මෙම වර්ෂයට අදාළ දෙවන විදුලි ගාස්තු සංශෝධනය 22.5%ක් බව මහජන උපයෝගීතා කොමිසම මීට සුළු වේලාවකට පෙර නිවේදනය කලේය.
විශේෂ මාධ්ය හමුවක් පවත්වමින් එහි සභාපතිවරයා සඳහන් කර සිටියේ, ගෘහස්ත විදුලි ඒකකයක මිල රුපියල් 8 සිට 6 දක්වා අඩුකර ඇති බවය.
ඒ අනුව, ගෘහස්ත විදුලි ඒකක 30 – 60ත් අතර අගය රුපියල් 20 සිට රුපියල් 9 දක්වා අඩුකර ඇත.
එය 55% අඩුවීමකි.
මහජන උපයෝගීතා කොමිසම නිවේදනය කළේ, ඒකක 30ක් භාවිත කරන පාරිභෝගිකයෙකුගේ මාසික විදුලි බිල්පත් අගය මීට පෙර පැවති රුපියල් 390 සිට රුපියල් 280ක් දක්වා පහත දමා ඇති බවය.
ඒකක 60ක් භාවිත කරන පාරිභෝගිකයෙකුගේ මාසික විදුලි බිල්පත ඒ අනුව රුපියල් 1,140 සිට 700ක් දක්වා අඩුවී තිබේ.
ආගමික ස්ථානවල ද මීට සමගාමීව විදුලි බිල අඩුවෙන අතර ඒකක 90 දක්වා එක් ඒකකයක මිල රුපියල් 6ක් වේ.
————————————-
(පෙර පුවත : 2024 ජුලි 15 පෙ.ව. 9:17)
අඩුවෙන විදුලිය ගාස්තු පිළිබඳ දැනුම්දීම අද
අද (15) දිනයේ විදුලි ගාස්තු සංශෝධනය නිල වශයෙන් ප්රකාශයට පත් කරන බව ශ්රී ලංකා මහජන උපයෝගිතා කොමිෂන් සභාව පවසයි.
එහි සභාපති මහාචාර්ය මංජුල ප්රනාන්දු මහතා සඳහන් කළේ, විදුලි බල මණ්ඩලය යොමු කළ ගාස්තු සංශෝධන යෝජනාව, විදුලි බල මණ්ඩලය මගින් ලබාගත් දත්ත සහ මහජන අදහස් විශ්ලේෂණය කිරීමෙන් පසු විදුලිය ගාස්තු සංශෝධනය කරන බවය.
මේ සම්බන්ධයෙන් අද පෙරවරුවේ විශේෂ සාකච්ඡාවක් පැවැත්වෙන බවද ඔහු සඳහන් කළේ ය.
සභාපතිවරයා පැවසුවේ, අද පස්වරුව වන විට විදුලිය ගාස්තු සංශෝධනය ප්රකාශයට පත්කරන බවයි.
මේ අතර, විෂයභාර අමාත්ය කංචන විජේසේකර මහතා පසුගියදා පැවසුවේ, විදුලිය ගාස්තු 30% කින් පමණ පහළ දැමීමට කටයුතු කරන බවයි.
