Connect with us

පුවත්

අර්ජුන වැඩ අල්ලයි අතුරුකමිටුවක් ඉල්ලයි : LPL වටලත් බාල්දියක්

Published

on

ලබන දෙසැම්බර් 06 වැනිදා සිට ආරම්භ කිරීමට සැලැසුම්කර ඇති ලංකා ප්‍රිමියර් ලීග් විස්සයි විස්ස ක්‍රිකට් තරගාවලිය සහ ඉදිරියේදී පැවැත්වීමට යෝජිත ‘ටී 10’ ක්‍රිකට් තරගාවලිය අවලංගු කරන ලෙස ඉල්ලා ජාතික ක්‍රීඩා සභාව විසින් ක්‍රීඩා අමාත්‍යවරයා වෙත යෝජනාවක් ඉදිරිපත්කර ඇතැයි වාර්තා වේ.

ජාතික ක්‍රීඩා සභාව විසින් අදාළ යෝජනාවන් ඊයේ (10) ක්‍රීඩා අමාත්‍යවරයා වෙත ඉදිරිපත්කර ඇති අතර ශ්‍රී ලංකා ක්‍රිකට් පරිපාලනයට අතුරු කමිටුවක් පත්කරන ලෙසටද එහිදී ඉල්ලා ඇති බව පැවසේ.

එම යෝජනාවන් සම්බන්ධයෙන් ක්‍රීඩා සභාවේ වගකිව යුතු නිලධාරීන් සමග අද (11 ) පැවැත්වෙන සාකච්ඡාවකින් අනතුරුව අවසන් තීරණයකට එළැඹෙන බව ක්‍රීඩා අමාත්‍ය රොෂාන් රණසිංහ මහතා මාධ්‍යට පවසා තිබේ.

‘‘ලංකා ප්‍රිමියර් ලීග් තරගාවලියත්, ටී 10 තරගාවලියත් අවලංගු කරන මෙන් ඉල්ලා ජාතික ක්‍රීඩා සභාවෙන් යෝජනා ඇවිත් තිබෙනවා. උද්ගත වෙලා තිබෙන අර්බුදකාරී තත්ත්වයත් එක්ක ඒ සම්බන්ධයෙන් ක්‍රීඩා කවුන්සිලයත්, තේරීම් කමිටුවත් සමග සාකච්ඡා කරලා අවසන් තීරණයකට එන්න බලාපොරොත්තු වෙනවා’’යැයි ක්‍රීඩා අමාත්‍යවරයා වැඩිදුරටත් මාධ්‍යට පවසා ඇත.

අතුරු කමිටුව ඩොලර් කොල්ලයකටයි!

මේ අතර ශ්‍රී ලංකා ක්‍රිකට් අභ්‍යන්තර ආරංචි මාර්ගවලින් වාර්තා වන්නේ
ලංකා ප්‍රිමියර් ලීගය පැවැත්වීමට මේවන විට සියල්ල සූදානම් කර ඇති බවයි.

තරගාවලිය අත්හැරියහොත් ඉන් ඩොලර් මිලියන 2ක පාඩුවක් සිදුවන බවද මේ අතර වාර්තා වේ.

එසේම නම හෙළි නොකළ ශ්‍රී ලංකා ක්‍රිකට් ආයතනයේ විධායක නිලධාරියකු අරුණ පුවත්පත වෙත මෙසේ පවසා තිබේ.

“මේ තරගාවලිය වෙනුවෙන් ලංකාවට පැමිණීමේ අදහසින් සිටින විදේශිකයන් ලංකාවට එන්නේ නැති වෙයි. ධනුෂ්ක ගුණතිලකට ඇතිවූ සිද්ධිය සම්බන්ධයෙන් මෙවැනි දේවල් කරන්න හදනවා නම්, ඒ සිද්ධියෙයි, තරගාවලි අවලංගු කිරීමෙයි ඇති සම්බන්ධය කුමක්ද? ශ්‍රී ලංකා ක්‍රිකට් සතුව මේ වන විට ඇමරිකානු ඩොලර් මිලියන 40ක සංචිතයක් තියෙනවා. යම් අයෙක් ශ්‍රී ලංකා ක්‍රිකට් වෙත අතුරු කමිටුවක් දාන්න හදන්නේ ඒකේ තියෙන සල්ලි කොල්ලකන්න. අපි ඒ බව අයි.සී.සී.යටත් දැනුවත් කරලා තියෙන්නේ.

යම් හෙයකින් ශ්‍රී ලංකා ක්‍රිකට් වෙත අතුරු කමිටුවක් දැම්මොත් අනිවාර්යයෙන් ශ්‍රී ලංකා ක්‍රිකට් අන්තර්ජාතික වශයෙන් තහනමකට ලක් වෙනවා’’

ජාතික ක්‍රීඩා සභාවේ සභාපති ලෙස අර්ජුන රණතුංග මහතා කටයුතු කරන අතර ඔහු දේශපාලනයට සම්බන්ධවන සෑම අවස්ථාවකදී ශ්‍රී ලංකා ක්‍රිකට් ආයතනයේ බලය අත්පත් කර ගැනීමට උත්සාහ කිරීම පසුගිය කාලය පුරාම දක්නට ලැබිණි.

Continue Reading

පුවත්

බොරු මැණික් විකිණීමට ගිය 6ක්  අත්අඩංගුවට

Published

on

By

නිධානයකින් ලබාගත් ලද බවට පවසමින් ව්‍යාජ මැණික්ගල් පෙන්වා මුදල් වංචා කිරීමට තැත්කළ කාන්තාවක් ඇතුළු සැකකරුවන් 06 දෙනෙකු අත්අඩංගුවට ගෙන තිබේ.

ඊයේ (25) දහවල් කාලයේදී කටුගස්තොට පොලීසියට ලද තොරතුරක් මත කටුගස්තොට නගරයේදී එම සැකකරුවන් අත්අඩංගුවට ගෙන ඇත.

අත්අඩංගුවට ගත් සැකකරුවන් අවුරුදු 35 හා 51 අතර වයස්වල පසුවන හෙයියන්තුඩුව, ගාල්ල, හිනිදුම සහ ඇතුල්කෝට්ටේ ප්‍රදේශවල පදිංචිකරුවන් වන අතර සැකකාරිය හබරකඩ ප්‍රදේශයේ පදිංචි 35 හැවිරිදි කාන්තාවකි.

මෙම සැකකරුවන් ව්‍යාජ මැණික්ගල් තැරැවුකරුවන් මාර්ගයෙන් ගැණුම්කරුවෙකු සම්බන්ධකර විකිණීම සඳහා ගාල්ල, නෙළුව ප්‍රදේශයේ සිට කටුගස්තොට ප්‍රදේශයට පැමිණ ඇත.

තරැවුකරුවන් විසින් මෙම මැණික්ගල් ව්‍යාජ මැණික්ගල් බවට අනාවරණය කරගෙන ඒ සම්බන්ධයෙන් කටුගස්තොට පොලීසිය දැනුම්වත් කිරීමෙන් පසු සැකකරුවන් අත්අඩංගුවට ගෙන තිබේ.

සැකකරුවන් හා සැකකාරිය ඊයේ (25) මහනුවර මහෙස්ත්‍රාත් අධිකරණය වෙත ඉදිරිපත් කිරීමෙන් පසු හෙට (27) දක්වා රක්ෂිත බන්ධනාගාර ගත කර ඇති අතර කටුගස්තොට පොලීසිය වැඩිදුර විමර්ශන සිදුකරයි.

Continue Reading

පුවත්

තද සුළං ගැන අනතුරු ඇඟවීමක්

Published

on

By

කාලගුණවිද්‍යා දෙපාර්තමේන්තුව විසින් තද සුළං පිළිබඳ අවවාදාත්මක නිවේදනයක් නිකුත් කර තිබේ.

අද (26) පෙ.ව 10.30ට නිකුත් කරන ලද එම නිවේදනය හෙට (27) පෙ.ව 10.30 තෙක් වලංගුවන බව කාලගුණ විද්‍යා දෙපාර්තමේන්තුව සඳහන් කරයි.

මධ්‍යම කඳුකරයේ බටහිර බෑවුම් ප්‍රදේශවල සහ උතුරු මැද, දකුණු, වයඹ පළාත් සහ ත්‍රිකුණාමලය දිස්ත්‍රික්කය සඳහා මෙම නිවේදනය වලංගුවන බව කාලගුණවිද්‍යා දෙපාර්තමේන්තුව පවසයි.

දිවයින හරහා නිරිතදිග මෝසම් සුළං ප්‍රවාහයේ වැඩිවීම හේතුවෙන්, මධ්‍යම කඳුකරයේ බටහිර බෑවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 50-60ක පමණ තද සුළං ඇතිවිය හැකිය.

දිවයිනේ සෙසු ප්‍රදේශවල විටින් විට හමන පැ.කි.මී 30-40 පමණ තරමක තද සුළං ඇතිවිය හැකි බව කාලගුණ විද්‍යා දෙපාර්මේන්තුව වැඩිදුරටත් නිවේදනය කරයි.

Continue Reading

පුවත්

“ලංකාවේ ලොකුම සන්ධානය අපි හදනවා”

Published

on

By

ඉදිරි මැතිවරණ ඉලක්ක කරමින් ශ්‍රී ලංකාවේ ලොකුම හා ශක්තිමත්ම සන්ධානය ශ්‍රී ලංකා නිදහස් පක්ෂය ප්‍රමුඛ කරගනිමින් ආරම්භ කරන බව කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසයි.

පාර්ලිමේන්තුව නියෝජනය කරන පක්ෂ ගණනාවක් මෙන්ම පාර්ලිමේන්තුව නියෝජනය නොකරන පක්ෂ ගණනාවක් දැනටමත් තම සන්ධානයට සහයෝගය පළ කර ඇති බව අමාත්‍යවරයා සඳහන් කරන්නේය.

එමෙන්ම විවිධ පක්ෂ නියෝජනය කරන පාර්ලිමේන්තු මන්ත්‍රීවරු රැසක් අම්බලන්තොට රැලියට ජුනි 8 වැනිදා සහභාගී වීමට නියමිතව ඇතැයි අමාත්‍ය මහින්ද අමරවීර මහතා පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved