පස් කඳු කඩාවැටීමක් හේතුවෙන් වසා දමා තිබූ ඇල්ල – වැල්ලවාය මාර්ගයේ එක් මංතීරුවක් මේ වනවිට වාහන ගමනා ගමනය සඳහා විවෘත කර තිබේ.
පොලිසිය සඳහන් කළේ වර්ෂාපතනය ඇද අඛණ්ඩව පැවතියහොත් මෙම නාය අවදානම් තත්ත්වය යළි ඇති විය හැකි බවය.
ඒ, හේතුවෙන් වර්ෂාව පවතින අවස්ථාවල දී එම මාර්ගය භාවිත කරන රියදුරන් විකල්ප මාර්ග භාවිතා කරන ලෙසයි දැනුම් දෙයි.
(පෙර පුවත 2025 මාර්තු 14 පෙ.ව.7.53.)
ඇල්ල වැල්ලවාය පාරේ යන රියැදුරන්ට දැනුම්දීමක්
අයහපත් කාලගුණය හේතුවෙන් ඇල්ල වැල්ලවාය මාර්ගයේ කිලෝමීටර් 12 කණුව ආසන්න ප්‍රදේශයෙන් මාර්ගය අවහිරවී ඇති බව පොලීසිය රියදුරන්ට දැනුම්දෙයි.
ඇල්ල පොලිස් වසමේ ඇල්ල වැල්ලවාය ප්‍රධාන මාර්ගයේ කරඳගොල්ල, කිලෝමීටර් 12 කණුව ආසන්නයේ මාර්ගයට ඊයේ (13) පස් කන්දක් කඩා වැටීමෙන් මෙම තත්ත්වය ඇතිවී තිබෙන බව පොලීසිය අද (14) උදෑසන නිවේදනයක් නිකුත් කරමින් දැනුම්දෙයි.
ඒ හේතුවෙන් ගමනාගමනය අවහිර වී ඇති අතර එම මාර්ගය පිළිසකර කර නැවත යථා තත්ත්වයට පත්කරන තෙක් විකල්ප මාර්ග භාවිත කරන්නැයි පොලීසිය උපදෙස් දෙයි.
අදාළ මාර්ගයේ ගමන් ගන්නා රථ වාහන වැල්ලවාය හා ඇල්ල දෙසට ගමන් කිරීමේදී පහත විකල්ප මාර්ග භාවිත කළ හැකිය.
විකල්ප මාර්ග –
• ඇල්ල සිට වැල්ලවාය දෙසට ගමන් කිරීමේදී – බණ්ඩාරවෙලින් අඹදණ්ඩේගම හරහා ඌව කරඳගොල්ල ප්‍රදේශයෙන් වැල්ලවාය දෙසට ගමන් කළ හැක.
• වැල්ලවාය දෙස සිට ඇල්ල දෙසට ගමන් කිරීමේදී – වැල්ලවාය ඌව කරඳගොල්ල ප්‍රදේශයෙන් අඹදණ්ඩේගම හරහා ඇල්ල දෙසට ගමන් කිරීමේ හැකියාව ඇත.
