Connect with us

පුවත්

ඇඟලුම් කම්හල් වැසීමෙන් පන්දහසකට රැකියා නැතිවෙලා!

Published

on

ගෙවුණු මාස කිහිපය තුළ ඇගලුම් කර්මන්තශලා දහයකට ආසන්න ප්‍රමාණයක් තාවකාලිකව වසා දැීම නිසා එහි සේවය කළ පන්දහසකට ආසන්න සේවකයින් හා ඒ ආශ්‍රිත වක්‍ර රැකියාවන්වල නිරතවු විශාල පිරිසකට සිය ආදායම් අහිමිව යාමෙන් දැඩි දුෂ්කරතාවයකට මුහුණ පා සිටිති.

ප්‍රධාන පෙළේ ඇගලුම් ආයතනයක කර්මාන්තශාලා තුනක්, එවැනිම ආයතන දෙකක කර්මාන්තශාලා දෙක බැගින් හා තවත් ආයතන තුනක කර්මාන්ත ශාලාද මෙසේ තාවකාලිි‌‌ක‌ව වසා දමා තිබෙි. 

කොග්ගල, මිපේ, මාතලේ, වතුරගම, අනුරාධපුර, ආදි  ප්‍රදේශවල මෙසේ කර්මාන්තශාලා වසා ඇත.

මෙම කර්මාන්තශාලාවල සේවය කල ඇතැමුන්ට ඔවුන් සේවය කළ කාලයට අනුව වන්දියක් ලබා දිමටත්, තවත් සමහර ආයතන කර්මාන්තශාලාවේ වැඩ තාවකාලිකව වසා දමා සේවකයින්ට නිවාඩු ලබාදී මුලික වැටුප ගෙවිමටද කටයුතු ක‌ල බව වාර්තා වේ.

ආයෝජන මණ්ඩලය යටතේ ඇති ආයෝජන කළාප පහළවක  කර්මාන්තශාලා එකසිය තිස් පහක් ද තවත් ලියාපදිංච් කර්මන්තශාලා තුන්සිය විසි හයක් වශයෙන් කර්මාන්තශාලා හාරසිය හැට එකක් (461) ඇති අතර ඒ්යෙහි ලක්ෂ තුනකට ආසන්න ප්‍රමාණයක් සේවය කරති.

එසේම ඒ් හා තුන් ගුණයක ප්‍රමාණයක් මෙම කර්මානාතශාලා හේතුවෙන් වක්‍ර රැකියාවලින් ජිවිතය සරිකර ගනියි.

නවාතැන් පහසුකම්, ආහාරපාන, ප්‍රවාහන පහසුකම් සපයන්නන්, සිල්ලර වෙළදසැල් හිමියන් ඇතුලු  විශාල පිරිසක් ඉන් ආදායම් ලබති. 

දැනට තාවකාලිකව වසා දමා ඇති මෙම කර්මාන්තශාලා හේතුවෙන් වක්‍ර රැකියාවලින් දිවි ගෙවු විශාල පිරිසක් දැඩි බලපෑමකට ලක්ව ඇත.

මේ සම්බන්ධයෙන් ඇගලුම් කර්මාන්තශාලා හිමියන්ගේ සංසදයේ  සභාපති යොහාන් ලෙවරන්ස්ගෙන් කල විමසුමකදී ඔහු පැවසුවේ ප්‍රධාන ඇගලුම් ගැනුම්කරුවන් වන ඇමරිකාව හා යුරෝපා සංගමයෙන් ඇති ඉල්ලුම අඩුවිම නිසා මෙම තත්වය උදාවී ඇති බවයි.

තවත් මාස දෙකක තුනක කාලයකට දැනට ලැබි ඇති ඇනවුම් ප්‍රමාණවත් බවත් සැප්තැම්බර් වලින් පසුව මෙම තත්වය යහපත් අතරට හැරෙනු ඇති බවටත් ඔහු විශ්වාසය පළ කලේය.

 මෙය ශ්‍රි ලංකාවට පමණක් බලපෑ තත්වයක් ‌‌නොවන බවත් බංගලාදේශය, වියට්නාමය, කාම්බෝජය, චිනය වැනි රටවල් වල ඇගලුම් කර්මාන්තශාලාවලට ද තදින් බලපා ඇති බව ඔහු සදහන් කලේය.

පුවත්

උඩරට මාර්ගයේ දුම්රිය ධාවනයට බාධා

Published

on

By

පවතින අයහපත් කාලගුණ තත්ත්වය හේතුවෙන් උඩරට මාර්ගයේ දුම්රිය ප්‍රමාදයන් හා ගමන් වාර අවලංගු කිරීම සිදුවී තිබේ.
ශ්‍රී ලංකා දුම්රිය දෙපාර්තමේන්තුව පවසන්නේ දුම්රිය මාර්ගයට පස්, ගල් සහ ගස් කඩාවැටීම හේතුවෙන් දුම්රිය ධාවනය ප්‍රමාද වන බවය.

මේ අතර, කොළඹ – බදුල්ල සහ බදුල්ල – කොළඹ රාත්‍රී තැපැල් දුම්රිය මෙන්ම අද දිනයේ විශේෂ දුම්රිය ද අවලංගු කිරීමට ද තීරණය කර ඇතැයි ශ්‍රී ලංකා දුම්රිය දෙපාර්තමේන්තුව වැඩිදුරටත් සඳහන් කරයි.

Continue Reading

පුවත්

“අනුර එක්ක විවාදෙට මම එනවා”

Published

on

By

ජාතික ජනබලවේගයේ නායක අනුර කුමාර දිසානායක මහතා සහ විපක්ෂ නායක සජිත් ප්‍රේමදාස මහතා අතර ලබන 06 වැනිදා පැවැත්වීමට නියමිත විවාදයට විපක්ෂ නායකවරයා නොපැමිණෙන බැවින් ඒ සදහා තමා සහභාගී වීමට සුදානම් බව මව්බිම ජනතා පක්ෂයේ නායක දිලිත් ජයවීර මහතා පවසයි

ඔහු මේ බව ප්‍රකාශ කළේ ලයිට්හවුස් දේශන ශාලාවේ පසුගිය බදාදා (22) පැවති ජනරජ දින සැමරුම සදහා එක්වෙමිනි.

“දැන් අනුර කුමාර ආරාධනා කරලා තියෙනවා රාජකීය විද්‍යාලයේ අහිංසක ආදී ශිෂ්‍යයෙක් වෙච්ච සජිත් ප්‍රේමදාස මහතාට. එතුමා අහිංසකයෙක්. ඇයි එතුමාට කරදර කරන්නේ. එතුමාට ඉන්න දෙන්න. දැන් මමත් අනුර කුමාරත් සමකාලීනයෝ. ඔහු උපාධිය ගත්තේ ටිකක් පරක්කු වෙලා. හැබැයි අපි දෙන්නා එක වයසේ. මමත් සමාජයේ යම්කිසි දෙයක් ලබා ගත්ත පුද්ගලයෙක් හැටියට සලකන්න පුළුවන්.ඒ නිසා මාත් එක්ක ලබන 6 වැනිදා දාපු සජිත් නොඑන විවාදයට දිලිත් ජයවීර එන්න කැමති කියලා පොඩ්ඩක් දා ගන්න. මම එතුමාගෙන් අමාරු ප්‍රශ්න කිසිවක් අහන්නේ නැති බවත් එතුමාගේ ඇදුම් පැළදුම් ගැනවත්, එතුමාගේ ව්‍යාපාරික පන්තිය ඒ චාරිකා ගැනවත්, පුද්ගලික ජීවිතය ගැනවත් මම අහන්නේ නැහැ.”

“එම විවාදයේදී අනුර කුමාර දිසානායකට මගෙන් අහන්න පුළුවන් නයා ගැන, පැණිය ගැන, ඇන්ටිජන් ගැන. මට ඒවාට උත්තර දෙන්නත් පුළුවන්.” 

Continue Reading

පුවත්

රනිල් යද්දී චන්ද්‍රිකාත් බාලි ;  අමරවීර, දුමින්ද, ලසන්ත, අනුර හා ලන්සයිත් ඉඳලා

Published

on

By

පසුගිය සතියේ ජනාධිපති රනිල් වික්‍රමසිංහ මහතා බාලි දූපතේ සංචාරයක යෙදී සිටින අතර චන්ද්‍රිකා කුමාරතුංග මහත්මිය ද එහි ගොස් සිට ඇති බව වාර්තා වේ.

මෙම සංචාරයේදී රනිල් වික්‍රමසිංහ මහතා සමඟ මහින්ද අමරවීර, දුමින්ද දිසානායක, ලසන්ත අලගියවන්න සහ අනුර යාපා යන ශ්‍රී ලංකා නිදහස් පක්ෂයේ කණ්ඩායමක් ද රැගෙන ගොස් සිටි බව වාර්තා වේ. 

එම සිව්දෙනා බණ්ඩාරනායකවාදීන් ලෙස මෑතක් වනතුරු ම කැපී පෙනුණු අතර ඔවුන්ට අමතරව නිමල් ලන්සා මහතා ද රනිල් වික්‍රමසිංහ මහතා සමඟ සංචාරයට එක්වී ඇති බව මේ වනවිට හෙළිවී තිබේ.

රනිල් වික්‍රමසිංහ ඇතුළු පිරිස මෙන් ම, චන්ද්‍රිකා කුමාරතුංග අතර කිනම් මට්ටමක සාකච්ඡා පැවැත්වූයේ දැයි මේ දක්වා හෙළිවී නැත. 

කෙසේවුවද,, ජනාධිපති රනිල් වික්‍රමසිංහ මහතා ලෝක ජල දිනයට සහභාගී වන බව පවසා ඉන්දුනීසියාව බලා යාම පිළිබඳව මුල සිටම දේශපාලන නිරීක්ෂකයන්ගේ දැඩි අවධානය යොමු වී තිබුණ බව ලංකා ටෲත් වාර්තා කර ඇත.

මූලාශ්‍රය – ලංකා ටෲත් 

Continue Reading
Advertisement

Trending

Copyright © 2023 Sri Lanka Mirror. All Rights Reserved