Connect with us

පුවත්

උතුරු – නැගෙනහිර බිම්බෝම්බ ඉවත් කරන්න තවදුරටත් ජපානයේ සහය

Published

on

ජපන් රජයේ  “බිම් මට්ටමේ මානව ආරක්ෂණ ආධාර ප්‍රදාන වැඩසටහන යටතේ (GGP)” යටතේ බිම්බෝම්බ ඉවත් කිරීමේ ව්‍යාපෘති දෙකකට ආධාර ප්‍රදාන ගිවිසුම් අත්සන් කිරීමක් ඊයේ (27) කොළඹදී සිදුකරුණි.

මෙම අවස්ථාවට මෙරට සිටින ජපන් තානාපති – මිසුකොෂි හිදයකි මහතා, මැග් ආයතනයේ (MAG) මෙරට අධ්‍යක්ෂ ක්‍රිස්ටි මැක්ලෙනන් මෙනවිය සහ HALO භාරයේ වැඩසටහන් කළමනාකරු ස්ටීවන් හෝල් මහතා මෙම අවස්ථාවට එක්විය.

ශ්‍රී ලංකාවේ උතුරු සහ නැගෙනහිර පළාත්වල මානුෂීය බිම්බෝම්බ ඉවත් කිරීමේ කටයුතු සඳහා සිය සහය ලබා දීම සඳහා MAG සහ HALO භාරය සමඟ එක්ව මෙම ව්‍යාපෘති දෙක සඳහා ජපන් රජය විසින් ඇමරිකානු ඩොලර් 729,925 ක (ආසන්න වශයෙන් රුපියල් මිලියන 238 ක) සම්පූර්ණ මුදලක් මෙම ආයතන දෙකට ලබා දී ඇත. ජපානය 2002 වසරේ සිට ශ්‍රී ලංකාවේ බිම්බෝම්බ ඉවත් කිරීමේ කටයුතු සඳහා ප්‍රධාන දායකත්වය සපයනු ලබන අතර, දැනට ලබා දී ඇති මුළු ආධාර ප්‍රමාණය ඇමෙරිකානු ඩොලර් මිලියන 44 ඉක්මවයි.

MAG සහ HALO ආයතන මෙම ව්‍යාපෘති දෙක හරහා උතුරු සහ නැගෙනහිර පළාත්වල 10,977 කට ආසන්න අභ්‍යන්තර අවතැන් වූවන් සඳහා නැවත පදිංචි කිරීම සහ ජීවනෝපාය ආධාර ලබා දීම සඳහා ඒක්ව දායක වී කටයුතු කරනු ඇතැයි අපේක්ෂා කෙරේ.

ජපානයේ ශ්‍රී ලංකාව සඳහා වන නිල සංවර්ධන ආධාර ප්‍රතිපත්තියේ ප්‍රමුඛතා ක්ෂේත්‍රවලින් එකක් වන්නේ ගැටුම්වලින් පීඩාවට පත් ප්‍රදේශ සංවර්ධනය කිරීමයි.

බිම්බෝම්බ ඉවත් කිරීමේ ක්‍රියාකාරකම්වල ප්‍රමුඛතම පරිත්‍යාගශීලියෙකු ලෙස ජපන් රජය සිය කාර්යභාරය ඉටු කරමින් සිටින බවත්, බිම් බෝම්බවලින් තොර ශ්‍රී ලංකාවක් සාක්ෂාත් කර ගැනීම සඳහා අවශ්‍ය සහයෝගය මේ තුළින් අඛණ්ඩව ලබා දෙන බවත් තානාපති මිසුකොෂි මහතා තරයේ අවධාරණය කළේය.

මෙම ආධාර ප්‍රදානය පිළිබඳව අදහස් දක්වමින්, ක්‍රිස්ටි මැක්ලෙනන් මහත්මිය මෙසේ ප්‍රකාශ කළාය :

“2002 වසරේ, ශ්‍රී ලංකා බිම්බෝම්බ ක්‍රියාකාරී වැඩසටහන ආරම්භයේ සිටම ජපානය බිම්බෝම්බ ඉවත් කිරීමේ ක්ෂේත්‍රයේ ප්‍රධාන පරිත්‍යාගශීලියෙකි. ජපන් රජයේ ආධාර තුළින් පමණක්, MAG විසින් වර්ග මීටර් 3,300,000කට අධික බිම්බෝම්බ වලින් දූෂිත භූමි ප්‍රමාණයක් දැනට නිදහස් කර ඇති අතර, දශක දෙකකට අධික කාලයක් පැවති ගැටුම්වලින් ඒම භූමියේ ඉතිරිව තිබූ පුපුරණ ද්‍රව්‍ය සහ යුද ශේෂයන් (ERW) 16,500කට වඩා ඉවත් කර ඇත. මෙම නව ව්‍යාපෘතිය මගින් ශ්‍රී ලංකාවේ උතුරු සහ නැගෙනහිර ප්‍රදේශයේ අමතර වර්ග මීටර් 194,896ක භූමි ප්‍රමාණයක් එළිපෙහෙළි කර, නේවාසික සහ නැවත පැමිණෙන ප්‍රජාවන්ට ජීවිත තර්ජන හා තුවාල සිදුවීමේ සම්භිවිතාව අවම කර 5,577  දෙනෙකුගේ ජීවනෝපාය ඉහළ නැංවීමට අපේක්ෂා කෙරේ. මෙම ව්‍යාපෘතිය හරහා සැකසූ ආරක්ෂිත භූමිය, කෘෂිකාර්මික සංවර්ධනය, යටිතල පහසුකම් සඳහා ප්‍රවේශය ලබා දීම මෙන්ම ස්වභාවික සම්පත් සඳහා යොදා ගනු ඇතැයි අපේක්ෂා කෙරේ. මෙරට දිස්ත්‍රික්ක අටක් පුරා 1,000කට අධික කාර්ය මණ්ඩලයක් අප විසින් සේවයේ යොදවා ඇති අතර  බිම් බෝම්බ සහ අනෙකුත් ERW ව්‍යසනයෙන් රට මුදවා ගැනීමට උපකාර කිරීම සඳහා MAG 2002 සිට ශ්‍රී ලංකාවේ කටයුතු කර ඇත. අද දින ජපන් රජයෙන් මෙම විශේෂිත වූ, අඛණ්ඩ සහයෝගය ලැබීම ගැන අපි ආඩම්බර වන අතර ශ්‍රී ලංකාව බිම්බෝම්බ  වලින් නිදහස් වන තෙක් අපගේ හවුල්කාරිත්වය දිගටම පවතිනු ඇතැයි ද අපි බලාපොරොත්තු වෙමු.

මෙම ආධාර ප්‍රදානය පිළිබඳව ස්ටීවන් හෝල් මහතා මෙසේ පැවසීය :

“HALO භාරය, ජපන් රජයට, එහි අඛණ්ඩ විශ්වාසය සහ ත්‍යාගශීලී සහයෝගය වෙනුවෙන් ඉතාමත් කෘතඥ වෙනවා – ඔවුන් අපගේ දීර්ඝතම ආධාර සපයන්නායි. උතුරු ශ්‍රී ලංකාවේ යුද්ධයේ පුපුරණ ද්‍රව්‍ය ඉවත් කිරීමට වසර 21ක් පුරා ලැබුනු මානුෂීය සහය  තුළින් HALO හට පුද්ගල නාශක බිම් බෝම්බ 283,000කට අධික ප්‍රමාණයක් සොයා ගැනීමට සහ විනාශ කිරීමට හැකි වූ අතර තවද, මීට පෙර බිම්බෝම්බ වලින් දූෂිත වූ භූමි ප්‍රමාණයෙන් කිලෝමීටර් 117ක් මුදා හැරීමට අප සමත් වී ඇත. ඒමෙන්ම 280,000 කට අධික අභ්‍යන්තර අවතැන් වූවන් ආරක්ෂිතව නැවත පදිංචි කිරීමට මෙමගින් හැකියාව ලැබී ඇත. තවද ජපානයෙන් ලැබෙන අරමුදල් දේශීය කාන්තාවන් සහ පිරිමින් සිය ගණනකට ස්ථාවර ආදායමක් සහ ජීවනෝපායක් ද සපයයි. HALO භාරයට සහ තවත් බිම්බෝම්බ ඉවත් කරනා ආයතන තුනකට ජපන් රජයෙන් ලැබෙන මෙම අඛණ්ඩ සහයෝගය, 2028 ජුනි 1 වන විට, හඳුනාගන්නා ලද සියලුම බිම්බෝම්බ සහ අනෙකුත් පුපුරණ ද්‍රව්‍ය ඉවත් කිරීමේ වගකීම් ඉටු කරමින්, පුද්ගල නාශක බිම්බෝම්බ තහනම් කිරීමේ ගිවිසුමට ශ්‍රී ලංකා රජය එක් පියවරක් සමීප කරවීමට මෙම වැඩසටහන පියවර ගෙන ඇත.

පුවත්

“අනුර එක්ක විවාදෙට මම එනවා”

Published

on

By

ජාතික ජනබලවේගයේ නායක අනුර කුමාර දිසානායක මහතා සහ විපක්ෂ නායක සජිත් ප්‍රේමදාස මහතා අතර ලබන 06 වැනිදා පැවැත්වීමට නියමිත විවාදයට විපක්ෂ නායකවරයා නොපැමිණෙන බැවින් ඒ සදහා තමා සහභාගී වීමට සුදානම් බව මව්බිම ජනතා පක්ෂයේ නායක දිලිත් ජයවීර මහතා පවසයි

ඔහු මේ බව ප්‍රකාශ කළේ ලයිට්හවුස් දේශන ශාලාවේ පසුගිය බදාදා (22) පැවති ජනරජ දින සැමරුම සදහා එක්වෙමිනි.

“දැන් අනුර කුමාර ආරාධනා කරලා තියෙනවා රාජකීය විද්‍යාලයේ අහිංසක ආදී ශිෂ්‍යයෙක් වෙච්ච සජිත් ප්‍රේමදාස මහතාට. එතුමා අහිංසකයෙක්. ඇයි එතුමාට කරදර කරන්නේ. එතුමාට ඉන්න දෙන්න. දැන් මමත් අනුර කුමාරත් සමකාලීනයෝ. ඔහු උපාධිය ගත්තේ ටිකක් පරක්කු වෙලා. හැබැයි අපි දෙන්නා එක වයසේ. මමත් සමාජයේ යම්කිසි දෙයක් ලබා ගත්ත පුද්ගලයෙක් හැටියට සලකන්න පුළුවන්.ඒ නිසා මාත් එක්ක ලබන 6 වැනිදා දාපු සජිත් නොඑන විවාදයට දිලිත් ජයවීර එන්න කැමති කියලා පොඩ්ඩක් දා ගන්න. මම එතුමාගෙන් අමාරු ප්‍රශ්න කිසිවක් අහන්නේ නැති බවත් එතුමාගේ ඇදුම් පැළදුම් ගැනවත්, එතුමාගේ ව්‍යාපාරික පන්තිය ඒ චාරිකා ගැනවත්, පුද්ගලික ජීවිතය ගැනවත් මම අහන්නේ නැහැ.”

“එම විවාදයේදී අනුර කුමාර දිසානායකට මගෙන් අහන්න පුළුවන් නයා ගැන, පැණිය ගැන, ඇන්ටිජන් ගැන. මට ඒවාට උත්තර දෙන්නත් පුළුවන්.” 

Continue Reading

පුවත්

රනිල් යද්දී චන්ද්‍රිකාත් බාලි ;  අමරවීර, දුමින්ද, ලසන්ත, අනුර හා ලන්සයිත් ඉඳලා

Published

on

By

පසුගිය සතියේ ජනාධිපති රනිල් වික්‍රමසිංහ මහතා බාලි දූපතේ සංචාරයක යෙදී සිටින අතර චන්ද්‍රිකා කුමාරතුංග මහත්මිය ද එහි ගොස් සිට ඇති බව වාර්තා වේ.

මෙම සංචාරයේදී රනිල් වික්‍රමසිංහ මහතා සමඟ මහින්ද අමරවීර, දුමින්ද දිසානායක, ලසන්ත අලගියවන්න සහ අනුර යාපා යන ශ්‍රී ලංකා නිදහස් පක්ෂයේ කණ්ඩායමක් ද රැගෙන ගොස් සිටි බව වාර්තා වේ. 

එම සිව්දෙනා බණ්ඩාරනායකවාදීන් ලෙස මෑතක් වනතුරු ම කැපී පෙනුණු අතර ඔවුන්ට අමතරව නිමල් ලන්සා මහතා ද රනිල් වික්‍රමසිංහ මහතා සමඟ සංචාරයට එක්වී ඇති බව මේ වනවිට හෙළිවී තිබේ.

රනිල් වික්‍රමසිංහ ඇතුළු පිරිස මෙන් ම, චන්ද්‍රිකා කුමාරතුංග අතර කිනම් මට්ටමක සාකච්ඡා පැවැත්වූයේ දැයි මේ දක්වා හෙළිවී නැත. 

කෙසේවුවද,, ජනාධිපති රනිල් වික්‍රමසිංහ මහතා ලෝක ජල දිනයට සහභාගී වන බව පවසා ඉන්දුනීසියාව බලා යාම පිළිබඳව මුල සිටම දේශපාලන නිරීක්ෂකයන්ගේ දැඩි අවධානය යොමු වී තිබුණ බව ලංකා ටෲත් වාර්තා කර ඇත.

මූලාශ්‍රය – ලංකා ටෲත් 

Continue Reading

පුවත්

ණය ‍ගෙවීම ගැන පැරිස් සමාජය සහ චීනයේ එක්සිම් බැංකුව හා අවබෝධතා ගිවිසුමක

Published

on

By

ජාත්‍යන්තර මූල්‍ය අරමුදලේ විධායක සභා රැස්වීම අවසන් වීමට පෙර රටේ ණය ප්‍රතිව්‍යුහගත කිරීම සඳහා පැරිස් සමාජය සහ චීනයේ ආනයන – අපනයන බැංකුව (එක්සිම් – EXIM) සමඟ අවබෝධතා ගිවිසුම් අත්සන් කිරීමට උත්සහ දරමින් සිටින බව මුදල් රාජ්‍ය ඇමැති ශෙහාන් සේමසිංහ මහතා කියයි.

ඒ මහතා දිනමිණ පුවත්පතට පවසා ඇත්තේ ණය ප්‍රතිව්‍යුහගතකරණය සම්බන්ධයෙන් එකඟතාවට පැමිණි පසුව මෙලෙස අවබෝධතා ගිවිසුමට අත්සන් කරන බවයි.

අධ්‍යක්ෂ මණ්ඩලය විසින් ශ්‍රී ලංකාවේ විස්තීරණ අරමුදල් පහසුකම් විධිවිධාන පිළිබඳ කඩිනමින් සමාලෝචනය කරනු ඇති අතර එම සමාලෝචනයට පෙර ශ්‍රී ලංකාව අවබෝධතා ගිවිසුම අත්සන් කිරීමට බලාපොරොත්තු වන බව ද ඒ මහතා පෙන්වා දී ඇත.

අන්තර්ජාතික මූල්‍ය අරමුදලේ අධ්‍යක්ෂ මණ්ඩලය විසින් අනුමත කරන මෙම සමාලෝචනය මඟින් ශ්‍රී ලංකාවට ඩොලර් මිලියන 330ක අරමුදල් නිකුත් කරනු ඇති බව සඳහන් කර ඇති ඇමැතිවරයා ඒ අනුව එම ණය වාරිකය ජාත්‍යන්තර මූල්‍ය අරමුදල මඟින් ශ්‍රී ලංකාවට ලබාදෙන විස්තීරණ ණය වැඩසටහනේ තෙවැනි වාරිකය බව ද කියා තිබේ.

ද්විපාර්ශ්වික ණයහිමියන් සමඟ ප්‍රතිව්‍යුහගත කිරීමේ ක්‍රියාවලිය ඉතා ඉක්මනින් අවසන් වනු ඇති බවට ද හෙතෙම විශ්වාසය පළ කර ඇත.

මේ අතර, 2022 සැප්තැම්බර් මාසයේ ශ්‍රී ලංකා මුදල් අමාත්‍යංශය කළ ගණනය කිරීම්වලට අනුව, ශ්‍රී ලංකාව, චීනය වෙත ගෙවිය යුතු ණය ප්‍රමාණය ඇමෙරිකානු ඩොලර් බිලියන 07 ඉක්මවා ඇති බවද පැවසේ.

එය ශ්‍රී ලංකාව මේ මොහොතේ ප්‍රතිව්‍යුහගතකරණය කරවාගත යුතු ණය ප්‍රමාණයෙන් 52%ක තරම් විශාල අගයකි.

චීනය මේ වන විට එකඟත්වය පළකර ඇත්තේ, සිය සමස්ත ණය ප්‍රමාණයෙන්, චීන එක්සිම් බැංකුව විසින් ලබාදී ඇති ඩොලර් බිලියන 02ක ණය සඳහා පමණක්, 2023 සහ 2024 යන වසර 02 වෙනුවෙන් ණය නොගෙවා සිටීමේ සහනයක් ලබාදීමට පමණක් බවද මුදල් අමාත්‍යංශ අභ්‍යන්තර ආරංචි මාර්ගවලින් වාර්තා වේ.

ඉන්දියාව හෝ ජපානය මේ වනතුරු සිය මූල්‍ය සහනයේ පරිමාව ප්‍රකාශයට පත්කර නැති නමුත්, පැරිස් සමාජය විසින් යෝජනා කර ඇති ‘වසර 10ක ණය නොගෙවා සිටීමේ සහනය සහ වසර 15ක ආපසු ගෙවීමේ සහන කාලය’ යන ක්‍රියාමාර්ගය ආසන්නයට ඒමට, එම ප්‍රධාන ණයහිමි පාර්ශව දෙකම කැමැත්තෙන් සිටින බවට ඉඟි පළවී ඇතැයි ද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved