Connect with us

පුවත්

එජාප සම්මේලනය සැප්තැම්බර් 10 දා

Published

on

එක්සත් ජාතික පක්ෂයේ 77 වැනි සැමරුම සහ පක්ෂයේ මහා සම්මේලනය පක්ෂ නායක, ජනාධිපති රනිල් වික්‍රමසිංහ මහතාගේ ප්‍රධානත්වයෙන් සැප්තැම්බර් 10 දා සවස 2 ට කොළඹ ලේක්හවුස් මන්දිරය ඉදිරිපස පැවැත්වීමට පක්ෂ කෘත්‍යාධිකාරි මණ්ඩලය ඊයේ (17) තීරණය කර තිබේ.

ජනාධිපති රනිල් වික්‍රමසිංහ මහතාගේ ප්‍රධානත්වයෙන් සිරිකොත පක්ෂ මූලස්ථානයේදී කෘත්‍යාධිකාරී මණ්ඩල රැස්වීම පැවැත්විණි. 

රට පුරා සිටින එජාප ආධාරකරුවන්ගේ සහභාගිත්වයෙන් පක්ෂ සම්මේලනය උත්කර්ෂවත් අන්දමින් පැවැත්වීමට කටයුතු කරන බවත්, පක්ෂයේ නව ව්‍යවස්ථාවට පක්ෂ සම්මේලනයේ අනුමැතිය ගැනීම එදින සිදු වන බවත් කෘත්‍යාධිකාරි මණ්ඩල රැස්වීමෙන් පසු මාධ්‍ය වෙත අදහස් දක්වමින්, පක්ෂයේ මහ‌ ලේකම් පාලිත රංගේ බණ්ඩාර මහතා පැවසීය. 

පක්ෂ සම්මේලනය සංවිධානය කිරීම සඳහා 14 දෙනකුගෙන් සමන්විත පක්ෂ කළමනාකරණ කමිටුව කටයුතු කරන බවත්, සංවිධාන කමිටුවට තවත් අය එක් කරගන්නා බවත් ඔහු එහිදී වැඩිදුරටත් සඳහන් කළේය. 

මැතිවරණ ව්‍යාපාරයකදී අනෙකුත් ඕනෑම කණ්ඩායමක් පක්ෂයට එක් කරගැනීමට හැකි වන සේ පක්ෂ ව්‍යවස්ථාව සංශෝධනය කර ඇති බවද අරගලයේදී ජනතාව ඉල්ලා සිටි සිස්ටම් චේන්ජ් එක සිදු කිරීමට එහිදී ප්‍රමුඛතාව දුන් බවද කී රංගේ බණ්ඩාර මහතා පක්ෂ සම්මේලනයත් සමඟ එක්සත් ජාතික පක්ෂය නව මුහුණුවරකින් ඉදිරියට ගමන් කරන බවද ප්‍රකාශ කළේය. 

රට මුහුණ පා ඇති අර්බුදයෙන් ගොඩ ගත හැකි එකම නායකයා වන රනිල් වික්‍රමසිංහ මහතා ඉදිරි ජනාධිපතිවරණයේදී ජනාධිපති ධුරයට පත් කරගත යුතු බව රංගේ බණ්ඩාර මහතා කීය. 

අනුර කුමාර දිසානායක මහතා කතා පැවැත්වීමට නම් සුදුසු පුද්ගලයකු බවත් අභියෝගය භාරගැනීමට අවස්ථාව ලත් මොහොතේ සජිත් ප්‍රේමදාස මහතා පැන ගිය බවත් සඳහන් කළේය. 

රජය රටට අහිතකර තීරණ ගන්නා බවට නාමල් රාජපක්ෂ මහතා චෝදනා නඟමින් රජයට අනතුරු හඟවා ඇති බව දන්නවාදැයි එහිදී මාධ්‍යවේදියකු නැගූ ප්‍රශ්නයකට පිළිතුරු දුන් රංගේ බණ්ඩාර මහතා පැවසුවේ ළාබාල ළමයින් කියන දේ තම පක්ෂය ගණන් නොගන්නා බවයි. 

ඔවුන් ඇතුළු රටේ සියලු ජනතාව බේරාගැනීමට ජනාධිපතිවරයා කටයුතු කර ඇති බවත් ඒ මහතා අවධාරණය කළේය.

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved