප්‍රාන්තයේ විශිෂ්ටතම නර්තන ශිල්පීන් අතර සිටින මධුරී බොන්ද්‍රේ (Madhuri Bondre) හා ඇයගේ නර්තන කණ්ඩායම ඉදිරිපත් කරන නර්තන අංග මෙහි දී සුවිශේෂ වේ. 

එමෙන්ම, යක්ෂ ඝණ නර්තනය ඉදිරිපත් කරනු ලබන්නේ, ෂෙරියාස් රවී හෙග්ඩේ (Shreyas Ravi Hegde) ය. ගුරු ආචාර්ය ජය ශ්‍රී,  (Guru Dr.Jaya shree, රවී හේග්ඩේ (Ravi Hegde) සහ ශෘති අෂීස් (Shruthi Ashish) යුගල ඉදිරිපත් කරන නර්තන අංගය ද සිත්ගන්නා සුළු එකක් වනු ඇත. ජන කවි ගායනා ඉදිරිපත් කරනු ලබන්නේ, මහාචාර්ය බින්ඩිගනවේලේ භාගවන් (Prof.Bindiganavele Bhagavan) සහ ආචාර්ය නර්තනා අනානි (Dr.Archana Alhani) විසිනි. රූකඩ සංදර්ශනය, යශෝධා රංගා පුතාලී (Yashoda Ranga Puthali) ගෙනි. කේවල නර්තන ඉදිරිපත් කරනු ලබන්නේ, ආරතී සුරේෂ් (Arathi Suresh) හා අනු ආනන්ද් (Anu Anand) විසිනි. ගායනා – වෙන්කතේෂ් මුර්ති (Venkatesh Moorthi Shiroor) ගෝනා ස්වාමි (Gona Swami), පුෂ්පා ආරාධයා (Pushpa Aradhya) හා මන්තේෂ් මාමදපුර (Manthesh Mamadapura) සිදු කරන බව මංජුනාත් සාගර් මහතා වැඩිදුරටත් පවසයි.

මෙම ප්‍රසංග උත්සවයේ ප්‍රධාන ආරාධිතයන් ලෙස සංස්කෘතික කටයුතු අමාත්‍ය – විදුර වික්‍රමනායක මහතා, උසස් අධ්‍යාපන රාජ්‍ය අමාත්‍ය – ආචාර්ය සුරේන් රාඝවන් මහතා, සෞන්දර්ය විශ්ව විද්‍යාලයේ උපකුලපති – මහාචාර්ය රෝහන පී මහලියනාරච්චි මහතා හා ආචාර්ය අමිල කංකානම්ගේ මහතා යන අය සහභාගී වේ.

පස්වරු 4.00 සිට 6.00 පැවැත්වෙන මෙම ප්‍රසංගය නොමිලයේ පැවැත්වෙන බවත් සියලු දෙනාට ඒ සදහා ආරාධනා කරන බව ආසියානු මාධ්‍ය සංස්කෘතික සංගමය පවසයි.

කලා

එකම වේදිකාවක සම්මානනීය වූ තාත්තයි දුවයි

Published

on

By

ප්‍රවීණ ගායන ශිල්පි රූකාන්ත ගුණතිලක සහ ඔහුගේ ආදරණීය දියණිය වින්ඩි ගුණතිලක ඊයේ (17) රාත්‍රියේ සම්මානයට පාත්‍ර විය.

ඒ, ”Business World International Awards USA – 2023” සම්මාන රාත්‍රියේදීයි.

එහිදී, රූකාන්ත ගුණතිලක මහතා ”Pride of Sri Lanka (Music)” සම්මානයට හිමිකම් කියූ අතර ඔහුගේ දියණිය වින්ඩි ගුණතිලක සම්මාන ද්විත්වයකට හිමිකම් ලැබුවාය.

ඒ, ”Pride of Global (Music) 2022” සහ ”Global Icon (Music) 2023” යන සම්මාන ද්විත්වයටයි.

BWIO විසින් සංවිධානය කරන ලද මෙම විශිෂ්ටතා සම්මාන උළෙල ගෝලීය වශයෙන් ව්‍යාපාර සහ ව්‍යවසායක විශිෂ්ටයින් ඇගයීම උදෙසා ක්‍රියාත්මක වන්නකි.

Continue Reading

කලා

එජාප මැයි රැලි සංගීතයට ගායක ගායිකාවන් ඉන්දියාවෙන්; සංගීතේ ශේන් සිංගෙන්

Published

on

By

එක්සත් ජාතික පක්ෂයේ මැයි දින රැලියට සමගාමීව සංවිධානය කර ඇති සංගීත ප්‍රසංගයේ ගීත ගායනා කිරීම සඳහා ඉන්දීය ගායක ගායිකාවන් පිරිසක් ඊයේ (30) මෙරටට පැමිණ තිබිණි.

මෙම සංගීත ප්‍රසංගය අද (01) රාත්‍රි 07.00 සිට මාලිගාවත්ත පී.ඩී. සිරිසේන ක්‍රීඩා පිටියේදී පැවැත්වීමට නියමිතය. 

එහි ගීත ගායනා කිරීම සඳහා විජේ බාලක්‍රිශ්ණන්, රම්‍යා නාගර්කෝවිල්, ඩැනියෙල් ජෙයරාම් සහ රෙෂ්මා සුන්දරම් ආදි ගායන ශිල්පීන් පැමිණ ඇත.

ඊට අමතරව ඉන්දීය සංගීත ශිල්පීන් වන ධර්මර් සත්‍ය ප්‍රකාශ් සහ නුරානි වර්ෂා ද මෙම ප්‍රසංගයේ ගීත ගායනා කිරීම සඳහා අද (01) මෙරටට පැමිණීමට නියමිත බව වාර්තා වේ.

ශේන් සිං ප්‍රමුඛ ‘ලයින්වන්’ සංගීත කණ්ඩායම ඊට සංගීතය සපයන අතර අදාළ ප්‍රසංගය නොමිලේ පැවැත්වේ.

Continue Reading

කලා

ජගත් මනුවර්ණට වෙඩි වැදිලා!

Published

on

By

රූගත කිරීමක් අතරතුරදී සිදුවූ වෙඩි තැබීමේ දර්ශනයකදී රංගන ශිල්පී ජගත් මනුවර්ණ අනතුරකට ලක්ව ඇතැයි වාර්තා වේ.

කෙසේවුවද, ඔහුට සිදුව ඇත්තේ සුළු තුවාලයක් පමණක් බව වාර්තා වේ.

ක්‍රියාදාම දර්ශන රැසක් රැගත්, චමින්ද ජයසූරියගේ ‘ෆාදර්’ සිනමාපටයේ රූගතකිරීම් අතුරතුර දී ඔහු මෙම අනතුරට පත්ව ඇත.

අනතුර සිදුවූ ඊයේ (28) දින රාත්‍රීයේ ම ඔහු ප්‍රතිකාර සඳහා කොළඹ පිටත් කර එවා තිබේ.

වෙඩි පිපිරවීම් සිදු කළ ශිල්පියාගේ අත්වැරදීමකින් මෙම අනතුර සිදුව ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved