Connect with us

කලා

ඉන්දියානු කන්නඩ සිනමා උළෙලක් කොළඹදී ඇරඹේ (ඡායා)

Published

on

ජාතික චිත්‍රපට සංස්ථාව, කොළඹ ඉන්දීය මහාකොමසාරිස් කාර්යාලයට අනුබද්ධ ස්වාමි විවේකානන්ද ඉන්දියානු සංස්කෘතික මධ්‍යස්ථානය බැංගලෝර් හි Nagathihalli Cinema School ආයතනය PEN Sri Lanka සංවිධානය සමග ආසියානු මාධ්‍ය හා සංස්කෘතික සංගමය (AMCA) ඒකාබද්ධව සංවිධානය කළ ඉන්දියානු කන්නඩ සිනමා උළෙල ඊයේ (02) ජාතික චිත්‍රපට සංස්ථාවේ තරංගනී සිනමා ශාලාවේදී පැවැත්වුණි.

මෙවැනි සිනමා උළෙලක් මෙරට සංවිධානය වන්නේ පළමු වරටයි.

ජනමාධ්‍ය හා ප්‍රවාහන අමාත්‍ය – ආචාර්ය බන්දුල ගුණවර්ධන මහතා හා ශ්‍රී ලංකාවේ ඉන්දියානු මහාකොමසාරිස් ගෝපාල් බග්ලේ මහතා ගේ ප්‍රධානත්වයෙන් මෙම උත්සවය පැවැත්වුණි.

මෙම අවස්ථාවට විශේෂ අමුත්තන් ලෙස ඉන්දීය ජාතික සහ ජාත්‍යන්තර සම්මානලාභී ප්‍රවීණ කන්නඩ සිනමා අධ්‍යක්ෂ හා  බැංගලෝරයේ Nagathihalli Cinema School හි අධ්‍යක්ෂ – නාගතිහාල්ලි චන්ද්‍රශේකර් මහතා, ප්‍රවීණ සිනමා මාධ්‍යවේදී ජී.එන්.මොහාන් මහතා, චිත්‍රපට නිෂ්පාදක ශංකර් ගොව්දා මහතා, ප්‍රවීණ සිනමා කැමරා ශිල්පී – එස්.කේ. රාඕ මහතා හා කර්ණාටක ප්‍රාන්තයේ හසාන් දිස්ත්‍රික්කයේ වැඩිම අලෙවියක් ඇති “ජනමිත්‍රා” පුවත්පතේ ප්‍රධාන කර්තෘ එච්.බී. මදන් ගොව්දා මහතාද එක්විය.

කලා

එකම වේදිකාවක සම්මානනීය වූ තාත්තයි දුවයි

Published

on

By

ප්‍රවීණ ගායන ශිල්පි රූකාන්ත ගුණතිලක සහ ඔහුගේ ආදරණීය දියණිය වින්ඩි ගුණතිලක ඊයේ (17) රාත්‍රියේ සම්මානයට පාත්‍ර විය.

ඒ, ”Business World International Awards USA – 2023” සම්මාන රාත්‍රියේදීයි.

එහිදී, රූකාන්ත ගුණතිලක මහතා ”Pride of Sri Lanka (Music)” සම්මානයට හිමිකම් කියූ අතර ඔහුගේ දියණිය වින්ඩි ගුණතිලක සම්මාන ද්විත්වයකට හිමිකම් ලැබුවාය.

ඒ, ”Pride of Global (Music) 2022” සහ ”Global Icon (Music) 2023” යන සම්මාන ද්විත්වයටයි.

BWIO විසින් සංවිධානය කරන ලද මෙම විශිෂ්ටතා සම්මාන උළෙල ගෝලීය වශයෙන් ව්‍යාපාර සහ ව්‍යවසායක විශිෂ්ටයින් ඇගයීම උදෙසා ක්‍රියාත්මක වන්නකි.

Continue Reading

කලා

එජාප මැයි රැලි සංගීතයට ගායක ගායිකාවන් ඉන්දියාවෙන්; සංගීතේ ශේන් සිංගෙන්

Published

on

By

එක්සත් ජාතික පක්ෂයේ මැයි දින රැලියට සමගාමීව සංවිධානය කර ඇති සංගීත ප්‍රසංගයේ ගීත ගායනා කිරීම සඳහා ඉන්දීය ගායක ගායිකාවන් පිරිසක් ඊයේ (30) මෙරටට පැමිණ තිබිණි.

මෙම සංගීත ප්‍රසංගය අද (01) රාත්‍රි 07.00 සිට මාලිගාවත්ත පී.ඩී. සිරිසේන ක්‍රීඩා පිටියේදී පැවැත්වීමට නියමිතය. 

එහි ගීත ගායනා කිරීම සඳහා විජේ බාලක්‍රිශ්ණන්, රම්‍යා නාගර්කෝවිල්, ඩැනියෙල් ජෙයරාම් සහ රෙෂ්මා සුන්දරම් ආදි ගායන ශිල්පීන් පැමිණ ඇත.

ඊට අමතරව ඉන්දීය සංගීත ශිල්පීන් වන ධර්මර් සත්‍ය ප්‍රකාශ් සහ නුරානි වර්ෂා ද මෙම ප්‍රසංගයේ ගීත ගායනා කිරීම සඳහා අද (01) මෙරටට පැමිණීමට නියමිත බව වාර්තා වේ.

ශේන් සිං ප්‍රමුඛ ‘ලයින්වන්’ සංගීත කණ්ඩායම ඊට සංගීතය සපයන අතර අදාළ ප්‍රසංගය නොමිලේ පැවැත්වේ.

Continue Reading

කලා

ජගත් මනුවර්ණට වෙඩි වැදිලා!

Published

on

By

රූගත කිරීමක් අතරතුරදී සිදුවූ වෙඩි තැබීමේ දර්ශනයකදී රංගන ශිල්පී ජගත් මනුවර්ණ අනතුරකට ලක්ව ඇතැයි වාර්තා වේ.

කෙසේවුවද, ඔහුට සිදුව ඇත්තේ සුළු තුවාලයක් පමණක් බව වාර්තා වේ.

ක්‍රියාදාම දර්ශන රැසක් රැගත්, චමින්ද ජයසූරියගේ ‘ෆාදර්’ සිනමාපටයේ රූගතකිරීම් අතුරතුර දී ඔහු මෙම අනතුරට පත්ව ඇත.

අනතුර සිදුවූ ඊයේ (28) දින රාත්‍රීයේ ම ඔහු ප්‍රතිකාර සඳහා කොළඹ පිටත් කර එවා තිබේ.

වෙඩි පිපිරවීම් සිදු කළ ශිල්පියාගේ අත්වැරදීමකින් මෙම අනතුර සිදුව ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved