Connect with us

පුවත්

ආසනගත නීතිය ඉවතට; බස්වල පොල් පැටවීමට අවසරයි!

Published

on

බස් ගාස්තුව සියයට 13.8 කින් අඩු කිරීමට නොහැකි, ආසනගත මගීන් ප්‍රවාහනය කිරීමේ නීතිය අද සිට (06) ඉවත් කරන බවත් ඒ බව ලිඛිතව ප්‍රවාහන ඇමැතිවරයාට දැනුම් දෙන බවත් සෞඛ්‍ය ඇමැති කෙහෙලිය රඹුක්වැල්ල මහතා කියයි.

කොවිඩ් ව්‍යාප්තිය හමුවේ ආසනගතව පමණක් මගීන් ප්‍රවාහනය කිරීමේ නීතියක් සෞඛ්‍ය සේවා අධ්‍යක්ෂ ජනරාල්වරයා විසින් පැනවූයේ බස් ගාස්තුවද සියයට විස්සකින් ඉහළ දමමිනි. 

නමුත් කොවිඩ් ව්‍යාප්තියෙන් පසුව එම ප්‍රතිශතයෙන් සියයට දහයක් පමණක් අඩු කරනු ලැබීය.

මේ වනවිට එම නීතිය ක්‍රියාත්මක නොවන අතර තවමත් අඩු කර නොමැති සියයට දහයක ප්‍රතිශතයද අඩු කරදෙන ලෙසට ජාතික ගමනා ගමන කොමිෂන් සභාව අවස්ථා රැසකදී සෞඛ්‍ය සේවා අධ්‍යක්ෂ ජනරාල්වරයාගෙන් ඉල්ලීම් කර තිබුණි.

පසුගියදා ඩීසල් මිල රුපියල් 15 කින් හා ඊට පෙර අවස්ථාවක රුපියල් 10 කින් අඩුවීමත් ඒ අනුව අඩුවී ඇති රුපියල් විසිපහක ගාස්තු එක් කිරීමෙන් සියයට 3.8 ක ප්‍රතිශතයක් පැවතීමත් බස් ගාස්තු අඩු කිරීමට නම් සියයට 4 ක ප්‍රතිශතයක් පැවතිය යුතු බවත් ප්‍රවාහන ඇමැති බන්දුල ගුණවර්ධන සෞඛ්‍ය ඇමැති කෙහෙලිය රඹුක්වැල්ල අමතා ඊයේ සඳහන් කර තිබුණි.

එහිදී ප්‍රවාහන ඇමැතිවරයා වැඩිදුරටත් පවසා ඇත්තේ සෞඛ්‍ය අමාත්‍යංශය විසින් කොවිඩ් සමයේ ආසනගතව මගීන් ප්‍රවාහනය කිරීමේ නීතිය ඉවත් කර ලිඛිතව දැනුම් දෙන්නේ නම් බස් ගාස්තුව අඩු කිරීමේ හැකියාවක් පවතින බවයි.

මේ ආකාරයෙන් බස් ගාස්තුව සියයට 13.8 කින් අඩු කරන්නේ නම් දැනට රුපියල් 34 ක්ව පවතින අවම බස් ගාස්තුව රුපියල් පහකින් පමණ අඩු කළ හැකි බවත් සෙසු ගාස්තුද ඒ ආකාරයෙන්ම අඩුවන බවත් ජාතික ගමනා ගමන කොමිෂන් සභාව පවසයි.

එම කොමිෂන් සභාව සඳහන් කළේ මෙම නීතිය ඉවත් කළ බවට නිල වශයෙන් දැනුම් දුන් විගසම බස් ගාස්තුවේ සහනය මගී ජනතාව වෙත සලසා දීමට පියවර ගන්නා බවය.

(අරුණ)

පුවත්

සා / පෙළට කුසලතා හෝ වෘත්තීය විෂය ධාරාවක්

Published

on

By

සමාජය සවිබලගැන්වීම වෙනුවෙන් ඉඩම තීරණාත්මක සාධකයක් වන බවත් එබැවින් වගා කර නොමැති ඉඩම් වගා කටයුතු සඳහා යොදා ගැනීමට හැකිවන නව නීති හඳුන්වා දීමට කටයුතු කරන බවත් සමාජ සවිබලගැන්වීම් රාජ්‍ය අමාත්‍ය අනුප පස්කුවල් මහතා සඳහන් කළේය.

එමෙන්ම සමාජ සවිබලගැන්වීම් උදෙසා අධ්‍යාපන සහතික පත්‍ර සමාන්‍ය පෙළ විභාගයට ද කුසලතා හෝ වෘත්තීය විෂය ධාරාවක් ඇතුළත් කිරීමට රජය තීරණය කර ඇති බව ද රාජ්‍ය අමාත්‍යවරයා පැවසීය. 

“සමාජය සවිබලගැන්වීම සඳහා අධ්‍යාපන ක්‍රමයේ වෙනසක් ඇති විය යුතු බව අප විසින් ඉදිරිපත් කළ ප්‍රධාන මතවාදයක් ලෙස දැක්විය හැකියි. ඊට අනුව සාමාන්‍ය පෙළ ගණිතය, ආගම සහ භාෂාව වැනි විෂයන් අසමත් වූවත් ඔවුන් විභාගය අසමත්වූවන් ලෙස නොසැලකිය යුතුයි. එබැවින් අ.පො.ස සාමාන්‍ය ‍පෙළ විභාගයේ විෂය මාලාවට කුසලතා හෝ වෘත්තීය විෂය ධාරාවක් ඇතුළත් කිරීමට රජය තීරණය කර තිබෙනවා. එය සමාජය පිළිගත් අදහසක් ලෙස ද හැඳින්විය හැකියි. ඒ අනුව නව වසරේ සිට එය ක්‍රියාත්මක කිරීමට අධ්‍යාපන අමාත්‍යාංශය විසින් තීරණය කර තිබෙනවා. ඒ අනුව කුසලතා පූර්ණ වෘත්තිකයෙකු බිහි කිරීමට අවශ්‍ය අධ්‍යාපන ප්‍රතිසංස්කරණ ඉදිරියේ දී සිදුවන බව සඳහන් කළ යුතුයි.”

සමාජ සවිබලගැන්වීම් රාජ්‍ය අමාත්‍ය අනුප පස්කුවල් මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් අද (21) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක් වෙමිනි.

Continue Reading

පුවත්

මැතිවරණයට පෙර විසඳිය යුතු දේ ගැන ජනපති හා පක්ෂ නායකයින්ට ලිපියක්

Published

on

By

සාධාරණ සමාජයක් සඳහා වන ජාතික ව්‍යාපාරය විසින් අද (21) දිනයේ මාධ්‍ය නිවේදනයක් නිකුත් කර විශේෂ ඉල්ලීමක් සිදුකර තිබේ.

ඔවුන් තම ඉල්ලීම ලෙස ජනාධිපතිතුමන් ඇතුළු සියලුම පක්ෂ නායකයින්ගෙන් ආයාචනා කර සිටින්නේ මීළඟ මැතිවරණයට පෙර ජනවාර්ගික අසහනය විසඳන ලෙසය.

එමෙන්ම රටේ අනාගත යහපත උදෙසා පොදු ජාතික අභිලාෂයන් පෙරටුකර ගත් ඒකාබද්ධ ප්‍රයත්නයකට යොමු විය යුතු බව ඔවුන් විසින් මෙහිදී පෙන්වා දෙනු ලබයි.

එම සම්පූර්ණ ලිපිය පහතින් දැක්වේ.

Continue Reading

පුවත්

බන්ධනාගාර නිලධාරීන්ගේ වෘත්තීය ක්‍රියාමාර්ග අවසන්

Published

on

By

බන්ධනාගාර නිලධාරීන් විසින් ගෙන ගිය වෘත්තීය ක්‍රියාමාර්ගය අවසන් කිරීමට පියවර ගෙන ඇති බව බන්ධනාගාර මාධ්‍ය ප්‍රකාශක බන්ධනාගාර කොමසාරිස් ගාමිණි බී. දිසානායක මහතා පවසයි.

රුපියල් 25,000ක වැටුප් වැඩිවීමක් ලබාදෙන ලෙස ඉල්ලමින් බන්ධනාගාර නිලධාරීන් ඊයේ (20) පෙරවරුවේ සිට වෘත්තිය ක්‍රියාමාර්ගයක නිරත විය.

අද (21) දහවල් බන්ධනාගාර කොමසාරිස් ජනරාල්වරයා ඇතුළු උසස් බන්ධනාගාර නිලධාරීන් සහ වෘත්තීය ක්‍රියාමාර්ගයන්හි නිරත නිලධාරීන් අතර විශේෂ සාකච්ඡාවක් පැවැත්වුණි.

අධිකරණ කටයුතු අඩාල වීමට ඉඩ නොතබන ලෙසත්, බන්ධනාගාර කටයුතු සඳහා බාධා වන ආකාරයට කටයුතු නොකරන ලෙසත් බන්ධනාගාර කොමසාරිස් ජනරාල්වරයා එහිදී ඔවුන්ට දැනුම්දී ඇත.

අධිකරණ අමාත්‍ය ආචාර්ය විජයදාස රාජපක්ෂ මහතා පසුගිය 20 වනදා සඳහන් කළේ, බන්ධනාගාර නිලධාරීන්ගේ ඉල්ලීම සාධාරණ බැවින් එය ඉටුකිරීම සඳහා කැබිනට් පත්‍රිකාවක් ඉදිරිපත් කොට ඔවුන්ට සාධාරණයක් ඉටුකිරීමට තමන් කටයුතු කරන බවයි.

අධිකරණ අමාත්‍යවරයා විසින් ලබා දුන් එම පොරොන්දුව පිළිබඳව විශ්වාසය තබමින් වෘත්තිය ක්‍රියාමාර්ගය අවසන් කර සේවයට වාර්තා කරන බව වර්ජනයේ නිරත නිලධාරින් සඳහන් කළ බව බන්ධනාගාර මාධ්‍ය ප්‍රකාශකවරයා සදහන් කලේය.

සබැඳි පුවත්

Continue Reading
Advertisement

Trending

Copyright © 2023 Sri Lanka Mirror. All Rights Reserved