Connect with us

පුවත්

උතුරු නැගෙනහිර ඉඩම් ගැන ජනපතිගෙන් පුරාවිද්‍යා අධ්‍යක්ෂට නියෝගයක්!

Published

on

නැවත දැනුම් දෙනතුරු උතුරු හා නැගෙනහිර පළාත්වල ඉඩම් අත්පත් කර ගැනීම වහාම නවත්වන ලෙස ජනාධිපති රනිල් වික්‍රමසිංහ මහතා පුරාවිද්‍යා අධ්‍යක්ෂවරයාට නියෝග කර ඇතැයි වාර්තා වේ.

ජනාධිපතිවරයා හා උතුරු නැගෙනහිර පළාත්වල දෙමළ දේශපාලන පක්ෂ පාර්ලිමේන්තු මන්ත්‍රිවරුන් අතර ජනාධිපති ලේකම් කාර්යාලයේදී පැවැති සාකච්ඡාවකින් පසු මෙම නියෝගය සිදු කර ඇත.

උතුරු හා නැගෙනහිර පළාත්වල ජනතාවගේ ඉඩම් ගැටලුව, දේශපාලන විසඳුම් ගෙන ඒම සහ පළාත් සංවර්ධනය පිළිබඳ පසුගිය 11,12 සහ13 දිනවලදී ජනාධිපති ලේකම් කාර්යාලයේදී සාකච්ඡා කිරීමට නියමිතව තිබිණි. 

එහෙත් 11 සහ 12 දෙදින පමණක් එම සාකච්ඡාව පැවැත්වීමට තීරණය වූයේ එම පළාත් සංවර්ධය පිළිබඳ වෙනම දිනයක සාකච්ඡා කිරීමට එකඟතාව පළවීමෙන් පසුවය.

මෙම සාකච්ඡාවේදී දෙමළ දේශපාලන පක්ෂ නියෝජිතයන් ජනාධිපතිවරයා හමුවේ පෙන්වා දී තිබුණේ වනජීවී දෙපාර්තමේන්තුව, මහවැලි සංවර්ධන අධිකාරිය හා පුරාවිද්‍යා දෙපාර්තමේන්තුව එක්ව දෙමළ ජනතාවට අයත් ඉඩම් අසාධාරණ අන්දමින් අත්පත් කරගෙන සිටින බවයි. 

පුරාවිද්‍යා දෙපාර්තමේන්තුව හිතුම තේට පුරාවිද්‍යා ස්ථාන වශයෙන් විවිධ ඉඩම් නම් කර මෙම ක්‍රියාවලිය සිදුකරගෙන යන බව ඔවුහු පෙන්වා දී තිබේ.

එහිදී දෙමළ දේශපාලන නියෝජිතයන් වැඩිදුරටත් පවසා තිබුණේ මේ ගැන සොයා බලා ස්ථිර තීරණයක් ගන්නාතුරු ඉඩම් අත්පත් කර ගැනීම් නවතන ලෙස අදාළ රාජ්‍ය ආයතන ප්‍රධානීන්ට නියෝග කරන ලෙසයි. 

තවද, ත්‍රස්තවාදය වැළැක්වීමේ පනත අහෝසි කරමින් එම පනත යටතේ අත්අඩංගුවට ගෙන දීර්ඝ කාලයක සිට රක්ෂිත බන්ධනාගාරගත කර සිටින එල්.ටී.ටී.ඊ. සැකකරුවන් නිදහස් කරන ලෙසද ඔවුන් ජනාධිපතිවරයාගෙන් ඉල්ලා තිබේ.

එහිදී ජනාධිපතිවරයා නීතිපතිවරයාගෙන්ද මේ පිළිබඳ ප්‍රශ්න කර ඇති අතර නීතිපතිවරයා පවසා ඇත්තේ මොවුන් සම්බන්ධයෙන් කඩිනමින් සොයා බලා එම නඩු කඩිනම් කරන බවයි.

ප්ලොට් හා ටෙලෝ පක්ෂ එහිදී සඳහන් කර සිටියේ මෙම සාකච්ඡාවට පාදක වූ කාරණා ගැන මීට පෙරද ජනාධිපතිවරයා සමග සාකච්ඡා කළද එහිදී ගත් තීරණ ක්‍රියාත්මක නොවූ බැවින් මෙය කාලය කා දමන සාකච්ඡාවක් කර නොගන්නා ලෙසයි.

මූලාශ්‍රය – අරුණ

සබැදි පුවත්

බලය බෙදීම ගැන ජනපති හෙට තවත් සාකච්ඡාවක

පුවත්

පොසොන් උත්සවයට විශේෂ ප්‍රවාහන පහසුකම්

Published

on

By

පොසොන්  සමයේ අනුරාධපුරයට හා මිහින්තලයට පැමිණෙන සැදැහැවතුන් වෙනුවෙන් විශේෂ ලංගම බස්රථ සේවාවක් ක්‍රියාත්මක කරන බව අමාත්‍ය ආචාර්ය බන්දුල ගුණවර්ධන මහතා පවසයි.

අමාත්‍යවරයා වැඩිදුරටත් පවසා සිටියේ, උතුරු දුම්රිය මාර්ගයේ ප්‍රතිසංස්කරණ පොසොන් පොහොයට පෙර නිම කිරීමට නොහැකි බැවින් මෙම පියවර ගන්නා බවයි.

හෝමාගම,   පිටිපන පාසල් හන්දියේ සිට සිංහ අරන දක්වා මාර්ගය කාපට් අතුරා සංවර්ධනය කිරීම ආරම්භ කෙරුණේ අමාත්‍ය බන්දුල ගුණවර්ධන මහතාගේ ප්‍රධානත්වයෙනි.

මීටර් 800ක දුරක් මාර්ගය සංවර්ධනය කෙරෙන අතර ඒ සදහා වෙන් කෙරෙන මුදල රුපියල් මිලියන 13කි.

Continue Reading

පුවත්

උතුරු දුම්රිය මාර්ගයේ සංවර්ධන කටයුතු නිමවීමට තව කල් යයි

Published

on

By

උතුරු දුම්රිය මාර්ගයේ සංවර්ධන කටයුතු එළඹෙන පොසොන් පොහොයට පෙර නිම කිරීමට හැකියාවක් නොමැති බව කැබිනට් මාධ්‍ය ප්‍රකාශක ප්‍රවාහන අමාත්‍ය බන්දුල ගුණවර්ධන මහතා පවසයි.

අද (28) පැවැති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියෙකු විසින් යොමුකළ ප්‍රශ්නයකට පිළිතුරු දෙමින් අමාත්‍යවරයා ඒ බව සඳහන් කළේය.

අමාත්‍යවරයා මෙහිදී පවසා සිටියේ, උතුරු දුම්රිය මාර්ගයේ සංවර්ධන කටයුතු අගෝස්තු මාසය වනවිට නිමකළ හැකි බවය.

Continue Reading

පුවත්

වතු ගැන ජනපති ගෙනා විශේෂ යෝජනාවට අනුමැතිය

Published

on

By

ශ්‍රී ලංකා රාජ්‍ය වැවිලි සංස්ථාව, ජනතා වතු සංවර්ධන මණ්ඩලය සහ සීමාසහිත ඇල්කඩුව වැවිලි සමාගම යන ආයතනවලට අදාළ හිඟ ව්‍යවස්ථාපිත දීමනා ගෙවීම සඳහා අවශ්‍ය අරමුදල් මහා භාණ්ඩාගාරය වෙතින් සලසා දීමට අමාත්‍ය මණ්ඩල අනුමැතිය හිමිව තිබේ.

ජනාධිපතිවරයා විසින් අදාළ යෝජනාව අමාත්‍ය මණ්ඩලයට ඉදිරිපත් කරන ලදී.

ඒ අනුව අදාළ හිඟ ව්‍යවස්ථාපිත දීමනා නිරවුල් කිරීමෙන් පසුව 1958 අංක 15 දරන සේවක අර්ථසාධක අරමුදලට අනුව ආයතනයන් විසින් ගෙවිය යුතු අධිභාර මුදල්වලින් අඩුකළ හැකි උපරිම ප්‍රමාණය අඩුකිරීමට කම්කරු කොමසාරිස් ජනරාල්වරයාට උපදෙස්දීමට ජනාධිපතිවරයා සිය යෝජනාව මගින් කරුණු ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved