Connect with us

පුවත්

මිහින්තලා මැදමළුවේ ඇබැද්දියක් වුනේ ස්වදේශ කටයුතු රාජ්‍ය ඇමතිටයි (Update) 

Published

on

“ඇමති තාරක මිහින්තලා පුදබිමේ මැදමළුවේ මෝටර් රථය දමා පැන ගිහින්” යනුවෙන් ඊයේ (දෙසැම්බර් 25) අප වෙබ් අඩවියේ පලවූයේ වැරදීමකිනි. 

 ඉන් විදේශ කටයුතු රාජ්‍ය අමාත්‍ය තාරක බාලසූරිය මහතාට යම් සිත්තැවුලක් හෝ අපහසුතාවක් ඇතිවූයේ නම් අපි ශ්‍රී ලංකා මිරර් හුදෙක්ම කනගාටු වෙමු. 

 මෙසේ ඊයේ (25) මිහින්තලා පුද බිමේදී ඇබැද්දියකට මුහුණදීමට සිදුව ඇති රාජ්‍ය අමාත්‍යවරයා වන්නේ විදේශ කටයුතු රාජ්‍ය ඇමතිවරයා නොව ස්වදේශ කටයුතු රාජ්‍ය අමාත්‍ය – අශෝක ප්‍රියන්ත මහතාය. 

 කෙසේවුවද, සිද්ධිය සම්බන්ධයෙන් මිහින්තලේ විහාරාධිපති වලවාහැංගුණුවැවේ ධම්මරතන හිමියන්‍ගෙන් ‘ශ්‍රී ලංකා මිරර්’ සිදුකළ විමසීමකදී උන්වහන්සේ පැවසූයේ පොලිසිය ලබාදුන් වැරදි තොරතුරක් මත සිද්ධියට පාදක වූයේ විදේශකටයුතු රාජ්‍ය අමාත්‍යවරයා බව කලින් පැවසූවද, එය ස්වදේශකටයුතු රාජ්‍ය අමත්‍යවරයා ලෙස නිවැරදි විය යුතු බවයි. 

 උන්වහන්සේ වැඩිදුරටත් කියා සිටියේ මිහින්තලා පුදබිමේ ප්‍රධාන පොලිස් මුරපොළ වෙත WP – KU-7910 දරණ රතු පැහැති ප්‍රාඩෝ වර්ගයේ මෝටර් රථයකින් පැමිණි අයකු තමා ස්වදේශ කටයුතු රාජ්‍ය අමාත්‍යවරයා බව පවසමින් ඔහුගේ මෝටර් රථය බලහත්කාරයෙන් රථ ගාලට ඇතුළු කර ඇති බවයි. 

 ඕනෑම අයකුට මිහින්තලා පුදබිම වන්දනාමාන කිරීමට අවසරයක් අවශ්‍ය නොවෙතත්, ප්‍රභූ පුද්ගලයකු එම පුදබිම වන්දනාමාන කිරීමේදී ඔවුන්ගේ ආරක්ෂාව වෙනුවෙන් තමාව පෙර දැනුවත් කළ යුතු බවද උන්වහන්සේ කියා සිටියහ. 

 මෙසේ තමන් වහන්සේට ද නොදන්වා බලහත්කාරයෙන් අදාළ මෝටර් රථය රථ ගාලේ නතර කිරීම සම්බන්ධයෙන් තම ගෝල හිමිනමක් තමාට දැනුම් දුන් බවත්, පසුව සිය ගෝල හිමි විසින් ඒ බව ලවුඩ්ස්පීකරයක් ඔස්සේ මුළු පුදබිමටම ඇසෙන සේ නිවේදනයක්ද සිදු කළ බවත් ධම්මරතන හිමියෝ කීහ. 

 එම නිවේදනයෙන් පසුව, මෙම ප්‍රභූ පැමිණීමට විරෝධයක් ලෙස මිහින්තලා පුදබිමේ මැද මළුවේ විදුලි පහන් නිවාදමන ලෙස එහි පැමිණ සිටි බැතිමතුන්ගෙන් ගෝල හිමිනමට ඉල්ලීම් කර ඇති බවත්, උන්වහන්සේ අදාළ ඉල්ලීම්වලට අනුව මැද මළුවේ විදුලි පහන් නිවා දමා ඇති බවත්, ධම්මරතන හිමියෝ වැඩිදුරටත් පැවසූහ. 

 කෙසේවුවද, පසුව ගාල්කළ මෝටර් රථය ළඟට ද බැතිමතුන් ගොස් ඇති බවත්, ඒ වන විට ස්වදේශ කටයුතු රාජ්‍ය අමාත්‍යවරයා යැයි පැවසූ අය පහලට බැසගොස් සිටි බවත්, පසුව මෝටර් රථය පහලට ගොස් ඔහු සමඟ පිටත්ව ගොස් ඇතැයි ද උන්වහන්සේ අප සමඟ කියා සිටියහ.

——————————————-

(පෙර පුවත : 2023 දෙසැම්බර් 25 ප.ව. 9:06)

ඇමති තාරක මිහින්තලා පුදබිමේ මැදමළුවේ මෝටර් රථය දමා පැන ගිහින්

විදේශ කටයුතු රාජ්‍ය අමාත්‍ය තාරක බාලසූරිය මහතාට අද (25) මිහින්තලා පුද බිමේදී ඇබැද්දියකට මුහුණදීමට සිදුව ඇතැයි වාර්තා වේ.

අමාත්‍යවරයා මිහින්තලේ විහාරාධිපති වලවාහැංගුණුවැවේ ධම්මරතන හිමියන්ට නොදන්වා අද පස්වරු 5.30ත් – 6.00ත් අතර මිහින්තලේ මැදමළුවට සිය මෝටර් රථය බලහත්කාරයෙන් ඇතුළු කර ඇති අතර එම සිද්ධියත් සමඟ ඔහුට එහි සිටි වන්දනාකරුවන්ගේ විරෝධයක් මතුව තිබේ.

පසුව ජනතාව එහි විහාරවාසී හිමිනමකගෙන් මැද මළුවේ විදුලි පහන් නිවාදමන ලෙස ද ඉල්ලීමක් කර ඇත.

එම ඉල්ලීමට අනුව ඒ හිමිනම විසින් විදුලියෙන් ක්‍රියාත්මක විදුලි පහන් නිවා දමා ඇති අතර කෙසේවුවද සූර්ය බලයෙන් ක්‍රියාත්මක විදුලි පහන් නිවා දැමීමට නොහැකි බව වන්දනාකරුවන්ට දන්වා තිබේ.

මේ සිද්ධියත් සමඟ මැද මළුවට විහාරාධිපති හිමිට නොදන්වා මෝටර් රථය ඇතුළු කළ තාරක බාලසූරිය රාජ්‍ය අමාත්‍යවරයා මෝටර් රථය ද එහි දමා පහලටම ගමන් කර ඇත.

එසේ පහලට බැසගිය රාජ්‍ය අමාත්‍යවරයා පසුව මැදමළුවේ වූ මෝටර් රථය පහලට ගෙන්වාගෙන විගස එම පුදබිමෙන් පිටව ගොස් ඇත්තේ ජනතාවගේ හූ හඬ මධ්‍යයේ බවද වාර්තා වේ.

කෙසේවුවද, මැද මළුවේ වූ මෝටර් රථය ජනතාව වටකර ගැනීම නිසා එහි සිටි රියැදුරු දැඩි ලෙස බියට පත්ව වෙව්ලමින් සිටි බවද වාර්තා වේ.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved