Connect with us

පුවත්

අදානිගෙන් මොරගොඩට රෑ කෑමක් !

Published

on

මේ මස අගදී සිය ධූරයෙන් ධූරකාලය අවසන්වීමට නියමිත ඉන්දියාවේ ශ්‍රී ලංකා මහ කොමසාරිස් මිලින්ද මොරගොඩ මහතාට පසුගියදා ඉන්දියාවේ ප්‍රමුඛ සාමාගම් ජාලා දෙකක හිමිකරුවන් දෙදෙනෙකු විසින් රාත්‍රී ‌භෝජන සංග්‍රහ පවත්වා තිබේ.

ඒ අදානි සමූහ ව්‍යාපාරයේ සභාපති ගෞතම් අදානි හා හින්දුජා සමූහ යුරෝපයේ සභාපති ප්‍රකාශ් හින්දුජා යන ‌දෙදෙනා විසිනි.

අදානිගේ සමුගැනීමේ රාත්‍රී භෝජන සංග්‍රහය ඔහුගේ නිවසේදී පසුගිය සැප්තැම්බර් 05 වැනිදා පවත්වා ඇත.

ප්‍රකාශ් හින්දුජා සිය සමුගැනීමේ දිවා ‌භෝජන සංග්‍රහය දී ඇත්ත‌ේ මේ සතිය මුලදීය.

අවස්ථා දෙකේදීම, මහ කොමසාරිස් මොරගොඩ මෙම ඉහළ පෙළේ ව්‍යාපාරිකයන් දෙදෙනා සමඟ තමා පැවැත්වූ සමීප සම්බන්ධතා සිහිපත් කර අතර, ඔහු දිල්ලිහි සේවය කළ කාලය තුළ ඔවුන් ඔහුට ලබා දුන් සහය සඳහා ඔවුන්ට ස්තූතිය ද පුදකර තිබේ.

1988 දී ගෞතම් අදානි විසින් ආරම්භ කරන ලද, අදානි සමූහය ඉන්දියාවේ විශාලතම ව්‍යාපාරවලින් එකක් වන අතර එම ව්‍යාපාරවලට වරාය කළමනාකරණය, විදුලි බල උත්පාදනය සහ සම්ප්‍රේෂණය, පුනර්ජනනීය බලශක්තිය, පතල් කැණීම්, ගුවන් තොටුපළ මෙහෙයුම්, ස්වාභාවික වායු, ආහාර සැකසුම් සහ යටිතල පහසුකම් ඇතුළත් වේ.

හින්දුජා සමූහය යනු මෝටර් රථ, තෙල් සහ විශේෂිත රසායනික ද්‍රව්‍ය, බැංකු සහ මූල්‍ය සහ බලශක්තිය ඇතුළු අංශ එකොළහක් ඔස්සේ ක්‍රියාත්මක වන ප්‍රමුඛ පෙළේ ඉන්දියානු අන්තර් ජාතික සමූහ ව්‍යාපාරයකි. 

අශෝක් ලේලන්ඩ් (Ashok Leyland) මෝටර් රථ නිෂ්පාදන ආයතනය සතුවන්නේද ඔවුන්ටය.

මේ කණ්ඩායම් දෙකම ශ්‍රී ලංකාව තුළ සැලකිය යුතු ලෙස ආයෝජන සිදුකර ඇති අතර එම සමූහයන්වලට වත්මන් ඉන්දීය අගමැති නරේන්ද්‍ර මෝදි මහතාගෙන් විශාල සහයක් ලැබෙන බවද ප්‍රසිද්ධ රහසකි.

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved