Connect with us

කලා

හොලිවුඩයේ දැවැන්ත විරෝධයට නළුනිළියොත් එක්වෙයි

Published

on

හොලිවුඩයේ රංගන ශිල්පීන් හා ශිල්පිනියන් ද සිය රංගන වැඩකටයුතු වලින් ඉවත්වී ඇතැයි වාර්තා වේ.

මේ වන විට හොලිවුඩයේ තිර රචකයන් විසින් ආරම්භ කර ඇති වැඩ වර්ජනයට හොලිවුඩයේ රංගන ශිල්පීන් හා ශිල්පිනියන්ද එක්වී තිබේ.

මෙය, හැට වසරක කාලයක් තුළ හොලිවුඩයේ සිදුවූ විශාලතම වර්ජනය ලෙස සැලකෙයි.

ඒ අනුව, ලොස් ඇන්ජලීස් වේලාවෙන් මාධ්‍යම රාත්‍රියේ සිට රංගන ශිල්පීන් හා ශිල්පිනියන් 160,000ක් සිය වැඩකටයුතු වලින් ඉවත් වීමට නියමිත අතර, මේ සමග හොලිවුඩයේ චිත්‍රපට හා රූපවාහිනි වැඩසටහන් නිෂ්පාදන කටයුතු අඩක් පමණ අඩපණ වනු ඇති බව විදෙස් වාර්තා සඳහන් කරයි.

ස්ක්‍රීන් ඇක්ටර්ස් ගිල්ඩ් හෙවත් (SAG) සංසදය මගින් මෙම තීරණය ප්‍රකාශයට පත් කර ඇති අතර, ඔවුන් පෙන්වා දෙන්නේ සිය රංගන කාර්යයන්ට අදාළ ගෙවීම් හා ලාභ බෙදිම් වඩා සාධාරණ හා විධිමත් කොන්දේසිවලට එකඟ ව සිදු විය යුතු බවයි.

තවද, නළුනිළියන්ට අයත් ස්ථානය ඩිජිටල් අනුරූ උදුරා ගැනීම වළක්වමින් නළුනිළියන්ව ආරක්ෂා කරන මෙන්ද ඔවුන් ඉල්ලා සිටියි.

කෘත්‍රිම බුද්ධිය (AI) සහ පරිගණකයෙන් ජනනය කරන ලද මුහුණු සහ කටහඬ නළුවන් වෙනුවට භාවිතා නොකරන බවට සහතිකයක්ද SAG සංසදය අපේක්ෂා කරයි.

නෙට්ෆ්ලික්ස් හි කැලිෆෝනියා මූලස්ථානය ඉදිරිපිට අද දිනයේදී පිකටින් ව්‍යාපාරයක්ද සිදුකිරීමට නියමිත අතර, ඉන්පසුව පැරමවුන්ට්, වෝනර් බ්‍රදර්ස් සහ ඩිස්නි සමාගම් ඉදිරිපිට ද සිදුකිරීමට නියමිතය.මෙම විරෝධතා ව්‍යාපාරයට හොලිවුඩ් ක්ෂේත්‍රයේ නළුනිළියන් රැසක් එක්වීමට නියමිතය.

කලා

ෂාරුක් රෝහල් ගත කෙරේ

Published

on

By

ඉන්දියාවට බලපා තිබෙන දැඩි උෂ්ණත්වය හේතුවෙන් ඇතිවූ හදිසි රෝගී තත්වයක් මත ඉන්දීය සුපිරි බොලිවුඩ් නළු ෂාරුක් ඛාන් රෝහල් ගත කර ඇතැයි එරට මාධ්‍ය වාර්තා කළේය.

කල්කටා නයිට් රයිඩර්ස් කණ්ඩාම සහ සන්රයිස් හයිද්‍රාබාද් කණ්ඩායම අතර 21 දින පැවැති තරඟය නැරඹීම සඳහා ෂාරුක් ඛාන් අහමාදාබාද් නගරය වෙත පැමිණ සිට ඇති බවත් එහිදී ප්‍රීති ඝෝෂා නගමින් අධික ලෙස වෙහෙස වීම හේතුවෙන් ඔහුට විජලන තත්වයක් ඇති වී ශරීර උෂ්ණත්වය අධික ලෙස ඉහළ ගොස් ඇති බවත් ඉන්දීය මාධ්‍ය සඳහන් කළේය.

එම රෝගී තත්වය හේතුවෙන් ඔහුව අහමදාබාද්හි කේ.ඩී රෝහල වෙත ඇතුළත් කර ඇති බවත් ගෞරි ඛාන්, බොලිවුඩ් සුපිරි නිළි ජුහී චව්ලා සහ ඇයගේ සැමියාද වහාම කේ.ඩී රෝහල වෙත පැමිණ ඇති බවත් ඉන්දීය මාධ්‍ය වාර්තා කළේය.

ෂාරුක්ගේ වත්මන් සෞඛ්‍ය තත්වය පිළිබඳ ජනතාව දැනුවත් කරමින් බොලිවුඩ් සුපිරි නිළි ජුහී චව්ලා ප්‍රකාශ කර සිටියේ ෂාරුක් ඛාන්ගේ සෞඛ්‍ය තත්වය යහපත් අතට හැරෙමින් පවතින බවත් කල්කටා නයිට් රයිඩර්ස් කණ්ඩාම සහභාගී වන අවසන් තරඟය නැරඹීමට පැමිණීමට ඔහුට හැකියාව ලැබෙතැයි තමන් විශ්වාස කරන බවත්ය.

Continue Reading

කලා

එකම වේදිකාවක සම්මානනීය වූ තාත්තයි දුවයි

Published

on

By

ප්‍රවීණ ගායන ශිල්පි රූකාන්ත ගුණතිලක සහ ඔහුගේ ආදරණීය දියණිය වින්ඩි ගුණතිලක ඊයේ (17) රාත්‍රියේ සම්මානයට පාත්‍ර විය.

ඒ, ”Business World International Awards USA – 2023” සම්මාන රාත්‍රියේදීයි.

එහිදී, රූකාන්ත ගුණතිලක මහතා ”Pride of Sri Lanka (Music)” සම්මානයට හිමිකම් කියූ අතර ඔහුගේ දියණිය වින්ඩි ගුණතිලක සම්මාන ද්විත්වයකට හිමිකම් ලැබුවාය.

ඒ, ”Pride of Global (Music) 2022” සහ ”Global Icon (Music) 2023” යන සම්මාන ද්විත්වයටයි.

BWIO විසින් සංවිධානය කරන ලද මෙම විශිෂ්ටතා සම්මාන උළෙල ගෝලීය වශයෙන් ව්‍යාපාර සහ ව්‍යවසායක විශිෂ්ටයින් ඇගයීම උදෙසා ක්‍රියාත්මක වන්නකි.

Continue Reading

කලා

එජාප මැයි රැලි සංගීතයට ගායක ගායිකාවන් ඉන්දියාවෙන්; සංගීතේ ශේන් සිංගෙන්

Published

on

By

එක්සත් ජාතික පක්ෂයේ මැයි දින රැලියට සමගාමීව සංවිධානය කර ඇති සංගීත ප්‍රසංගයේ ගීත ගායනා කිරීම සඳහා ඉන්දීය ගායක ගායිකාවන් පිරිසක් ඊයේ (30) මෙරටට පැමිණ තිබිණි.

මෙම සංගීත ප්‍රසංගය අද (01) රාත්‍රි 07.00 සිට මාලිගාවත්ත පී.ඩී. සිරිසේන ක්‍රීඩා පිටියේදී පැවැත්වීමට නියමිතය. 

එහි ගීත ගායනා කිරීම සඳහා විජේ බාලක්‍රිශ්ණන්, රම්‍යා නාගර්කෝවිල්, ඩැනියෙල් ජෙයරාම් සහ රෙෂ්මා සුන්දරම් ආදි ගායන ශිල්පීන් පැමිණ ඇත.

ඊට අමතරව ඉන්දීය සංගීත ශිල්පීන් වන ධර්මර් සත්‍ය ප්‍රකාශ් සහ නුරානි වර්ෂා ද මෙම ප්‍රසංගයේ ගීත ගායනා කිරීම සඳහා අද (01) මෙරටට පැමිණීමට නියමිත බව වාර්තා වේ.

ශේන් සිං ප්‍රමුඛ ‘ලයින්වන්’ සංගීත කණ්ඩායම ඊට සංගීතය සපයන අතර අදාළ ප්‍රසංගය නොමිලේ පැවැත්වේ.

Continue Reading

Trending

Copyright © 2023 Sri Lanka Mirror. All Rights Reserved