චිකුන්ගුන්‍යා බෝවන රෝග ගණයට අයත් නොවන නිසා එම රෝගය පැතිර යන ප්‍රදේශ හඳුනා ගැනීමට සහ නිවාරණ කටයුතු සිදු කිරීමට බාධාවක් වී ඇතැයි ශ්‍රී ලංකා මහජන සෞඛ්‍ය පරීක්ෂක සංගමයේ සභාපති උපුල් රෝහණ සඳහන් කරයි.

ඔහු මේ බව ප්‍රකාශ කළේ ඊයේ (01) පැවැති මාධ්‍ය හමුවක දී ය.

සභාපතිවරයා මෙසේ ද කීවේය.

චිකුන්ගුන්‍යා රෝගීන් දිවයිනේ විවිධ ප්‍රදේශවලින් වාර්තා වන බවට අවිධිමත් තොරතුරු තිබෙනවා. කොළඹ මහ නගර සභාවේ සෞඛ්‍ය වෛද්‍ය නිලධාරී කොට්ඨාස කීපයක අධික ලෙස රෝගීන් වාර්තා වන බව අපිට නිරීක්ෂණය වෙලා තිෙයනවා. නමුත් චිකුන්ගුන්‍යා කියන්නේ නීරෝධායන ආඥා පනත යටතේ බෝ වන රෝගයක් ලෙස දැනුම් දිය යුතු රෝගයක් නෙමෙයි. කිසියම් බෝ වන රෝගයකින් පෙළෙන රෝගියකු තමන් වෙත පැමිණියහොත් එම අය නිවාරණ අංශ වෙත යොමු කිරීමට වෛද්‍යවරුන් කටයුතු කළ යුතුයි. නමුත් චිකුන්ගුන්‍යා රෝගීන් සම්බන්ධයෙන් එවන් ක්‍රියාදාමයක් මේ වන තුරු සිදු වෙලා නෑ. ඒ නිසා තමයි නිවාරණ අංශවලට චිකුන්ගුන්‍යා රෝගය පැතිර යාම සම්බන්ධයෙන් නිසි ‍තොරතුරු ලබා ගැනීමට නොහැකි වී තිබෙන්නේ.

කෙසේ වෙතත් මීට දින කීපයකට පෙර වසංගත රෝග විද්‍යා අංශය රෝහල්වලට ලිඛිතව දැනුම් දීලා තිබෙනවා ප්‍රතිකාර සඳහා පැමිණෙන යම් අයකු චිකුන්ගුන්‍යා රෝගියකු ලෙස හඳුනා ගත්තොත් ඒ සම්බන්ධයෙන් නිවාරණ අංශය දැනුවත් කරන ලෙස. නමුත් තවමත් විධීමත් ලෙස තොරතුරු නොලැබීම නිසා කුමන ප්‍රදේශවල චිකුන්ගුන්‍යා රෝගය ව්‍යාප්ත වෙමින් තිබෙන බවද යන්න සම්බන්ධයෙන් නිගමනයකට එළැඹීමට අපට නොහැකි වී තිබෙනවා.

ඒ කෙසේ වෙතත් විධිමත් ක්‍රමවේදයක් නොමැති වුවත් ඩෙංගු මදුරුවන් පාලනය කිරීම සඳහා භාවිත කරමින් නිවාස පරීක්ෂා කිරීම් සහ මදුරු ඝනත්වය අවම කිරීම සඳහා අවශ්‍ය කටයුතු බිම් මට්ටමේ සෞඛ්‍ය නිලධාරීන් මේ වන විට සිදු කරමින් සිටිනවා.

(අරුණ)

ජාතික ජනමාධ්‍ය ප්‍රතිපත්තියක් සකස් කිරීමේ වගකීම ජනමාධ්‍ය ක්ෂේත්‍රයේ ප්‍රවීණයින්, විද්වතුන් හා මාධ්‍ය සංවිධාන වෙත පැවරෙන බව ජනමාධ්‍ය අමාත්‍යාංශය විසින් නිවේදනයක් නිකුත් කරමින් කියා සිටී.

ඊට පහසුකම් සැලසීම පමණක් ජනමාධ්‍ය අමාත්‍යාංශය විසින් සිදු කරන බවද එම නිවේදනයේ වැඩිදුරටත් සඳහන් වේ.

සම්පූර්ණ නිවේදනය පහත දැක්වේ.

BRICS සම්මුතිය සමග එක්වීමට උනන්දුවක් දක්වන්නේ නම් රටක් ලෙස ශ්‍රී ලංකාව ඊට ප්‍රායෝගිකව පියවර ගත යුතු බව ශ්‍රී ලංකාවේ රුසියානු තානාපති ලෙවාන් ජගර්යාන් මහතා පවසයි.

කොළඹදී ඊයේ පැවති විශේෂ සමුළුවක ප්‍රශ්නෝත්තර වටයේදී ඔහු මේ බව කියා සිටියේය.

“ජාත්‍යන්තර නීතීය තුළ බලය යෙදවීම රුසියානු කෝණයෙන්” යන විශේෂ සම්මන්ත්‍රණයක් කොළඹ බණ්ඩාරනායක ජාත්‍යන්තර අධ්‍යයන මධ්‍යස්ථානයේදී ඊයේ පැවැත්වුණි.

එහිදී  මාධ්‍යවේදීයෙකු විසින් ශ්‍රී ලංකාව BRICS සමග සම්බන්ධ වෙන්නේ කවදාදැයි විමසා සිටියේය.

ශ්‍රී ලංකාවේ රුසියානු තනාපති ලෙවාන් ජගර්යාන් මහතා – “මේ ප්‍රශ්නය මගෙන් කිහිප සැරයක්ම අහලා තියෙනවා.මම පසුගිය වසරේ ඔක්තෝබර් මාසයේ 01 වැනිදා ජනාධිපති අනුර කුමාර දිසානායක මහතා හමුවෙන්න ගියා රුසියානු ජනාධිපතිතුමාගේ ආරාධනා පත්‍රයකුත් අරගෙන BRICS සමුළුවට සහභාගී වෙන්න කියලා. මම භාෂා පරිවර්තක සමඟ තමයි කතා කළේ. මම දන්නේ නෑ එයා හරියට පරිවර්තනය කළාද කියලා.ජනාධිපතිවරයා මට කිව්වා මහ මැතිවරණය පැවැත්වෙන නිසා ඔහුට රුසියාවට එන්න වෙන්නේ නැහැ කියලා. BRICS සමඟ සම්බන්ධ වෙනවා නම් රුසියාවෙන් විතරක් නෙවෙයි සාමාජික රටවල් සියලුදෙනාගේ සම්මුතියක් තියෙන්න ඕනේ සහ ඒකට පියවර ගණනාවක් තියෙනවා.”

“රුසියාව,චීනය ශ්‍රී ලංකාවට සහයෝගය දෙනවා නමුත් ඒක කරන්න ඉතින් ඔබගේ පැත්තෙනුත් උනන්දුවක් තියෙන්නේ ඕනේ.එහෙම උනන්දුවක් තියෙනවාද? මට නම් දැනෙන්නේ නැහැ.කරුණාකරලා ප්‍රායෝගික පියවර ටිකක් ගන්න. තව දෙයක් ෂැංහයි සහයෝගිතා සංවිධානය ගැනත් ටිකක් අවධානය දෙන්න කියලා ඔබේ රටට කියනවා.”

මාධ්‍යවේදියා – වසර 3ක පමණ සිට යුක්‍රේනයේ කලාප කිහිපයක රුසියාව සිය අණසක පැතිරවූවා. ඒ කලාපවල අනාගතය කුමක්ද?

“ශ්‍රී ලංකාවේ රුසියානු තනාපති – රුසියානු ව්‍යවස්ථාවට අනුව ඩොනෙස්ක්,ලොහාන්ස්ක්,කර්ෂෝන් සහ සපොරෂියා කලාපය අයිති වෙන්නේ රුසියාවට. යුක්‍රේන හමුදාව සමහර තැන්වල ඉන්නවා ඒ අය ඉවත්විය යුතුයි. ඒ කලාප පිළිබඳ අපි සාකච්ඡා කරන්නේ නැහැ, විශේෂයෙන් ඒවා යළි ලබාදීම පිළිබඳව සාකච්ඡා කරන්නේ නැහැ.”

මූලාශ්‍රය  – අද දෙරණ