Connect with us

පුවත්

අදානි රජයක්ද? ; සුළං විදුලි ව්‍යාපෘතිය අච්චාරු වෙයි

Published

on

ඉන්දියානු රජය සහ ශ්‍රි ලංකා රජය අතර ගනුදෙනුවක් සේ මවා පෙන්වමින් ඉන්දියාවේ අදානි සමාගමට ශ්‍රී ලංකාවේ උතුරු පළාතේ සුළං විදුලි ව්‍යාපෘතියක් ස්ථාපනය කිරිමට අවස්ථාව ලබා දිමේ නිතිවිරෝධි ක්‍රියාවලිය සම්බන්ධයෙන් මේ වනවිට පාර්ශව රැසක විරෝධතා එල්ල වී තිබේ. 

එම පාර්ශවයන් විසින් මුලිකවම ඉල්ලා සිටින්නේ එකි ගනුදෙනුවට අදාළ වන ගිවිසුම් මොනවාදැයි රටට හෙළිකරන ලෙසය.

ලෝක බැංකුව නිකුත් කළ නවතම වාර්තාවට අනුව ශ්‍රී ලංකා වෙරළ  තීර විදුලි ජනන හැකියාව මෙගාවොට් 56000ක් බවත් ඒ අතුරින් වැඩිම විදුලි ධාරිතාවක් නිපදවිය හැක්කේ මන්නාරම බොක්ක ආශ්‍රිත ප්‍රදේශ 2ක බවත් පෙන්වා දි ඇත.

ඊට අනුව මන්නාරම සහ පුනරීන් යන ප්‍රදේශවල සුළං බල විදුලි ජනන ව්‍යාපෘති ඉදි කිරිමට ඉන්දියාවේ අදානි සමාගමට ලබා දී ඇති අතර අදාළ ව්‍යාපෘති වල මුළු ආයෝජනය ඇමෙරිකානු ඩොලර් මිලියන 442 කි.

මෙම ව්‍යාපෘතිය ආරම්භ කිරීමට ප්‍රථම ශක්‍යතා අධ්‍යනයක් සිදුකිරිම සඳහාත් සහ ඒ සම්බන්ධ ඉදිරි පියවර ගැනීමට අවශ්‍ය මුලික කරුණු ද ඇතුලත් කර 2022 මාර්තු 11 වැනිදා එවකට ජනාධිපති ගෝඨාභය රාජපක්ෂ මහතා විසින් ඉදිරිපත් කල කැබිනට් පත්‍රිකාවකට ලද අනුමැතියෙන් පසුව අදාළ ගිවිසුමට අත්සන් කරන ලදි.මෙම ව්‍යාපෘතියට සම්බන්ධ වන අදානි ග්‍රීන් එනර්ජි ලිිටඩ් සමාගම ඉන්දියානු රජය විසින් ශ්‍රි ලංකා රජය වෙත හඳුන්වා දි ඇති බව 

එම කැබිනට් පත්‍රිකාවේ පැහැදිලිව සඳහන් කරුණකි.

එම කැබිනට් පත්‍රිකාවට යටතේ පසුගිය අගෝස්තු මස 14 වැනිදා තවත් කැබිනට් පත්‍රිකාව් මඟින් අවධාරණය කර ඇත්තේ ⁣එම ව්‍යාපෘතිය රජයකින් රජයකට(G to G)සේ සලකා බැලිය හැකි බවයි.

මෙලෙස G to G ව්‍යාපෘතියක් ලෙස අදාළ ව්‍යාපෘතිය ක්‍රියාත්මක කිරිමට ප්‍රධාන හේතුව වී ඇත්තේ ඊට නිත්‍යානුකූලභාවයක් ලබා දිමේ අවශ්‍යතාවයි.

ශ්‍රි ලංකාවේ පවතින විදුලිබල මණ්ඩල පණතට අනුව මෙවැනි ව්‍යාපෘතියක් ක්‍රියාත්මක කල හැක්කේ අකාර 02කින් පමණකි.

තරඟකාරි විවෘත ලන්සු කැඳීමේ ක්‍රියාවලියක් හරහා වඩා වාසි සගහත ආයතනයක් තෝරා ගැනීම ඉන් එක් ක්‍රමයක් වන අතර අනෙක් ක්‍රමය වන්නේ විදේශ රජයකින් ශ්‍රි ලංකා රජයට යෝජනා කිරිමයි.

එහෙත් තරඟකාරි ලන්සු කැඳවමින් වඩා වාසි සහගත ලෙස ක්‍රියාතිමක කිරිමට තිබු යෝජනාවක් කිසිදු ලන්සු කැඳීමකින් තොරව තනි සමාගමකට ලබා දිමේ කූට උපක්‍රමය වනුයේ රජයකින් රජයකට (G to G)) කරන යෝජනාවක් සේ සලකා අදානි ග්‍රීන් එනර්ජි සමාගමට අදාළ ව්‍යාපෘතිය ලබා දිමයි.

අදානි සමාගම ඉන්දිය රජය සේ සලකා ක්‍රියාකල හැකිද යන්න පිලිබඳව මේ වන විට පාර්ශව රැසකින් චෝදනා එල්ල වි තිබේ.

මූලාශ්‍රය – නිවුස් ෆස්ට්

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved