කලා

‘භරංගම්’ හෙට සිට ලංකාවේ

Published

4 months ago

February 5, 2025

editor

ඉන්දියාවේ ජාත්‍යන්තර නාට්‍ය උළෙල වන භාරත් රංග මහෝත්සවයේ රිදී ජුබිලිය සමරමින් ඉන්දීය රජයේ සංස්කෘතික අමාත්‍යාංශයේ ජාතික නාට්‍ය පාසල විසින් එම නාට්‍ය උළෙල 2025 පෙබරවාරි 6 – 9 දක්වා කොළඹ දී සංවිධානය කර ඇත. එය කොළඹ, ඉන්දීය මහ කොමසාරිස් කාර්යාලයේ සංස්කෘතික අංශය වන ස්වාමි විවේකානන්ද සංස්කෘතික මධ්‍යස්ථානය විසින් ශ්‍රී ලංකාවේ සෞන්දර්ය විශ්ව විද්‍යාලය සමඟින් එක්ව කොළඹ ටවර් රඟහලේදී සහ පණිභාරත රඟහලේදී පැවැත්වීමට කටයුතු යොදා ඇත.

‘භරංගම්’ නමින් ද හැඳින්වෙන භාරත් රංග මහෝත්සවය ලොව විශාලතම නාට්‍ය උළෙල වේ. 2025 ජනවාරි 28 වන දින ඇරඹි එය ඉන්දියාවේ, ශ්‍රී ලංකාවේ සහ නේපාලයේ නගර 13ක පෙබරවාරි 16 වන දින දක්වා පැවැත්වෙනු ඇත. මෙම පුරෝගාමී ප්‍රයත්නය හරහා, ජාතික නාට්‍ය පාසල නාට්‍ය උළෙල ජනාත්‍යන්තර ප්‍රේක්ෂකාගාරයට ද සමීප කරවයි. 2025 භාරත් රංග මහෝත්සවයෙහි තේමාව වන “එක් ප්‍රකාශනයක්, අසමසම නිර්මාණයක්” යන්න නිර්මාණාත්මක ප්‍රකාශනයෙහි එකමුතුභාවයේ හැඟීම හා සමපාත වේ. මෙම නාට්‍ය උළෙල සඳහා රුසියාව, ඉතාලිය, ජර්මනිය, නෝර්වේ, චෙක් ජනරජය, නේපාලය, ස්පාඤ්ඤය සහ ශ්‍රී ලංකාව යන රටවල සුවිශේෂී නාට්‍ය 200ක් පමණ ඇතුළත් වේ.

කොළඹ පැවැත්වෙන නාට්‍ය උළෙලේදී පෙබරවාරි 6 සහ 7 දිනවල ‘ටජ්මහල් කා ටෙන්ඩර්’ සහ ‘බාබුජි’ යන හින්දි නාට්‍ය ටවර් හෝල් රඟහලේ ද පෙබරවාරි 8 සහ 9 දිනවල ‘රෝමියෝ සහ ජුලියට්’ සහ සින්දු කිරිල්ලි – 2 (වෙරෝනිකා ආපසු ඇවිත්) නාට්‍ය පණිභාරත රඟහලේ ද පැවැත්වේ. කොළඹ, භාරත් රංග මහෝත්සවයේ සමාරම්භක උත්සවය 2025 පෙබරවාරි 6 වන දින ප.ව. 6ට මරදාන ටවර් හෝල් රඟහලේදී පැවැත්වෙනු ඇත.

වැඩිදුර විස්තර සඳහා ජාතික නාට්‍ය පාසලේ වෙබ් අඩවිය වන https://nsd.gov.in සහ භාරත් රංග මහෝත්සව් වෙබ් අඩවිය වන www.brm.nsd.gov.in වෙත පිවිසෙන්න. කොළඹ පැවැත්වෙන නාට්‍ය නැරඹීම සඳහා උනන්දුවක් දක්වන්නන් හට [email protected] වෙත ඊ-මේල් පණිවිඩයක් යොමු කිරීමෙන් ප්‍රවේශ පත්‍ර ලබා ගත හැකිය.

6.-BRM-Colombo-schedule-1 Download

කලා

ශ්‍රී ලංකාවට ජාත්‍යන්තර ජයක්

Published

4 days ago

June 11, 2025

editor

තායිලන්තයේ පැවති 23 වැනි මෑන් හන්ට් ඉන්ටර්නැෂනල් තරගාවලියේ අනු ශූරතාව හිමිකර ගැනීමට ශ්‍රී ලංකාවේ පියුමාල් සිතුම් ඊයේ (10) සමත් විය.

එහි ශූරතාව හිමිවූයේ ප්‍රංශයටයි.

මීට පෙර 2017 වසරේ තායිලන්තයේ බැංකොක් නුවර පැවති 18 වැනි මෑන් හන්ට් ඉන්ටර්නැෂනල් තරගාවලියේ දී මෙරටින් ඉදිරිපත් වූ මොහොමඩ් වසීම් විසින් සිව්වන ස්ථානය හිමිකරගෙන තිබේ

කලා

ෂෙහාන්ගේ “The Seven Moons of Maali Almeida” වෙනුවෙන් තවත් ජාත්‍යන්තර සම්මානයක්

Published

5 days ago

June 10, 2025

editor

ශ්‍රී ලාංකික කතුවරයෙකු වන ෂෙහාන් කරුණාතිලක විසින් රචනා කළ “The Seven Moons of Maali Almeida” නවකතාව ආසියානු සාහිත්‍ය සඳහා 8 වන Émile Guimet ත්‍යාගය දිනා ගෙන තිබේ.

2025 ජුනි 4 වන දින පැරිසියේ පිහිටි කෞතුකාගාරයේ ජීන්-ෆ්‍රැන්කොයිස් ජැරිජ් ශ්‍රවණාගාරයේදී පැවති උත්සවයකදී මෙය නිවේදනය කර තිබුණි.

ඉංග්‍රීසි භාෂාවෙන් රචනා කළ “The Seven Moons of Maali Almeida” ප්‍රංශ භාෂාවට පරිවර්තනය කර ඇත්තේ, Xavier Gros විසිනි.

“Les sept lunes de Maali Almeida” (The Seven Moons of Maali Almeida) කෘතිය Émile Guimet ත්‍යාගය දිනා ගෙන ඇත්තේ, එය ප්‍රංශයේ ප්‍රකාශයට පත් කර මාස 18ක් ගත වීමෙන් පසුවය.

2022 වසරේදී මෙම නවකතාව සඳහා ෂෙහාන් කරුණාතිලක විශිෂ්ටතම ඉංග්‍රීසි නවකතාවට පිරිනැමෙන “ද බුකර් ” සම්මානයද දිනා ගන්නා ලදී.

Congratulations to #SriLankan writer Shehan Karunatilaka on winning the 8th Emile Guimet Prize for Asian Literature for his novel “The Seven Moons of Maali Almeida” awarded by the Guimet Museum on Thursday 5 June 2025. Karunatilaka’s novel also won the prestigious #BookerPrize in… pic.twitter.com/fs4zjaQ565
— Sri Lanka in France 🇱🇰 (@SLinFrance) June 9, 2025

කලා

ටොම් කෲස්ගෙන් ගිනස් ලෝක වාර්තාවක්

Published

1 week ago

June 7, 2025

editor

ටොම් කෲස් ‘Mission: Impossible – The Final Reckoning හි ඊතන් හන්ට් ලෙස ඔහුගේ චරිතය නැවත පන පොවන අතර ඒ ලෝක වාර්තාවක් ද සමඟය.බොක්ස් ඔෆිස් වාර්තා කිහිපයක් බිඳ දැමීමෙන් පසුව ඔහු මෙලෙස ගිනස් ලෝක වාර්තාව දිනා ඇත. ගිනස් ලෝක වාර්තා පොතට අනුව, කෲස් “තනි පුද්ගලයෙකු විසින් වැඩිපුරම දැවෙන පැරෂුට් පැනීම්” සිදු කර ඇති අතර, ඔහුගේ පැනීම් ගණන 16 වතාවක් ලෙස සටහන් වේ.

නව චිත්‍රපටයේ රූගත කිරීම් අතරතුර දකුණු අප්‍රිකාවේ මෙම ක්‍රියාන්විතය සිදු කරන ලද අතර, එය මේ වන විට ප්‍රේක්ෂකයින් මවිතයට පත් කර තිබේ.

විදෙස් මාධ්‍ය වාර්තා කරන්නේ, ලොව පුරා සිනමා ශාලාවල ඩොලර් මිලියන 389ක දැවැන්ත ආදායමක් ද ලබාගෙන ඇති බවය .

රසිකයින්ගේ ප්‍රියතම ‘Mission: Impossible’ චිත්‍රපට මාලාව 1996 දී ටොම් කෲස් ප්‍රථම වරට රහස් නියෝජිත ඊතන් හන්ට් ලෙස රඟපෑමට එක්විය.