Connect with us

පුවත්

අපරාධ විමර්ශනයේ උන් පොලිසියේම කම්බහොරු 4ක් ගැන පරීක්ෂණ

Published

on

රෙදිපිළි මිලදී ගැනීමට ඉන්දියාවට ගොස් නැවත මෙරටට පැමිණි කාත්තාවක් ඇතුළු තිදෙනෙක් කටුනායක ගුවන් තොටුපොළේ සිට ගමන් කරමින් සිටි වෑන් රථයක් පසුපස හඹාගෙන ගොස් එහි සිටි කාන්තාව ඇතුළු පිරිස අත්අඩංගුවට ගෙන ඔවුන් සතුව තිබුණු රුපියල් ලක්ෂ 40කට ආසන්න වටිනාකමක් ඇති විදෙස් මුදල් සහ රන් භාණ්ඩ තොගයක් කොල්ලකෑ බව කියන කැලණිය කොට්ඨාස අපරාධ විමර්ශන කාර්යාංශයේ නිලධාරීන් සිවුදෙනෙකු අත්අඩංගුවට ගැනීමට විශේෂ පොලිසිය පරීක්ෂණයක් ආරම්භ කර තිබේ.

උප පොලිස් පරීක්ෂකවරයෙක්, සැරයන්වරයෙක් සහ කොස්තාපල්වරු දෙදෙනකු මෙසේ අත්අඩංගුවට ගැනීමට විමර්ශන පැවැත්වෙන අතර, පෙරේදා (10) සිට ඔවුන්ගේ වැඩ තහනම් කිරීමට ද පියවර ගෙන ඇත.

මෙම මංකොල්ලය ගැන පැමිණිල්ල ලැබී ඇත්තේ බස්නාහිර පළාත් උතුරු දිසා නියෝජ්‍ය පොලිස්පති රොහාන් ප්‍රේමරත්න මහතාටය.

ඒ සම්බන්ධයෙන් විමර්ශනයක් පවත්වන ලෙස ඔහු කැලණිය කොට්ඨාසය භාර ජ්‍යෙෂ්ඨ පොලිස් අධිකාරි ඒ. ජේ. වයි. ඩී. ක්‍රිෂාන්ත මහතාට පවරා තිබේ.

ඒ අනුව කළ විමර්ශනයේදී හෙළිවී ඇත්තේ පසුගිය 09 වැනිදා රාත්‍රී කාලයේදී කොට්ඨාස අපරාධ විමර්ශන කාර්යාංශයේ උප පොලිස් පරීක්ෂකවරයෙක් ඇතුළු සිවුදෙනෙකුගෙන් සමන්විත නිලධාරීන් කණ්ඩායමක් පුද්ගලික වෑන් රථයකින් ගොස් මෙම අපරාධය සිදු කර ඇති බවය.

ප්‍රශ්න කිරීම් හමුවේ එම නිලධාරීන් පවසා ඇත්තේ නීති විරෝධී ලෙස ඉන්දියාවේ සිට රන් භාණ්ඩ සහ විදෙස් මුදල් මෙරටට රැගෙන එන ජාවාරමක් ගැන තොරතුරක් ලැබී එය පරීක්ෂා කිරීමට කටුනායක ප්‍රදේශයට ගිය බවය.

ඒ සම්බන්ධයෙන් ඔවුන් සිය උසස් නිලධාරීන් දැනුවත් කර එම වැටලීමට කිසිදු අවසරයක් ලබාගෙන තිබී නැති බව ද විමර්ශනයේදී පෙනී ගොස් ඇත.

මෙම නිලධාරින්ගේ ඉලක්කය බවට පත්ව තිබී ඇත්තේ ඉන්දියාවේ සිට පැමිණෙන පිරිසකි.

ඒ අය වෑන් රථයක නැඟී කටුනායක සිට කොළඹ බලා ගමන් කරමින් සිටියදී එම වෑන් රථය පිටුපස පොලිස් නිලධාරීන් ගමන් කරමින් සිටි වෑන් රථය හඹා ගොස් ජා-ඇල ප්‍රදේශයේදී වෑන් රථය නතර කර ඇති බවද ඒ සම්බන්ධයෙන් කෙරෙන විමර්ශනවලින් අනාවරණය වී ඇත.

වෑන් රථය තුළ ඒ වන විට රැඳී සිට ඇත්තේ කොළඹ 13 කදිරේෂන් වීදියේ පදිංචිකරුවෙක්, දෙහිවල පුද්ගලයෙක් සහ වාරියපොළ පදිංචි කාන්තාවක් පමණි.

ප්‍රශ්න කිරීම් හමුවේ ඔවුන් පවසා ඇත්තේ රෙදිපිළි රැගෙන ඒමට ඉන්දියාට ගොස් මෙරටට පැමිණ නවාතැන්පොළ වෙත යමින් සිටින බවය.

ඉන්දියාවට නිතර යන එන ඔවුන් නීති විරෝධී ජාවාරම්වල නිරතව සිටින පිරිසකි.

ඒ බව හඳුනා ගැනීමෙන් පසු පොලිස් කණ්ඩායම ඔවුන් තිදෙනාව අත්අඩංගුවට ගෙන පෑලියගොඩ පොලිස් ස්ථානය වෙත රැගෙනවිත් ඇත.

අනතුරුව ඔවුන් සම්බන්ධයෙන් පොලිස් පොත්වල කිසිදු සටහනක් නොතබා ඔවුන් භාරයේ තිබී පොලිස් නිලධාරීන් විසින් ලබාගත් විදෙස් මුදල් සහ රන් භාණ්ඩ තොගයක් නැවත ලබා දී මුදාහැරීමට පියවර ගෙන ඇත්තේ ද කිසිදු උසස් නිලධාරියෙකුගෙන් උපදෙස් ලබා ගැනීමකින් තොරවය.

මෙදින රාත්‍රී කාලයේ මෙසේ පොලිස් භාරයෙන් නිදහස් වූ ඔවුන් පසුදින බස්නාහිර උතුරු දිසාව භාර නියෝජ්‍ය පොලිස්පති රොහාන් ප්‍රේමරත්න මහතා හමුවී පැමිණිල්ලක් කරමින් ඔවුන් සඳහන් කර ඇත්තේ පොලිස් නිලධාරීන් විසින් තමන්ගේ කණකර ගලවාගෙන මුදු 06ක් සහ වළලු 04ක් අඩුවෙන් ලබා දුන් බවය.

ඒ හැරුණු කොට තමන් සතුව තිබුණු අමෙරිකානු ඩොලර් 3800ක මුදලක් ද පොලිස් නිලධාරීන් ලබා නොදුන් බවද ඔවුන් සිය පැමිණිල්ලෙහි සඳහන් කර තිබේ.

ඒ සම්බන්ධයෙන් විමර්ශනයක් මේ වන විට ආරම්භ කර ඇත්තේ එම පැමිණිල්ල පදනම් කරගෙනය.

Continue Reading

පුවත්

ග්‍රාමීය සංවර්ධනයට රජයෙන් බිලියන 20 ක්

Published

on

By

ග්‍රාමීය ජනතාවට අවශ්‍ය පහසුකම් සැලසීමට මෙන්ම අඩු ආදායම්ලාභී පවුල්වල ජීවන තත්ත්වයන් නංවාලීමේ ව්‍යාපෘති රැසක් ඉදිරි මාස කිහිපය තුළ ක්‍රියාත්මක කිරීමට රජය සැලසුම් කර ඇත.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසන්නේ, එම වැඩ කටයුතු සඳහා රජය විසින් රුපියල් බිලියන 20.6ක මුදලක් වැය කිරීමට පියවර ගන්නා බවට ජනාධිපති රනිල් වික්‍රමසිංහ මහතා අමාත්‍ය මණ්ඩලය දැනුම්වත් කළ බවය.

මේ හේතුවෙන්, හැකි තරම් නව කෘෂිකාර්මික ව්‍යාපෘති සකසන්නැයි අමාත්‍යවරයා විසින්  නිලධාරීන්ට උපදෙස් ලබා දී තිබේ.

එම කෘෂිකාර්මික ව්‍යාපෘති ගම්මානවල ගොවි ජනතාවගේ ආදායම් තත්ත්වයන් ඉහළ නැංවීම, ඔවුන්ගේ යටිතලපහසුකම් සංවර්ධනය සහ නව කෘෂි තාක්ෂණය ඉලක්ක කර ගනිමින් සකසන ලෙසද මෙහිදී මහින්ද අමරවීර අමාත්‍යවරයා උපදෙස් දී ඇති බව සඳහන්ය.

කෘෂිකර්ම හා වැවිලි කර්මාන්ත අමාත්‍යාංශයේදී පැවති සාකච්ඡාවක් අමතමින් අමාත්‍යවරයා මෙම උපදෙස් ලබා දී ඇත.

Continue Reading

පුවත්

“ආර්ථික පරිවර්තන පනත ඉතා භයානකයි”

Published

on

By

ආණ්ඩුව පාර්ලිමේන්තුවට ඉදිරිපත් කර ඇති ආර්ථික පරිවර්තන පනත ඉතා භයානක ප්‍රතිඵල ගෙන දෙන පනතක් යයි පාර්ලිමේන්තු මන්ත්‍රී මහාචාර්ය ජී.එල් පීරිස් මහතා කොළඹ අද (27) පැවති මාධ්‍ය හමුවකදී පැවසීය.

මේ වන විට පවතින්නේ ජනවරමක් රහිත පාර්ලිමේන්තුවක් බැවින් එමගින් මෙවැනි පනතක් සම්මත කර ගැනීම ඉතා භයානක බවද මහාචාර්යවරයා කීය. 

මන්ත්‍රීවරයා වැඩිදුරටත් කියා සිටියේ රජය ලාභ ලබන ආයතන ලහි ලහියේ විකුණා දැමීමට අවශ්‍යය පිඹුරුපත් කඩිනමින් සකස් කරන බව දැනගන්නට ලැබී ඇති බවය

ජනතා ගැටලු විසඳීම සඳහා අභිනව පාර්ලිමේන්තුවක අවශ්‍යතාවය  වර්තමාන සමාජය තුළින් පිළිබිඹු වන බව කී ඒ මහතා තරුණ පරපුර ඇමතීම සියලු පක්ෂ නායකයින්ගේ යුතුකම බවත් අනාගතයේ ජීවනාලිය  ඔවුන් බවඅමතක නොකළ යුතු යයිද සඳහන් කළේය

වත්මන් ආණ්ඩුව  මැතිවරණවලට දක්වන බිය සුළු බව හේතුවෙන් මුදල් නොමැති යැයි පවසා මැතිවරණ කල් දැමීමට අර  අඳිමින් සිටින බව පැවසූ මහාචාර්යවරයා ඒ සඳහා නොයෙකුත් උපක්‍රම යොදමින් සිටින බවද පැවසීය

පළමුව පැවැත්වෙන්නේ පාර්ලිමේන්තු මැතිවරණයද ජනාධිපතිවරණයද යන්න ගැන ජනතාව කිසියම් කුතුහලයකින් පෙළෙන බව පැවසූ මන්ත්‍රීවරයා ආණ්ඩුක්‍රම ව්‍යවස්ථාවට අනුව ජනාධිපතිවරණය අනිවාර්යයෙන්ම පැවැත්විය යුතු බව සඳහන් කළේය

Continue Reading

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved