නව සංධානයකින් ඉදිරියේදී පැවැත්වෙන ඕනෑම මැතිවරණයකට ඉදිරිපත් වන බවත්, ඉදිරිපත්වන ලකුණ ඉදිරියේදී තීරණය කරන බවත් නාගරික සංවර්ධන හා නිවාස අමාත්ය හා ආණ්ඩු පක්ෂ ප්රධාන සංවිධායක ප්රසන්න රණතුංග මහතා පවසයි.
බත්තරමුල්ලේ ඊයේ (15) පැවැති උත්සවයකින් අනතුරුව ඉදිරියේදී එක්සත් ජාතික පක්ෂය සමඟ සංධානගත වන්නේ දැයි මාධ්යවේදීයෙකු නෑගු ප්රශ්නයකට පිළිතුරු දෙමින් ඇමතිවරයා මේ බව පවසා තිබේ.
එසේම ඔහු දැන් පවතින්නේ රනිල් රාජපක්ෂ ආණ්ඩුවක් බවද සඳහන් කර ඇත.
මේ දෙපාර්ෂවයම අත්දැකීම් බහුල කණ්ඩායම් දෙකක් බවත්, එබැවින් සංධානගත වීම පිළිබඳව ගැටළුවක් නැති බවද ඇමතිවරයා දැනටමත් තවත් දේශපාලන පක්ෂ කිහිපයක් මෙම සංධානයට එකතු කර ගැනීමට සාකච්ඡා සිදු කෙරෙන බවද අවධාරණය කර තිබේ.
මේ වනවිට තම පක්ෂය දේශපාලන කටයුතු ආරම්භ කර ඇති බවත් ඉදිරියේදී පැවැත්වෙන ඕනෑම මැතිවරණයකට මුහුණ දීමට මෙන්ම මැතිවරණ ජය ගැනීමට ද හැකි බව පවසා තිබේ.
මෛත්රීපාල සිරිසේන හිටපු ජනාධිපතිවරයාද නව සංධානයක් පිහිටුවන බවට කර ඇති ප්රකාශය පිළිබඳව ද මාධ්යවේදීන් ඇමතිවරයාගෙන් ප්රශ්න කර ඇත.
ඊට ප්රතිචාර දැක්වූ ඇමතිවරයා සඳහන් කර ඇත්තේ කවුරුන් හෝ සංධානගත වී සියලු දෙනා එක තැනකට පැමිණෙන්නේ නම් හොඳ බවයි.
