Connect with us

පුවත්

ආසියානු සංවර්ධන බැංකුවේ ඩොලර් මිලියන 15ක ණයකින් සීගිරිය සංවර්ධනය කරන්න යයි

Published

on

සීගිරිය සංචාරක කලාපයක් වශයෙන් උප ව්‍යාපෘති 9ක් යටතේ සංවර්ධනය කිරීමට පියවර ගන්නා බව නාගරික සංවර්ධන හා නිවාස අමාත්‍යංශය පවසයි.

ඒ අනුව, සීගිරිය සංචාරක කලාපයක් වශයෙන් සංවර්ධනය කිරීමේදී  නව ගම්මාන රථගාල, සනීපාරක්ෂක පහසුකම් හා සීගිරිය පිවිසුම් මාවත සකස් කිරීම, සීගිරිය තොරතුරු කේන්ද්‍රය ස්ථාපිත කිරීම, මාපාගල පුරාවිද්‍යා ස්ථානය සංරක්ෂණය, සීගිරි වැව පුනරුත්ථාපනය, රාමකැලේ සිට පිදුරංගල දක්වා උරුම මාවත ස්ථාපනය, කළුදිය පොකුණ ආශ්‍රිත පුරාවිද්‍යා ස්ථාන සංරක්ෂණය, ඉනාමළුව වැව කේන්ද්‍රකර ගනිමින් සංචාරක විනෝදාත්මක කටයුතු සඳහා යටිතල පහසුකම් සංවර්ධනය, ගලේවෙල වැව කේන්ද්‍රකර ගනිමින් සංචාරක විනෝදාත්මක කටයුතු සඳහා යටිතල පහසුකම් සංවර්ධනය, දිගම්පතන ප්‍රදේශයේ කැලිකසල කළමණාකරන පද්ධතිය සංවර්ධනය කිරීම යන උප ව්‍යාපෘති 9ද ක්‍රියාත්මක කිරීමට නියමිත බවද එම අමාත්‍යංශය විසින් නිකුත් කළ නිවේදනයක දැක්වේ.

විෂය භාර අමාත්‍ය ප්‍රසන්න රණතුංග මහතා පවසා ඇත්තේ ආසියානු සංවර්ධන බැංකුවේ ණය අධාර යටතේ ඇමරිකානු ඩොලර් මිලියන 15ක වියදමින් මෙම ව්‍යාපෘතිය ක්‍රියාත්මක කරන බවත්, මෙම ව්‍යාපෘතිය ක්‍රියාත්මක කිරීමෙන් රටට විශාල ආදායමක් උත්පාදනය කරගත හැකි බවත්ය.

මෙම ව්‍යාපෘතිය ක්‍රියාත්මක කිරීමේදී සීගිරිය හා ඒ අවට හදුනාගත් බිම් ප්‍රදේශ ප්ලාස්ටික් භාවිතයෙන් තොර පරිසර හිතකාමී සංචාරක කළාපයක් සංවර්ධනය කරන බවත්, එහි මූලික සැලසුම් සැකසීමේ කටයුතු සියලුම පාර්ශවීය ආයතන හා එක්ව මේ ‍දිනවලදී සිදුකරනු ලබන බවත් එම නිවේදනයේ වැඩිදුරටත් දැක්වේ.

සීගිරිය නගරය සංචාරක ගමනාන්තයක් ලෙස සංවර්ධනය කිරීමේදී ප්‍රදේශයේ ජනතාවගේ ජීවනෝපාය වැඩිදියුණු කිරීම, සංවර්ධනයට අවශ්‍ය පෞද්ගලික ආයෝජන දිරිමත් කිරීමටද කටයුතු කරන ලෙසද උපදෙස් දී ඇති අමාත්‍යවරයා, මෙම ව්‍යාපෘතිය සම්බන්ධයෙන් මාතලේ දිස්ත්‍රික් සම්බන්ධීකරණ කමිටුවට හා දඹුල්ල ප්‍රාදේශීය සම්බන්ධීකරණ කමිටු දැනුවත් කරන ලෙසද නිළධාරීන්ට උපදෙස් දී තිබේ.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved