Connect with us

පුවත්

ඉන්දියාව කටුනායක ගුවන් තොටේදී ලංකාවේ නීතිය නැව්ව?

Published

on

කටුනායක ගුවන් තොටුපළ සංක්‍රමණික ගුවන් මගී පර්යන්තයේදී (Transit Passenger Terminal) ගුවන්  තොටුපළ ආරක්ෂක නිලධාරීන් විසින් උණ්ඩ පිරවූ පිස්තෝලයක් සමග අත්අඩංගුවට ගැණුන ඉන්දීය ගුවන්යානයක ආරක්ෂක නිලධාරීයා (Sky Marshall) අධිකරණයට ඉදිරිපත් නොකර මුදා හැරීම සම්බන්ධයෙන් නීති ක්ෂේත්‍රය තුළ කතා බහක් ඇතිව ඇතැයි වාර්තා වේ.

මෙසේ අත්අඩංගුවට පත්ව තිබුණේ කටුනායක සිට ඉන්දියාවේ චෙන්නායි බලා ඊයේ (06) දහවල් පිටත්ව යාමට නියමිතව තිබූ ඒ.අයි.-227 දරණ ඉන්දීය ගුවන්යානයේ සිටි ආරක්ෂක නිලධාරීයා (Sky Marshall) ය.

මොහු ඉන්දීය විශේෂ කාර්ය බලකායේ නිලධාරියකු බවද මේවන විට හෙළිව ඇත.එම සිද්ධිය හේතුවෙන් ගුවන්යානය පිටත්ව යාම පැය හතරකින් පමණ ප්‍රමාද වීමකට ලක්ව තිබිණි.

සෑම ගුවන්යානයකම මෙවැනි ආරක්ෂක නිලධාරීවරයෙකු ගුවන්යානයේ මගීන්ගේ සහ කාර්යය මණ්ඩලයේ ආරක්ෂාව පිණිස යොදවා සිටී. 

එහිදී එම ආරක්ෂක නිලධාරීවරයාට පිස්තෝලයක් භාවිතා කිරීමට රාජකාරී වරප්‍රසාදයක් තිබුණද, එම අවිය ගුවන්යානයෙන් පිටතට ගෙනයාමට හැකියාවක් නොමැත.

ආරක්ෂක නිලධාරීවරයාට ගුවන්යානයෙන් පිටතටයාමට අවශ්‍ය වූ විට පිස්තෝලය ගුවන්යානයේ ප්‍රධාන ගුවන් නියමුවා වෙත භාර දිය යුතුය.

මේ ආකාරයට ගිනි අවියක් සහිතව ගුවන්තොටුපළ තුළ දී අත්අඩංගුවට පත්වුවහොත් සැකකරු අධිකරණය වෙත ඉදිරිපත්කිරීම සිදු කළ යුතු අතර මීට පෙර ද මෙවැනිම සිදුවීම් කිහිපයක් පසුගිය මාසවලදී වාර්තා වී තිබේ.

එම සිදුවීම්වලදී ගුවන් ත‌ොටුපළ ආරක්ෂක අංශ විසින් අමෙරිකානු සහ රුසියානු ජාතිකයන් කිහිපදෙනෙකු අධිකරණය වෙත ඉදිරිපත්කිරීමට පියවර ගෙන තිබුණි.

කෙසේවුවද, මේ සිද්ධියේදී ඒලෙස නීතිය ක්‍රියාත්මක වී නොමැති අතර, දෙරටේ උසස් ආරක්ෂක ප්‍රධානීන් සහ තානාපතිකාර්යාල මැදිහත්වීමෙන් සිද්ධිය අධිකරණයට වාර්තා ‌නොකර ඉන්දීය විශේෂ කාර්යබලකායේ නිලධාරියකු මෙන්ම අදාළ ගුවන්යානයේ ආරක්ෂක නිලධාරියාව මුදාහැර ති‌බේ.

ඒ අනුව 05/06 දින දහවල් 01.35 ට ඉන්දියාවේ චෙන්නායි බලා පිටත්ව යාමට තිබු ඒ.අයි.- 272 දරන ගුවන්යාන කටුනායක ගුවන් තොටුපළින් පිටත්ව ගොස් ඇත්තේ පස්වරු 05.35 ටය.

මේ පිළිබඳව ඉන්දියාවෙන් ලැබෙන තොරතුරු අනුව මේ වනවිට මෙම සිද්ධියට භාජනය වූ ඉන්දීය ආරක්ෂක නිලධාරීවරයාගේ සියලු උසස්වීම් අත්හිටුවා මේ පිළිබඳව විමර්ශනයක් ආරම්භ කර ඇතැයි ද මාධ්‍ය වාර්තා කර ඇත.

පුවත්

අයවැය හිඟය රු බිලියන 2,200ක්

Published

on

By

2025 සඳහා අයවැය යෝජනාවලිය අද (17) ජනාධිපති අනුර කුමාර දිසානායක මහතා පාර්ලිමේන්තුවට ඉදිරිපත් කළේය.

එහි සඳහන් වන්නේ 2025 සඳහා අදායම් ලෙස රුපියල් බිලියන 4,990ක් ලැබෙතැයි ඇස්තමේන්තු කරන බවත් වියදම් ලෙස රුපියල් බිලියන 7,190ක් ඇස්තමේන්තු කර ඇති බවත් ය.

ඒ අනුව අයවැය පරතරය රුපියල් බිලියන 2,200කි.

මෙම අගය දේශීය හා විදේශීය ණය ගැනීම් හරහා පියවා ගැනීමට නියමිතය.

කෙසේවෙතත් මෙවර රු. බිලියන 700ක ප්‍රාථමික ගිණුමේ අතිරික්තයක් තබා ගනිමින් අයවැය ඉදිරිපත් කර තිබේ. 

Continue Reading

පුවත්

අයවැය කතාව – 2025

Published

on

By

ජනාධිපති අනුර කුමාර දිසානායක මහතා අද (17) පාර්ලිමේන්තුවේ දී සිය මංගල අයවැය කතාව පැවැත්වූයේය.

ජනාධිපතිවරයා විසින් පවත්වන ලද සම්පූර්ණ කතාව පහතින්

Continue Reading

පුවත්

බේස් නයිට් ක්ලබ් එකට විස්කි සප්ලයි කර ඇත්තේ ලක්පහන ඔටෝ

Published

on

By

වාහන අමතර කොටස් ආනයනය කරන මුවාවෙන් රුපියල් කෝටියකට ආසන්න වටිනාකමක් ඇති විදේශීය මත්පැන් ගෙන එන ලද නුගේගොඩ දෙල්කඳ ප්‍රදේශයේ පිහිටි ලක්පහන ඔටෝ (Lakpahana Auto) වාහන ආනයන කොටස් අලෙවි සමාගමේ කළමනාකාරවරයකු වලාන දූෂණ මර්දන ප්‍රහාරක ඒකකය මගින් අත්අඩංගුවට ගෙන තිබේ.

මෙසේ අත්අඩංගුවට ගෙන ඇත්තේ 59 හැවිරිදි එහි කළමනාකරු වශයෙන් කටයුතු කරන පුද්ගලයකු බව පොලිසිය කීය.

වලාන දූෂණ මර්දන ප්‍රහාරක ඒකකයේ ස්ථානාධිපති ප්‍රධාන පොලිස් පරීක්ෂක ඉන්දික වීරසිංහ මහතාට ලද තොරතුරකට අනුව එම ඒකකයේ අධ්‍යක්ෂ පොලිස් අධිකාරී කේ. ඒ උදයකුමාර මහතාගේ සැලසුමකට අනුව දෙල්කඳ පිහිටි අදාළ වාහන අමතර කොටස් අලෙවි සමාගම පෙරේදා (15) වැටලීමට ලක්කර තිබිණි.

මෙහි මත්පැන් තොග වශයෙන් සඟවා තබා කොට්ටාව ප්‍රදේශයේ ව්‍යාපා රිකයෙක් විසින් කොල්ලුපිටි හා කොට්ටාවේ පිහිටි බේස් (BASE) රාත්‍රි සමාජ ශාලා වෙත රැගෙන යන බවට සිදුකළ මුලික පරීක්ෂණවලදී හෙළිව තිබේ.

තීරුබදු නොගෙවා මෙම මත්පැන් ආනයනය කිරීම මගින් රජයට විශාල ආදායමක් අහිමි කර ඇති බවත් සැකකරු විදේශීය මත්පැන් තොගය වැඩිදුර විමර්ශන සඳහා මිරිහාන මූලස්ථාන පොලිසිය වෙත බාරදී ඇති බවත් වලාන දූෂණ මර්දන ප්‍රහාරක ඒකකය පවසයි.

පොලිස් මාධ්‍ය නිවේදනය පහත දැක්වේ.

Continue Reading

Trending

Copyright © 2023 Sri Lanka Mirror. All Rights Reserved