කලා
ඉන්දීය සාම්භාව්‍ය නර්තන සාම්ප්‍රදායන් රැගත් ශ්‍රිංගාර් ප්‍රසංගය කොළඹදී (ඡායා)
හෙටට (ජනවාරි 26) යෙදෙන 75 වන ඉන්දීය ජනරජ දිනය නිමිත්තෙන් සංවිධානය කෙරුණු ශ්‍රිංගාර් – අෂ්ට විධ සම්භාව්‍ය ඉන්දියානු නර්තන සම්ප්‍රදායන්ගේ සුසංයෝගය’ නමැති ප්‍රසංගය ඊයේ (24) කොළඹ දී පැවැත්වුණි.
කොළඹ ඉන්දියානු මහ කොමසාරිස් කාර්යාලය හා කොළඹ ස්වාමි විවේකානන්ද ඉන්දියානු සංස්කෘතික මධ්‍යස්ථානය විසින් සංවිධානය කර තිබූ මෙම ප්‍රසංගයට ඉන්දීය හා ශ්‍රී ලංකා නර්තන ශිල්පී පිරිසක් එක්වූ අතර, මෙමගින් දෙරට අතර පවතින සංස්කෘතික පොහොසත්භාවය ද සබැඳියාව සබැඳියාව වඩාත් ඉස්මතු විය.
මෙම ප්‍රසංගයේ විශේෂත්වය වූයේ එමගින් ඉන්දියාවේ පවතින සාම්භාව්‍ය නර්තන සම්ප්‍රදායන් අටම (ඔඩිසි, කතකලි, මනිපුරි, සත්‍රිය, භරතනාට්‍යම්, මෝහිනියාට්ටම්, කථක් හා කුචිපුඩි) එක් වේදිකාවක් මත විදහා දැක්වීමයි.
මෙම ප්‍රසංගය සඳහා ඉන්දියාවේ ICCR කලා ශිල්පීන් ඔඩිසි (නම්රතා මෙහ්තා සහ ඇගේ කණ්ඩායම වන සිද්ධි වෛකාර්, නමහා මසූම්දාර්, අනුරාධා සාංඝ්වි සහ ධුරුවි ජයින්), කතකලි (රෙන්ජිෂ් නයිර්), මනිපුරි (පුර්බිතා මුකර්ජි) සහ සත්‍රිය (සතබ්දි බෝරා) යන නර්තනයන් ඉදිරිපත් කළ අතර ශ්‍රී ලංකාවේ ප්‍රවීණ නර්තන ශිල්පීන් විසින් භරතනාට්‍යම් (ධනුක දක්ෂිත් සමරවීර), මෝහිනියාට්ටම් (නිශාලි සිල්වා), කථක් (වෙරෝනිකා දසනායක) සහ කුචිපුඩි (තක්ෂයිනි කමලනාදන්) යන නර්තනයන් ඉදිරිපත් කරන ලදී.
හින්දු කාන්තා විද්‍යාලයේ සිසුවියන් විසින් ද ඉදිරිපත් කළ නර්තනයන් වලින් මෙම ප්‍රසංගය වඩාත් වර්ණවත් විය.
‘ශ්‍රිංගාර්’ ප්‍රසංගය නැරඹීම සඳහා ප්‍රවාහන සහ මහාමාර්ග සහ ජනමාධ්‍ය අමාත්‍ය බන්දුල ගුණවර්ධන, බුද්ධ ශාසන, ආගමික සහ සංස්කෘතික කටයුතු අමාත්‍ය විදුර වික්‍රමනායක සහ කෘෂිකර්ම සහ වැවිලි කර්මාන්ත අමාත්‍ය මහින්ද අමරවීර යන මහත්වරු, පාර්ලිමේන්තු මන්ත්‍රිවරු, රාජ්‍ය තාන්ත්‍රිකයන්, ඉන්දීය ඩයස්පෝරා සාමාජිකයන් සහ තවත් සම්භාවනීය අමුත්තන් රැසක් එක්විය.
ඉදිරි දින කිහිපය තුළ ඉන්දියානු නර්තන කණ්ඩායම දිවයින පුරා සංචාරය කරනු ඇති අතර මහනුවර, ගාල්ල, මඩකලපුව සහ යාපනය යන ප්‍රදේශවල ප්‍රසංග ඉදිරිපත් කරනු ඇත.
ලොව පුරා තරුණ පිරිස් අතර අතිශය ජනාදරයට පත් , ඇමෙරිකානු බෝයිස් ඇවනිව් (boyce avenue) සංගීත කණ්ඩායම මෙරටට පැමිණ තිබේ
ඊයේ (24) රාත්‍රියේ දී ඔවුන් කටුනායක ගුවන් තොටුපොළ වෙත පැමිණියහ.
ඔවුන් මෙලෙස පැමිණීම ඇත්තේ ශ්‍රී ලංකාවේ සංගීත ප්‍රසංගයක් පැවැත්වීම සදහා බව සඳහන්ය.
මෙරටට පැමිණි ඇමෙරිකානු බෝයිස් ඇවනිව් පිළිගැනීම සදහා ශ්‍රී ලංකාවේ ප්‍රසංගය සංවිධානය කරන පිරිසක්ද කටුනායක ගුවන් තොටුපොළ වෙත පැමිණි සිටියහ.
මෙම ප්‍රසංගය කොළඹ වෝටර්ස් ඒජ් හෝටලයේදී පැවැත්වීමට සැලසුම් කර ඇති අතර , මෙම ඇමෙරිකානු සංගීත කණ්ඩායම සමග ශ්‍රී ලංකාවේ බටහිර සංගීත කණ්ඩායම් 03 ක් එයට සහභාගී වීමට නියමිතය.
කලාත්මා හිටිහාමිගේ යන නමින්, අන්තර්ජාලයේ ප්‍රකටව සිටින තරුණිය තමන්ගේ ටික්ටොක් වීඩියෝවක් හරහා ඇති වූ ආන්දෝලනයක් පිළිබඳ පැහැදිලි කරමින් නිවේදනයක් පළ කර තිබේ.
ඒ මිලියන දෙකකට වැඩි පිරිසක් නැරඹූ, ප්‍රතිචාර 20,000කට වැඩි ප්‍රමාණයක් ලැබුණු සිය වීඩියෝවක් පිළිබඳ පැහැදිලි කරමිනි.
දින කිහිපයකට පෙර ඡායාරූපයක් සමඟ ඇය විසින් පළ කර තිබූ එම වීඩියෝවෙන් ඇය සිය ප්‍රේක්ෂකයන්ගෙන් ඉල්ලා තිබුණේ ප්‍රසිද්ධ පුද්ගලයන් පිළිබඳ තමන්ට ඇති අත්දැකීම් බෙදාගන්නා ලෙස. කෙසේ වෙතත්, ඇය වැඩිදුරටත් ඉල්ලා තිබුණේ තමන් දන්නා වඩාත් ආන්දෝලනාත්මක අන්දමේ කතා බෙදා ගන්නා ලෙසය.
කෙසේ වෙතත් එයට ප්‍රතිචාර ලෙස විශාල පිරිසක් ප්‍රකට පුද්ගලයන් පිළිබඳ බරපතල චෝදනා ඇතුළත් ප්‍රතිචාර දක්වා තිබුණි.
මේ පිළිබඳ කලාත්මා නිකුත් කළ ප්‍රකාශයේ සිංහල පරිවර්තනය පහතින්,
“මම කලාත්මා- ප්‍රසිද්ධ පුද්ගලයන්ගේ ඕපාදූප ගැන අන්තර්ජාලයේ වයිරල් ගිය තරුණිය මම.
මෙම සිදුවීම ගැන විවිධ කතා සහ අදහස් මම දැක්කා. ඒ නිසා මට මගේ අදහස බෙදාගන්න ඕනෑ. මම ඉතාම සතුටු වෙනවා, ඔබ මොහොතක් අරගෙන මේක කියවනවා නම්.
මම මුලින්ම මේ වීඩියෝව පළ කළ වෙලාවේ, මම ඕපාදූප ඇහුවේ නැහැ. මම ජාත්‍යන්තරයේ ගිය ටික්ටොක් ප්‍රවණතාවක් අනුව තමන් නොසිතූ ලෙස තමන්ට මුණගැහුණු ප්‍රසිද්ධ පුද්ගලයන් ගැන විමසුවා පමණයි. මුලින්ම ලැබුණු කමෙන්ට් කිහිපය ආදරණීයයි. ඒ අතරින් කෙනෙක් මාව කොත්තු කඩයක මුණගැසුණු කතාවකුත් බෙදාගෙන තිබුණා. මුලින්ම එය කිසිම හානියක් නැති, විනෝදබර දෙයක් වුණා.
එහෙත්, වීඩියෝවට අවධානය ලැබෙන විට තත්වය වෙනස් වුණා. පුද්ගලයන් විවිධ නම් සහ චෝදනා ඉදිරිපත් කරන්න ගත්තා. නිර්මාණකාරියක ලෙස මට වගකීමක් තිබෙනවා, හානිදායක ප්‍රතිචාර ඉවත් කිරීමට. මම මුලින්ම එහෙම කළා. එහෙත්, වීඩියෝවට අවදානය වැඩි වී 20,000කට වැඩි කමෙන්ට් ප්‍රමාණයක් ලැබෙද්දී ඒ සියල්ලට සමගාමීව නියාමනය කිරීම අසීරු වුණා.
කෙසේවෙතත් මම පුද්ගලිකව මෙයින් බලපෑමට ලක්වූවන්ගෙන් සමාව ඉල්ලුවා. මම මට කළ හැකි දේ කළා. එහෙත්, අන්තර්ජාලය තුළ පුද්ගලයන් කියන දේවල් මට පාලනය කළ නොහැකියි.
බොහෝ අය විමසන පැනය වන්නේ මම සියලුම ප්‍රතිචාර මකා නොදැම්මේ ඇයිද කියන එක. එහෙත්, එහි ඇති ඇතැම් චෝදනා සත්‍ය නම්? ඇතැම්විට සැබෑ වින්දිතයන් අන්තර්ජාලයේ ඉඩක් ඉල්ලා සිටින්නේ නම්? තමන්ගේ කතාව ඉදිරිපත් කරන්නට ඉඩකඩක් ඉල්ලා සිටින්නේ නම්?
එය කියන අතර, ප්‍රතිචාර අවකාශය දැන් පත්ව ඇති තත්වය සමඟ මා සිටගන්නේ නෑ. මම එහි කියා ඇති දේවල් ප්‍රවර්ධනය කරන්නේ, තහවුරු කරන්නේ හෝ ප්‍රතික්ෂේප කරන්නේ නැහැ.
මම දන්නවා මම වැරදි හේතු මත විශාල අවධානයක් ලබමින් සිටින බව. එහෙත් මේ වේදිකාව යහපත් අරමුණකට යොදාගනිමින් ඉදිරියට ගමන් කිරීමට මම බලාපොරොත්තු වෙනවා.”
දන්සල් සංවිධායකයන්ට දැනුම් දීමක්
අල්ලස් කොමිසමෙන් රනිල් පිටවෙයි (UPDATE)
