පුවත්
‘INS Mumbai’ නෞකාව එයි (ඡායා)
ඉන්දීය නාවික හමුදාවට අයත් ‘INS Mumbai’ යුද නෞකාව නිල සංචාරයක් සඳහා අද දින (26) උදෑසන කොළඹ වරායට පැමිණි අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.
(මූලාශ්‍රය හා ඡායා : navy.lk)
(පෙර පුවත 2024 අගෝස්තු 26, පෙ.ව.7:58)
ඉන්දීය යුද නැවක් අද කොළඹට
ඉන්දීය නාවික හමුදාවේ ඉදිරිපෙළ යුධ නෞකාවක් වන INS මුම්බායි නෞකාව තෙදින සංචාරයක් සඳහා අද (අගෝස්තු 26) කොළඹට පැමිණීමට නියමිතය.
මෙම නෞකාව ශ්‍රී ලංකා නාවික හමුදාව විසින් උත්සවාකාරයෙන් පිළිගනු ඇත.
INS මුම්බායි නෞකාව දිල්ලි පන්තියේ destroyers යුධ නෞකා අතර තෙවැන්න වන අතර දේශීයව නිෂ්පාදනය කරන ලද එය 2001 ජනවාරි 22 වන දින ශ්‍රී ලංකා නාවික හමුදාවට එක් කරන ලදී. මෙම නෞකාව එහි නම ද වන මුම්බායි නගරයේ මැසගොන් ඩොක් ලිමිටඩ් හි නිෂ්පාදනය කරන ලදී. නෞකාව සිය මැදි ජීවන උත්ශ්‍රේණි කිරීම සම්පූර්ණ කර 2023 දෙසැම්බර් 08 වන දින විසාකාපට්නම් හිදි නැගෙනහිර නාවික විධානය සමඟ එක් විය. මෙය INS මුම්බායි නෞකාව විසින් ශ්‍රී ලංකාවේ වරායක් වෙත සිදු කරනු ලබන ප්‍රථම සංචාරය වන අතර මෙම වසරේදී ශ්‍රී ලංකාවට පැමිණි අට වන නෞකාව වේ. ඉන්දීය නාවික හමුදාවේ INS කබ්රා, කරන්ජ්, කමෝර්තා සහ ශල්කි නෞකාවන් මෙන්ම ඉන්දීය වෙරළාරක්ෂක බලකායේ සමර්ථ්, අභිනව් සහ සැෂේ නෞකාවන් ද මෙම වසරේදී ශ්‍රී ලංකාවට පැමිණියේය.
INS මුම්බායි නෞකාව ශ්‍රී ලංකා ගුවන් හමුදාව විසින් මෙහෙයවනු ලබන ඩෝනියර් සමුද්‍රීය නිරීක්ෂණ ගුවන් යානය සඳහා අත්‍යාවශ්‍ය අමතර කොටස් රැගෙන එනු ඇත. ඩෝනියර් ගුවන් යානය දෙවසරකට පෙර ශ්‍රී ලංකා ගුවන් හමුදාවට එක් කරන ලද අතර එතැන් සිට ශ්‍රී ලංකාවේ මුහුදු වගකීම් කලාපය සඳහා සුවිශේෂි සහ තීරණාත්මක ආවේක්ෂණ හැකියාවක් ලබා දී ඇත. එසේම මෙය ශ්‍රී ලංකාවේ විශාල සුවිශේෂී ආර්ථික කලාපයේ සෙවීම් සහ මුදවාගැනීමේ හැකියාව ද බෙහෙවින් ඉහළ නංවා ඇත. ශ්‍රී ලංකා ගුවන් හමුදාවේ නියමුවන් සහ ගුවන් යානා මෙහෙයවන්නන් පුහුණු කිරීමට අමතරව ඉන්දියානු නාවික හමුදාව තාක්ෂණ කණ්ඩායමන් සහ අමතර කොටස් සමඟින් ගුවන් යානයේ නඩත්තුව සඳහා ද සහයෝගය ලබා දෙයි. මෙම වසර මුලදී පැමිණි ඉන්දීය නෞකාවක් විසින් අවශ්‍ය ද්‍රව්‍ය ආධාර ගෙන එන ලදී. INS කබ්රා සහ පසුව ICGS සැෂේ නෞකාවන් විසින් ශ්‍රී ලංකා වෙරළාරක්ෂක බලකායේ සුරක්ෂා නෞකාව සඳහා අමතර කොටස් රැගෙන එන ලදී.
කොළඹ රැඳී සිටින කාලය තුළ INS මුම්බායි නෞකාව ශ්‍රී ලංකා නාවික හමුදා සාමාජිකයන් සඳහා නෞකාව තුළ හුරු පුරුදු කිරීමේ සංචාරයන් පවත්වනු ඇති අතර එහි අරමුණ වන්නේ දෙරට නාවික හමුදාවන් අතර මනා පිළිවෙත් බෙදා හදා ගැනීමයි. මෙම මාසය මුලදී ශල්කි සබ්මැරීනය විසින් සිදු කළ සංචාරය අතරතුරදී ත්‍රිකුණාමලය නාවික සහ සමුද්‍රීය ඇකඩමියේ දීර්ඝ කාලීන විශේෂිකරණ පාඨමාලාවේ ශිෂ්‍ය නිලධාරීන් සහ කැඩෙට් නිලධාරීන් සඳහා සබ්මැරීනය වෙත සංචාරයක් සංවිධානය කර තිබූ බව ද මෙහි ලා සිහිපත් කළ යුතුය. ඉන්දීය නාවික හමුදාව ශ්‍රී ලංකා නාවික හමුදාවේ ධාරිතා ගොඩනැගීම සඳහා ඉන්දියාවේ ජලගෝලීය විද්‍යාව යන ප්‍රධාන ක්ෂේත්‍රය ඇතුළු විවිධ විශේෂ‍ඥ පාඨමාලා ද ලබා දෙයි.
INS මුම්බායි නෞකාව කොළඹට පැමිණීමෙන් අනතුරුව නෞකාවේ අණදෙන නිලධාරිතුමා බටහිර නාවික මූලස්ථානයේදී බටහිර නාවික ප්‍රදේශය භාර අණදෙන නිලධාරී රියර් අද්මිරාල් ඩබ්. ඩී. සී. යූ. කුමාරසිංහ මහතා හමු වනු ඇත. නෞකාවේ කාර්ය මණ්ඩලය විවිධ ක්‍රීඩා කටයුතු, යෝගා සහ වෙරළ පිරිසිදු කිරීමේ වැඩසටහන් වැනි විවිධ ඒකාබද්ධ කාර්යයන්හි ද නිරත වනු ඇත.
අරාබි මුහුද සහ බෙංගාල බොක්ක හරහා ගමන් කරන අතරතුර ශ්‍රී ලංකාවේ වරායන් වෙත පැමිණීම ඉන්දියානු නාවික හමුදාව සම්ප්‍රදායක් ලෙස සිදු කරන දෙයකි. මෙම සංචාරය නෞකාවට අවශ්‍ය ඉන්ධන සහ අනෙකුත් සැපයුම් සම්පාදනය කර ගැනීමට සිදු කරන සංචාරයක් ලෙස හඳුන්වා දිය හැකිය. මෙම සංචාරය අතරතුර නෞකාවේ කාර්ය මණ්ඩලය සඳහා විවේක ගැනීමට සහ ප්‍රබෝධවත් වීමට ද කාලය හිමි වනු ඇති අතර නගරයේ වැදගත් ස්ථාන මෙන්ම කොළඹ සහ ගාල්ලේ ජනප්‍රිය සංචාරක ආකර්ෂණ ස්ථාන ද දැක බලා ගැනීමට අවස්ථාව හිමි වනු ඇත.
INS මුම්බායි නෞකාව 2024 අගෝස්තු 29 වන දින දිවයිනෙන් පිටත්ව යනු ඇත.
මුහුදු පත්ල පිරිසිදු කිරීම ත්‍රිකුණාමලයෙන් ඇරඹේ
Starlink සේවා මෙරට ඇරඹීමට සියලු වැඩ සම්පූර්ණයි – එරංග
හල්ලොලුවගේ වාහනයට වෙඩිතැබීමේ සිද්ධියට තවත් 2ක් අත්ඩංගුවට
-
පුවත්2 days agoකඩුවෙල NSB බැංකු ශාඛාවේ කෝටි 13ක වංචාවේ කත රිමාන්ඩ්
-
පුවත්1 week ago2025ට මුදල් වෙන් කළ ව්යාපෘති රැසක් අතරමඟ
-
පුවත්1 week agoදුමින්ද දිසානායක රිමාන්ඩ් (Update)
-
පුවත්5 days ago“පත්තර මල්ලී” හෙටින් ඉවරයි
-
පුවත්6 days agoNEXTට පසු සේවක බිල්ල වැලිගම MICHELIN?; MICHELIN හි වැඩි කොටස ඉන්දියානු සියැට් ගනියි