Connect with us

කලා

2023 රුසියානු සාහිත්‍ය උළෙල පැවැත්වෙයි (ඡායා)

Published

on

කොළඹ රුසියානු මන්දිරය සහ රුසියානු සාහිත්‍ය කවය සංවිධානය කරන රුසියානු සාහිත්‍ය උළෙල ඊයේ  (22) සවස 3.00ට කොළඹ රුසියානු මන්දිර ශ්‍රවණාගාරයේ දී පැවැත්වුණි.

ශ්‍රේෂ්ඨ රුසියානු ලේඛකයන් තිදෙනෙකු වන රසූල් ගම්සතාෆ් සියවස් සමරුවද, ලෙෆ් තොල්ස්ටෝයි ගේ 195 වැනි හා ඉවාන් තුර්ගේනියෙෆ් ගේ 205 වැනි සංවත්සර මෙහිදී සැමරිණි. මොවුන් ජීවිත හා බැඳුනු   ඡායාරූප ප්‍රදර්ශනයක්ද ඊයේ දින පැවැත්වුණි.

මොස්කව් මීඩියා හි නියෝජ්‍ය ප්‍රධාන කර්තෘ – මැක්ස් ඩිමෝව් මහතා විසින් එවන ලද වීඩියෝ පණිවිඩයක්ද මෙහිදී ප්‍රදර්ශනය විය.

මෙම උත්සවයේ තවත් විශේෂාංගයක් වූයේ ඉතිහාසයේ පළමුවරට සමකාලීන රුසියානු කතුවරුන්ගේ කෘති සිංහල බසින් ප්‍රදර්ශනය වීමයි. Evgeny Vodolazkin විසින් රචිත සුප්‍රසිද්ධ “Laurus” කෘතියේ හා Alexander Tsypkin විසින් රචිත “I Won’t Tell!” ජනප්‍රිය කෙටිකතාවේ ෆීලික්ස් ප්‍රනාන්දු මහතා විසින් සිදුකළ සිංහල පරිවර්තන මෙහිදී ප්‍රදර්ශනය කෙරුණි. වීඩියෝ පණිවිඩ මගින් අදහස් දැක්වූ Evgeny Vodolazkin හා Alexander Tsypkin කතුවරයන් සිය සතුට පළ කළ අතර, ඉදිරියේදී ලංකාවට පැමිණ ප්‍රනාන්දු මහතාව හමුවීමට බලාපොරොත්තු වන බවද පවසා ඇත.

(ඡායා : කොළඹ රුසියානු මන්දිරයේ ෆේස්බුක් පිටුව ඇසුරෙනි)

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

කලා

ෂාරුක් රෝහල් ගත කෙරේ

Published

on

By

ඉන්දියාවට බලපා තිබෙන දැඩි උෂ්ණත්වය හේතුවෙන් ඇතිවූ හදිසි රෝගී තත්වයක් මත ඉන්දීය සුපිරි බොලිවුඩ් නළු ෂාරුක් ඛාන් රෝහල් ගත කර ඇතැයි එරට මාධ්‍ය වාර්තා කළේය.

කල්කටා නයිට් රයිඩර්ස් කණ්ඩාම සහ සන්රයිස් හයිද්‍රාබාද් කණ්ඩායම අතර 21 දින පැවැති තරඟය නැරඹීම සඳහා ෂාරුක් ඛාන් අහමාදාබාද් නගරය වෙත පැමිණ සිට ඇති බවත් එහිදී ප්‍රීති ඝෝෂා නගමින් අධික ලෙස වෙහෙස වීම හේතුවෙන් ඔහුට විජලන තත්වයක් ඇති වී ශරීර උෂ්ණත්වය අධික ලෙස ඉහළ ගොස් ඇති බවත් ඉන්දීය මාධ්‍ය සඳහන් කළේය.

එම රෝගී තත්වය හේතුවෙන් ඔහුව අහමදාබාද්හි කේ.ඩී රෝහල වෙත ඇතුළත් කර ඇති බවත් ගෞරි ඛාන්, බොලිවුඩ් සුපිරි නිළි ජුහී චව්ලා සහ ඇයගේ සැමියාද වහාම කේ.ඩී රෝහල වෙත පැමිණ ඇති බවත් ඉන්දීය මාධ්‍ය වාර්තා කළේය.

ෂාරුක්ගේ වත්මන් සෞඛ්‍ය තත්වය පිළිබඳ ජනතාව දැනුවත් කරමින් බොලිවුඩ් සුපිරි නිළි ජුහී චව්ලා ප්‍රකාශ කර සිටියේ ෂාරුක් ඛාන්ගේ සෞඛ්‍ය තත්වය යහපත් අතට හැරෙමින් පවතින බවත් කල්කටා නයිට් රයිඩර්ස් කණ්ඩාම සහභාගී වන අවසන් තරඟය නැරඹීමට පැමිණීමට ඔහුට හැකියාව ලැබෙතැයි තමන් විශ්වාස කරන බවත්ය.

Continue Reading

කලා

එකම වේදිකාවක සම්මානනීය වූ තාත්තයි දුවයි

Published

on

By

ප්‍රවීණ ගායන ශිල්පි රූකාන්ත ගුණතිලක සහ ඔහුගේ ආදරණීය දියණිය වින්ඩි ගුණතිලක ඊයේ (17) රාත්‍රියේ සම්මානයට පාත්‍ර විය.

ඒ, ”Business World International Awards USA – 2023” සම්මාන රාත්‍රියේදීයි.

එහිදී, රූකාන්ත ගුණතිලක මහතා ”Pride of Sri Lanka (Music)” සම්මානයට හිමිකම් කියූ අතර ඔහුගේ දියණිය වින්ඩි ගුණතිලක සම්මාන ද්විත්වයකට හිමිකම් ලැබුවාය.

ඒ, ”Pride of Global (Music) 2022” සහ ”Global Icon (Music) 2023” යන සම්මාන ද්විත්වයටයි.

BWIO විසින් සංවිධානය කරන ලද මෙම විශිෂ්ටතා සම්මාන උළෙල ගෝලීය වශයෙන් ව්‍යාපාර සහ ව්‍යවසායක විශිෂ්ටයින් ඇගයීම උදෙසා ක්‍රියාත්මක වන්නකි.

Continue Reading
Advertisement

Trending

Copyright © 2023 Sri Lanka Mirror. All Rights Reserved