Connect with us

පුවත්

අරලිය හෝල්ඩිංග්ස් කෝටි ගණනක පොලු තියා ඔෆිස් එකත් අකුලන් ගිහින්

Published

on

අරලිය හෝල්ඩිංග්ස් ලංකා පුද්ගලික සමාගම නමින් නොම්බර 911/5, උඩවත්ත පාර, මාලබේ යන ලිපිනයේ පවත්වාගෙන ගිය නිවාස ඉදිරිකීමේ සමාගමක් රුපියල් කෝටි ගණනක වංචාවක් සිදුකර අදාළ කාර්යාලයද රැගෙන අතුරුදහන්වීමේ පුවතක් වාර්තා වේ.

මේ සිද්ධිය සම්බන්ධයෙන් මේවන විට මිරිහාන ‌පොලිසියට පැමිණිලි 10කට වැඩි ප්‍රමාණයක් ලැබී තිබේ.

ඩී.යූ. ක්‍රිෂාන්ත ලක්රුවන් සිරිසේන නැමැත්තෙකු විසින් මේ ආයතනය පවත්වාගෙන ‌ගොස් ඇති අතර ‌අදාළ පුද්ගලයාගේ මෙම නම ව්‍යාජ නමක් බව පොලිස් මූලික පරීක්ෂණ වලින් හෙළිව ඇත.

මෙම පුද්ගලයාගේ නේවාසික ලිපිනය ලෙස ලබා දී ඇත්තේතේනොම්බර 28, ලෙක් ඩ්‍රයිව්, රජ පිහිල්ල මාවත, මහනුවර ලෙසය.

ඔවුන් ෆ‌ේස්බුක් ඔස්ස‌ේ ලක්ෂ 85 කට කාමර තුනක් හා නානකාමරයක් සහිත නිවසක් තනා දීමට මූලික ගෙවීම ලෙස රුපියල් ලක්ෂ 30ක් පමණක් ලබා දෙන්නැයි කියමින් හා නිවාස ගෙවීමේ ක්‍රමයට ලබාදෙන බව පවසමින් දැන්වීම් පලකරමින් මේ වංචාව සිදුකර තිබේ.

එසේම ඉතිරි මුදල් ගවෙීම සදහා වසරකට 12% ක පොලිය යටතේ ණය ලබාදෙන බවද ඔවුන් පවසා තිබේ.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved