Connect with us

පුවත්

අද ඇරඹි සුව සේවක වැඩ වර්ජනයට වෘත්තිය සමිති 72ක් එකතු වෙලා

Published

on

වෛද්‍යවරුන්ට ලබාදුන් රුපියල් තිස්පන් දහසක දීමනාව තමන්ටද ලබාදෙන ලෙස ඉල්ලා සෞඛ්‍ය සේවාවේ වෘත්තිය සමිති 72ක සේවකයෝ අද (16) දිවයින පුරා රෝහල්වල වැඩවර්ජනයක නිරත වෙති.

මෙම වර්ජනය පිළිබඳ සාකච්ජා කිරීමට සෞඛ්‍ය ඇමැති රමේෂ් පතිරණ සෞඛ්‍ය වෘත්තිය සමිති සාමාජිකයින් හට අද (16) පෙරවරුවේ සාකච්ජාවක්ද ලබා දීමට එකඟ වී තිබේ.

මෙම වැඩවර්ජනය අද (16) උදෑසන 6.00ට සිට ආරම්භ කර ඇති අතර, ඇමැතිවරයා සමග පවත්වන සාකච්ජාවේදි ලබා දෙන ප්‍රතිචාර මත ඉදිරි පියවර ගැනීමට සැලසුම් කරන සෞඛ්‍ය වෘත්තිය සමිති පවසයි.

වර්ජනයට එක්වන සෞඛ්‍ය වෘත්තිය සමිති 72ක නිලධාරින්ගේ අත්සනින් සෞඛ්‍ය ඇමැති රමේෂ් පතිරණ වෙත පසුගියදා ලිපියක් යොමු කරමින් ඉල්ලා සිටියේ සමස්ත සෞඛ්‍ය කාර්ය මණ්ඩලය සඳහා රුපියල් තිස්පන් දහසේ දීමනාව ලබා දීම පිළිබඳ කඩිනම් සාකච්ජාවක් ලබා දෙන ලෙසයි.

ඒ අනුව සෞඛ්‍ය අමාත්‍යවරයා අද (16) පෙරවරු 11.00ට සාකච්ජාවක් ලබා දී ඇත.

ඒ සෞඛ්‍ය වෘත්තිය සමිති 72කට වෙන් වෙන් වශයෙනි .

එහෙත් සෞඛ්‍ය වෘත්තිය සමිති අවධාරණය කර සිටින්නේ වෘත්තිය සමිති හැත්තෑ දෙකේ නිලධාරින්ට එක්ව සාකච්ජාවක් ලබා දිය යුතු බවයි.

එසේ නොමැති වුවහොත් ඇමැතිවරයා කැඳවා ඇති සාකච්ජාව වර්ජනය කිරීමට වෘත්තිය සමිති සැලසුම්කර ඇත.

මෙම වෘත්තිය සමිති ක්‍රියාමාර්ගය සඳහා ජීව වෛද්‍ය ඉංජිනේරු සේවය , පරිපුරක වෛද්‍ය සේවාවට අයත් වෛද්‍ය රසායනාගාර විද්‍යාඥ , විකිරණ විද්‍යා තාක්ෂණවේදින් , ඖෂධවේදින් , භෞත චිකිත්සකයින් ,විකිරණ ප්‍රතිකාරවේදි , ශ්‍රවණවේදින් ඇතූළු සේවාවන්ද ,අතුරු වෛද්‍ය සේවාව අයත් මහජන සෞඛ්‍ය පරික්ෂකවරු ,පවුල් සෞඛ්‍ය නිලධාරිනියන් , ඖෂධ සංයෝජකයින් , අක්ෂි තාක්ෂණවේදින් , කීට විද්‍යා නිලධාරින් , පාසල් දන්ත චිකිත්සකවරුන් , දන්ත කාර්මික ශිල්පීන් , විද්‍යුත් නිකර්පණ රේඛණ ශිල්පීන් , විද්‍යුත් තන්තු රේඛණ ශිල්පීන් , සෞඛ්‍ය පරිපාලන නිලධාරින් , ආහාර සහ ඖෂධ පරීක්ෂකවරු ,මහජන සෞඛ්‍ය ක්ෂේත්‍ර නිලධාරින් සෞඛ්‍ය ගිලන්රථ රියදුරු සේවාව ,සුළු සේවක පාලක ,උපස්ථායක , අරක්කැමිවරුන් ,දුරකථන ක්‍රියාකරුවන් ,නිවාස පාලකවරුන් ,රසායනාගාර සේවකයින් සහ සෞඛ්‍ය සහායක සේවාවන්ට අයත් වෘත්තිය සමිති 72ක සමාජිකයෝ එක් වෙති .

එසේම රෝගීන් පත්වන දැඩි අපහසුතාවය සැළකිල්ලට ගනිමින් මෙම වෘත්තිය සමිති ක්‍රියාමර්ගය තුළදී සියලු පිළිකා රෝහල් ,මාතෘ රෝහල් , වකුගඩු රෝහල් ,මධ්‍යම ලේ බැංකුව , මානසික සෞඛ්‍ය විද්‍යාතනය යන ආයතන තුළ ස්වේච්ජා පදනම මත සේවා සැපයීමට කටයුතු කරන බවත් සියලුම රෝහල්වල හදිසි සහ අත්‍යාවශ්‍ය සේවා සැපයීමට කටයුතු කරන බවත් සෞඛ්‍ය වෘත්තිය සමිති සන්ධානය දැනුම් දෙයි.

පුවත්

“එක මන්ත්‍රීවරයෙක් පාර්ලිමේන්තුවට එන්නේ ගිලන් රථයක එල්ලිලා”

Published

on

By

වාහන නොමැතිකම හේතුවෙන් මතුවී ඇති ගැටලු සම්බන්ධයෙන් මන්ත්‍රීවරුන් රැසක් තමාට පැමිණිලි කර ඇති බව කතානායක මහින්ද යාපා අබේවර්ධන මහතා පවසයි.

ඔහු පවසන්නේ, වාහනයක් නොමැති නැගෙනහිර පළාතේ මන්ත්‍රීවරයකු බොහෝ අවස්ථාවල කොළඹට පැමිණෙන්නේ ගිලන් රථයක නැගී බවය.

මන්ත්‍රීවරයා රෝහල් බලධාරීන්ට අමතා කොළඹට එන ගිලන් රථයක නැගී පැමිණෙන බවත්, තවත් මන්ත්‍රීවරුන් පොදු ප්‍රවාහන සේවයෙන් කොළඹට පැමිණෙන බවත් කතානායකවරයා විසින් සඳහන් කරන ලදී..

මේ අතර තීරු බදු රහිත වාහන බලපත්‍රයක් ලබාදෙන ලෙසට මන්ත්‍රීවරුන් කළ ඉල්ලීම ජනාධිපතිවරයාට මේ සතියේ භාර දෙන බවද ඔහු පැවසීය.

තමන්ට තීරු බදු රහිත වාහන බලපත්‍රයක් ලබාදෙන ලෙසට ආණ්ඩු පක්ෂයේ සහ විපක්ෂයේ මන්ත්‍රීවරු 116 දෙනෙක් සංදේශයක් භාරදෙමින් කතානායකවරයාගෙන් පසුගියදා ඉල්ලීමක් කර තිබුණි..

එම ඉල්ලීමට පාර්ලිමේන්තු ගෘහ කාරක සභාවේ අනුමැතිය දැනටමත් පළවී තිබේ.

Continue Reading

පුවත්

අහුංගල්ල පුද්ගල ඝාතනයට සම්බන්ධ සැකකරුවෙකු වැලිඔයේදී අත්අඩංගුවට

Published

on

By

අහුංගල්ල, ලෝකන්වත්ත ප්‍රදේශයේදී පසුගිය 08 වනදා පුද්ගලයෙකු වෙඩි තබා ඝාතනය කිරීමට සම්බන්ධ සැකකරුවෙකු පොලිස් විශේෂ කාර්ය බලකාය මගින් අත්අඩංගුවට ගෙන තිබේ.

ඒ, වැලිඔය වෙහෙරතැන්න, බෝගස්වැව ප්‍රදේශයේදීයි.

පොලිස් මාධ්‍ය ප්‍රකාශක කාර්යාලය ප්‍රකාශ කරන්නේ, පොලිස් විශේෂ කාර්ය බලකායේ වව්නියාව කඳවුරේ නිලධාරීන් කණ්ඩායමක් විසින් සැකකරු අත්අඩංගුවට ගත් බවයි.

අත්අඩංගුවට ගත් සැකකරු 23 හැවිරිදි වෙහෙරතැන්න බෝගස්වැව ප්‍රදේශයේ පදිංචිකරුවෙකි.

සැකකරු අදාළ වෙඩි තැබීමේ සිද්ධියේ යතුරුපැදියේ පැදිකරු ලෙස කටයුතු කර ඇති බව විමර්ශනවලදී අනාවරණ වී ඇත.   

සබැඳි පුවත්

Continue Reading

පුවත්

පොහොට්ටු කාර්යාලය ඉදිරිපිට උණුසුම් තත්ත්වයක්

Published

on

By

පාර්ලිමේන්තු මාර්ගයේ සිට ගමනකින් පැමිණි පිරිසක් නෙළුම් මාවතට ඇතුළු වීමට උත්සාහ දැරීමත් සමගයි මෙම  උණුසුම් තත්ත්වය ඇතිව තිබේ.

“රට වනසන පනත් පරාජය කරමු” මැයෙන් සංවිධාන කිහිපයක් එක්ව පාර්ලිමේන්තුව අසළ සිට ශ්‍රී ලංකා පොදුජන පෙරමුණේ නෙළුම්මාවත පරිශ්‍රය දක්වා විරෝධතා පාගමනක් පැවැත්විණි.

නෙළුම්මාවතට ඇතුළුවන මාර්ගය අසළදී පොලිසිය ඔවුන්ට බාධා කිරීමත් සමග උණුසුම්කාරී තත්ත්වයක් හටගැනීම සිදුවිය.

පොදුජන පෙරමුණු කාර්යාලයේ කිහිප දෙනෙකු සහ ඩෑන් ප්‍රියසාද් ද එම ස්ථානයට පැමිණීමත් සමග විරෝධතාකරුවන් ඔවුන්ට ද විරෝධය පළකර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved