Connect with us

පුවත්

ඉන්ධන සැපයීම ගැන ලංවිමෙන් පැහැදිලි කිරීමක්

Published

on

ලංකා විදුලිබල මණ්ඩලය තාප විදුලි බලාගාරවලට ඉන්ධන සැපයීම පිළිබඳව විශේෂ නිවේදනයක් නිකුත් කර තිබේ.

එහි සඳහන්ව ඇත්තේ, මෑත කාලීන පුවත් ලිපි කිහිපයක ‘ඉන්ධන’ යන වචනය වැරදි ලෙස අර්ථකතනය කිරීම පැහැදිලි කිරීමට බලාපොරොත්තු වන බවය.

එමෙන්ම ලංකා විදුලිබල මණ්ඩලය විදුලිය නිපදවීම සඳහා ඛනිජතෙල් ඉන්ධන වර්ග තුනක් භාවිතා කරන බව ද අදාළ නිවේදනයේ දැක්වේ.

– උපුටාගැනීම – 

* බැර තෙල් (HFO) – 2024 වර්ෂයේදී සැප්තැම්බර් මස 30 වෙනි දිනට 715.3 GWh (මුළු විදුලි නිෂ්පාදනයෙන් 5.8 %) 

* නැප්තා (Naphtha) – 2024 වර්ෂයේදී සැප්තැම්බර් මස 30 වෙනි දිනට 235.5 GWh (මුළු විදුලි නිෂ්පාදනයෙන් 1.9 %) 

* ඩීසල් (Diesel) – 2024 වර්ෂයේදී සැප්තැම්බර් මස 30 වෙනි දිනට 133.1 GWh (මුළු විදුලි නිෂ්පාදනයෙන් 1.1 %)

බැර තෙල් (HFO) සහ නැප්තා (Naphtha) යන වර්ග දෙකම තෙල් පිරිපහදුවේ අතුරු නිෂ්පාදන වේ. 

වෙනත් සැපයුම්කරුවකු නොමැති බැවින් ලංකා විදුලිබල මණ්ඩලය මෙම ඉන්ධන CPC වෙතින් මිලදී ගන්නේ අන්නෝන්‍ය වශයෙන් එකඟ වූ මිලකටය. 

තරඟකාරී ලංසු තැබීම් මඟින් ලංකා විදුලිබල මණ්ඩලයට මිලදී ගත හැකි එකම ඉන්ධනය ඩීසල් වන අතර, ඩීසල් සඳහා පමණක් බෙදාහරින්නන් කිහිපදෙනෙකු සිටින අතර, ඔවුන්ගෙන් සමහරක් මෑතකදී සිය ව්‍යාපාර කටයුතු ආරම්භ කර ඇත.

කෙසේ වෙතත්, ලංකා විදුලිබල මණ්ඩලය මීට පෙර පැවති කළමනාකාරීත්වය යටතේ පවා විදුලි උත්පාදනය සඳහා තරඟකාරී ලංසු මඟින් ඩීසල් මිලදී ගෙන නොමැත.

විදුලි උත්පාදනය සඳහා තරගකාරී ලෙස ඩීසල් මිලදී ගැනීමට එරෙහිව නව කළමනාකාරීත්වය කිසිදු තීරණයක් ගෙන නොමැති බව අවධාරණය කරමු.

ලංකා විදුලිබල මණ්ඩලය ඩීසල් ඉන්ධනය ආර්ථික වශයෙන් ශක්‍ය විදුලි උත්පාදන විකල්පයක් ලෙස නොසලකයි. ඊට අමතරව පිරිසිදු බලශක්තිය වෙත සංක්‍රමණය වීම සඳහා ශ්‍රී ලංකාවේ විමෝචන ඉලක්ක සැලකිල්ලට ගනිමින් පරිවර්තනය වෙමින් පවතී. 

කෙසේ වෙතත්, වර්තමාන ජනන මිශ්‍රණය සැලකිල්ලට ගනිමින් සහ අනෙකුත් විශාල විදුලි බලාගාරවල බිදවැටුම් යථා තත්ත්වයට පත් කිරීමේ කටයුතුවලදී පමණක් උපරිම ඉල්ලුම සපුරාලීම සඳහා ඩීසල් බලාගාරවල අවම භාවිතයක් අවශ්‍ය වේ.

විදුලි උත්පාදනය සඳහා ඩීසල් භාවිතා කිරීම අවම හා කෙටි කාලීනවනු ඇත. 2024 වර්ෂයේදී සැප්තැම්බර් මස 30 වෙනි දිනට ඩීසල් භාවිතයෙන් විදුලිය නිපදවා ඇත්තේ 1.1% ක ප්‍රමාණයක් පමණි.

– උපුටා ගැනීම ගැන අවසන් – 

පුවත්

හිටපු මෝටර් රථ ප්‍රවාහන කොමසාරිස්ට ඇප

Published

on

By

ශ්‍රී ලංකා රේගුවේ නිෂ්කාශනය නොවී මෝටර් රථ ප්‍රවාහන දෙපාර්තමේන්තුවේ අනීතික ලෙස ලියාපදිංචි වී ඇති මෝටර් රථයක් සඳහා අංක තහඩුවක් නිකුත් කිරීම සඳහා අනුමැතිය දීම සම්බන්ධයෙන් සැකපිට අත්අඩංගුවට ගත් හිටපු මෝටර් රථ කොමසාරිස් ජෙනරාල් නිශාන්ත අනුරුද්ධ වීරසිංහ ඇතුළු සැකකරුවන් හතර දෙනෙකු ඇප මත මුදා හරින ලෙස කොළඹ මහේස්ත්‍රත් අධිකරණය නියම කර තිබේ.

අල්ලස් කොමිසමේ සහ විත්තියේ නීතිඥවරු ඉදිරිපත් කළ කරුණු සලකා බැලීමෙන් අනතුරුව කොළඹ ප්‍රධාන මහෙස්ත්‍රාත් තනූජා ලක්මාලී ජයතුංග මහත්මිය මෙම නියෝගය නිකුත් කළාය.

ඒ අනුව සැකකරුවන් තුන් දෙනෙකු රුපියල් මිලියනය බැගින් වූ ශරීර ඇප දෙකක් හා එක් සැකකරුවෙකු රුපියල් ලක්ෂ 5 ක ශරීර ඇපයක් මත මුදා හැරීමට ප්‍රධාන මහෙස්ත්‍රාත්වරිය නියෝග කළාය.

සැකකරුවන්ගේ විදෙස් ගමන් තහනම් කල මහෙස්ත්‍රාත්වරිය සැකකරුවන්ගේ විදේශ ගමන් බලපත්‍ර අධිකරණය හමුවට භාර දෙන ලෙසත් නියෝග කළාය.

ඉන් අනතුරුව නඩුව යළි නොවැම්බර් 14 යළි කැඳවීමටද මහෙස්ත්‍රාත්වරිය නියම කළාය.

Continue Reading

පුවත්

ගොවි විශ්‍රාම වැටුප ගැන නිවේදනයක්

Published

on

By

විශ්‍රාම වැටුප් අහිමිවී සිටින ගොවීන් සඳහා මේ මස සිට එම විශ්‍රාම වැටුප් ලබාදීමට අවශ්‍ය කටයුතු සැලසුම් කර ඇති බව ගොවිජන රක්ෂණ මණ්ඩලය පවසයි.

සිය ගැටලුව සම්බන්ධයෙන් ගොවීන් රජය වෙත කළ ඉල්ලීම් සලකා බලා එම විශ්‍රාම වැටුප් ගෙවීමට පියවර ගෙන ඇති බව එම මණ්ඩලය සඳහන් කළේය.

2012 /2013 කාලය තුළ ගොවි විශ්‍රාම වැටුප් අරමුදලට සිදුවු බලපෑම හේතුවෙන් විශ්‍රාම වැටුප් ගෙවීමේ කටයුතු තාවකාලිකව අත්හිටුවීම මත විශ්‍රාම වැටුප් යෝජනා ක්‍රමයට දායක වී සිටින ගොවීන්ගේ පසුවාරික අයකිරීමේ ක්‍රියාවලිය අඩාල වී ඇති බව සඳහන්ය.

මෙම තත්ත්වය හේතුවෙන් එම යෝජනා ක්‍රමය යටතේ දායකත්වය ලබා සිටි ගොවීන්ට වාරික නිසි පරිදි ගෙවීමට නොහැකි වී තිබේ.

මේ හේතුවෙන් වයස අවුරුදු 60 සම්පුර්ණ වන අවස්ථාවේ දී නොකඩවා කන්න දෙකක් තුළ වාරික 5ක් නියමිත දිනට නොගෙවීම මත ගෙවිය යුතු සම්පුර්ණ වාරික මුදලින් සියයට 75කට නොඅඩු වාරික ප්‍රමාණයක් ගෙවා ඇති ගොවීන්ට වැටුප් හිමිකම් අහිමි වී තිබුණි.

කෙසේවෙතත් මෙම වාරික ගෙවීමට නොහැකි වීම ගොවීන්ගේ අතපසුවීමක් නොවන බව ගොවි ජන රක්ෂණ මණ්ඩලය පෙන්වා දුනි.

ඒ අනුව අදාළ ඉල්ලීම් සලකා බලා සියයට 75ට වැඩි වාරික මුදලක් ගොවි විශ්‍රාම වැටුප් ලබා ගැනීම සඳහා ගෙවා ඇති ගොවීන් වෙනුවෙන් අදාළ වාරික මුදලට ගැලපෙන ප්‍රතිශතාත්මක මුදලක් විශ්‍රාම වැටුප ලෙස ලබා දීම සම්බන්ධයෙන් කෘෂි කර්ම අමාත්‍යවරයා දැනුවත් කර තිබේ.

ඒ අනුව ගොවි විශ්‍රාම වැටුප් උපදේශක කාරක සභාව වෙත යොමුකර එහි නිර්දේශ අධ්‍යක්ෂ මණ්ඩලය වෙත ඉදිරිපත් කිරීමෙන් පසුව මාසිකව ගොවි විශ්‍රාම වැටුප් ලබා ගැනීමේ අවස්ථාව මේ මස සිට ගොවීන්ට ලබාදීමට කටයුතු සංවිධානය කර ඇති බව ගොවි ජන රක්ෂණ මණ්ඩලය සඳහන් කළේය.

Continue Reading

පුවත්

කරදියාන කසළ අංගනයේ ගින්නක්

Published

on

By

පිළියන්දල කරදියාන කසළ අංගනයේ ගින්නක් හටගෙන ඇතැයි පිළියන්දල පොලිසිය පවසයි.

ගින්න නිවීම සඳහා මොරටුව නගර සභාවේ ගිනි නිවීමේ ඒකකයේ ජල බව්සර් හතරක්, ගිනි නිවීමේ රථ දෙකක් සහ ගිනිබටයන් 15කුත් කණ්ඩායමක් ඒ සඳහා යොමු කර ඇති බව එහි ස්ථාන භාර නිලධාරී දුල්සිරි කුමාර මහතා පැවසුවේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved