පුවත්
ඉන්දියාවෙන් දැඩි විරෝධයක්!
ශ්‍රී ලංකා නාවික හමුදාව විසින් අද (28) අලුයම ඉන්දීය ධීවරයන් 13 දෙනෙකු අත්අඩංගුවට ගැනීමේදී ඇති වූ වෙඩි තැබීමේ සිද්ධියක් සම්බන්ධයෙන් ඉන්දියාව දැඩි විරෝධයක් එල්ල කර තිබේ.
මේ සම්බන්ධයෙන් කොළඹ පිහිටි ඉන්දීය මහ කොමසාරිස් කාර්යාලය විසින් නිකුත් කර නිවේදනයක දැක්වෙන්නේ මෙම සිද්ධියෙන් ධීවරයන් දෙදෙනෙකු බරපතළ තුවාල ලබා යාපනය ශික්ෂණ රෝහලේ ප්‍රතිකාර ලබන බවත් සුළු තුවාල ලැබූ ධීවරයන් තිදෙනෙකුද ප්‍රතිකාර ලබා ඇති බවත්ය.
නව දිල්ලියේ සිටින වැඩ බලන ශ්‍රී ලංකා මහ කොමසාරිස්තුවරිය අද උදෑසන විදේශ කටයුතු අමාත්‍යාංශයට කැඳවා මෙම සිදුවීම සම්බන්ධයෙන් දැඩි විරෝධය පළ කර ඇකි බවත්, කොළඹ පිහිටි ඉන්දීය මහ කොමසාරිස් කාර්යාලය ද ශ්‍රී ලංකා රජයේ විදේශ අමාත්‍යාංශයට මේ සම්බන්ධයෙන් කරුණු ඉදිරිපත් කර ඇති බවත් එම නිවේදනයේ වැඩිදුරටත් දැක්වේ.
ඉන්දියානු රජය සැමවිටම ජීවනෝපාය පිළිබඳ අවධානය යොමු කරමින් ධීවරයන් සම්බන්ධ කරුණු සම්බන්ධයෙන් මානුෂීය ආකාරයකින් කටයුතු කිරීමේ අවශ්‍යතාවය අවධාරණය කර ඇති බවත්, කිසිදු තත්ත්වයක් යටතේ බලය යොදාගැනීම පිළිගත නොහැකි බවත්, මේ සම්බන්ධයෙන් දෙරටෙහි රජයන් අතර පවතින අවබෝධතා දැඩිව අනුගමනය කළ යුතු බව එම නිවේදනය වැඩිදුරටත් සඳහන් කරයි.
කලහකාරී හැසිරීමක් – නාවික හමුදාව
කෙසේවෙතත්, සිද්ධිය සම්බන්ධයෙන් ශ්‍රී ලංකා නාවික හමුදාවේ නිල වෙබ් අඩවියේ දැක්වෙන්නේ ජනවාරි 27දා යාපනය වැල්වැටිතුරෙයි ප්‍රදේශයට ඔබ්බෙන් වු ශ්‍රී ලංකාවට අයත් මුහුදු සීමාව තුළට ඇතුළු වී අනවසර ධීවර කටයුතු සිදු කළ ඉන්දීය ධීවරය යාත්‍රා විශාල ප්‍රමාණයක් උතුරු නාවික විධානය මඟින් නිරීක්‍ෂණය කර, එම යාත්‍රා මෙරට මුහුදු සීමාවෙන් ඉවත් කිරීමට නාවික හමුදා යාත්‍රා යොදවා තිබූ බවයි. එසේ වුවද, තවදුරටත් එම මුහුදු ප්‍රදේශයේ අනවසර ධීවර කටයුතු සිදු කරමින් සිටි ඉන්දීය ධීවර යාත්‍රාවක් සමඟ ඉන්දීය ධීවරයින් 13ක් නාවික හමුදා භාරයට ගැනුන බව එහි දැක්වේ.
“එම ඉන්දීය ධීවර යාත්‍රාව නාවික හමුදා භාරයට ගැනීමට යාමේදී, නාවික හමුදාවේ නීත්‍යානුකූල නියෝගයන්ට අවනත නොවී, තවදුරටත් කලහාකාරී ලෙස හැසීරීම හේතුවෙන් එම යාත්‍රාව වෙත නාවික හමුදා කණ්ඩායමක් ගොඩවීම සිදු කෙරිණී. එහිදි නාවික හමුදාව එම යාත්‍රාව වෙත ගොඩවීම වැළැක්වීම සඳහා ඊට අවනත නොවි, නිත්‍යණූකූල රාජකාරීයට බාධා පමුණූවා, ඊට විශාල ප්‍රථිරෝධයක් දක්වමින් ආක්‍රමණශීලි ලෙස එම ධීවර යාත්‍රාව හසුරවමින් ඉන්දීය ධීවරයින් කලහාකාරීව හැසුරුණු අතර, නාවික හමුදාව වෙත පැවරී ඇති බලතල අනුව එම යාත්‍රාවට ගොඩවීමේදී, එම ධීවරයින් පිරිස සමූහයක් ලෙස ආක්‍රමණශිලීව පහරදීමට තැත්කර, නාවික හමුදා නිලධාරීන්ගේ ජීවිතයට අවධානමක් ඇති කරමින්, නාවික හමුදා නිලධාරියෙකු සතුව තිබු ගිනි අවියක් උදුරාගැනීමට උත්සහ කිරීමේදී, එම ගිනි අවිය ක්‍රියාත්මක වීමෙන් ධීවරයින් දෙදෙනෙකු හට සුළු තුවාල සිදු විය. නාවික හමුදාව විසින් එම ධීවරයින් දෙදෙනා වෙත මූලික ප්‍රථමාධාර ලබා දීමෙන් පසු, වැඩිදුර ප්‍රථිකාර සඳහා කඩිනමින් යාපනය ශික්ෂණ රෝහල වෙත ඇතුලත් කිරීමට කටයුතු කෙරිණි. එම ධීවරයින්ගේ තත්වය බරපතල නොවන බව යාපනය රෝහල මඟින් තහවුරු කර ඇති අතර, නාවික හමුදාව විසින් සිද්ධිය සම්බන්ධයෙන් කන්කසංන්තුරය පොලීසිය වෙත පැමිණිල්ලක් ද සිදු කෙරිණි,” යැයිද ශ්‍රී ලංකා නාවික හමුදාවේ නිල වෙබ් අඩවිය වැඩිදුරටත් සඳහන් කරයි.
(ඡායා : navy.lk)
ක්ලීන් ශ්‍රී ලංකා වැඩසටහන යටතේ පොළොන්නරුව, වැලිකන්ද නෙළුම්වැව ප්‍රදේශයේ පිහිටි උණු දිය උල්පත් ආශ්‍රිත ප්‍රදේශය සංවර්ධන කිරීමේ ව්‍යාපෘතියක් ආරම්භ කිරිමට සැලසුම් සකස් කර ඇත.
මීට අදාළ සාකච්ඡාවක් අද (24) දින පෙරවරුවේ එම ප්‍රදේශයේදී පැවැත්වුණු අතර, එහි නිරීක්ෂණ චාරිකාවක්ද සිදු කෙරිණි.
මෙතෙක් මෙම උණුදිය උල්පත් ආශ්‍රිත ප්‍රදේශය නිසි පරිදි සංවර්ධනය කර නොතිබීම එහි සංචාරය කිරීමට දෙස් විදෙස් සංචාරකයන් දක්වන උනන්දුව අඩු වීමට හේතුවක් වී තිබිණි.
මෙම සාකච්ඡාවේදී නෙළුම්වැව උණුදිය උල්පත් සංවර්ධනය කිරීමේ වැදගත්කම, එහි ඇති සංචාරක සහ තාක්ෂණික විභවතාව මෙන්ම වත්මන් තත්ත්වය සම්බන්ධයෙන්ද අවධානය යොමු කෙරිණි.
උණුදිය උල්පත් ආශ්‍රිත ප්‍රදේශයේ වන ගහනය වැඩි කිරීම, දූපත අලංකරණය සහ දෙස් විදෙස් සංචාරකයින්ගේ පැමිණීමට පහසු වන ආකාරයට ගොඩබිමේ සිට දූපත දක්වා පාලමක් ඉදිකිරීම ආදී කරුණුද මෙහිදී සාකච්ඡාවට ලක් විය.
නිවාස නියෝජ්‍ය අමාත්‍ය ටී. බී. සරත්, වැලිකන්ද ප්‍රාදේශීය සභාවේ සභාපති ඩී. ඩබ්. වසන්ත, පේරාදෙණිය විශ්වවිද්‍යාලයේ විශ්‍රාමික මහාචාර්ය භූගත ජලවිද්‍යාඥ ධර්ම ගුණවර්ධන යන මහත්වරු, ක්ලීන් ශ්‍රී ලංකා ලේකම් කාර්යාලය, ශ්‍රී ලංකා මහවැලි අධිකාරිය, සංචාරක සංවර්ධන අධිකාරිය, වැලිකන්ද ප්‍රාදේශීය ලේකම් කාර්යාලය හා තවත් ආයතන කිහිපයක නිලධාරිහුද මෙම අවස්ථාවට එක්ව සිටියහ.
(ජනාධිපති මාධ්‍ය අංශය)
ජ’පුර නේවාසිකාගාරයකට හානි කළ සිසුන් 10කගෙන් අනවශ්‍ය ලෙස මුදල් අයකරගෙන!
නෙළුම්වැව උණුදිය උල්පත් ආශ්‍රිත ප්‍රදේශය සංවර්ධනය කරන්න සැලසුම්
නවකවදය ඇතුළු සියලු ආකාරයේ හිංසනයන් වැළැක්වීමට කාර්ය සාධක බළකායක්
-
පුවත්3 days agoපොලිස් ලොක්කෝ දෙකකගේ වත්කම් විමර්ශනයට
-
ගොසිප්4 days agoහර්ෂණගේ අස් වීමෙන් හිස් වූ මන්ත්‍රී අසුනට නම් තුනක්???
-
පුවත්6 days agoදේශපාලනඥයන් ඇතුළු 26 කගේ අයථා වත්කම් රජයට පවරා ගැනීමට විමර්ශන
-
පුවත්5 days agoපහේ ශිෂ්යත්ව විභාගය ගැන නියෝජ්‍ය ඇමතිගෙන් ප්රකාශයක්
-
පුවත්1 week agoකොළඹ නගරාධිපති පුටුව මාලිමාවට (UPDATE)