Connect with us

පුවත්

එදා වැදුන නම් ‌ඉස්ලම්ට බෝලේ ; ‘අවුට් වුුුණා නම් හොඳයි’ කියයි රාලේ’ 

Published

on

2019 වසරේ ජුලි මාසයේ බංග්ලාදේශ කණ්ඩායමේ ශ්‍රී ලංකා සංචාරය අතරතුර කොළඹ ආර් ප්‍රේමදාස පිටියේ පැවති තරඟයක් අතරතුර ඇතිවූ සිදුවීමක් වෙත මේ වනවිට බොහෝ දෙනෙකුගේ අවධානය යොමුව තිබේ.

එදින එම තරඟයේ පිළිතුරු ඉනිම ක්‍රීඩා කරමින් සිටි Mehidy Hasan Miraz දැවීයාමෙන් පසුව බංග්ලාදේශ ක්‍රීඩක Taijul Islam පිටියට පැමිණි අවස්ථාවේ ඔහු ආරක්ෂක ආවරණයක් (ball guard) පැළඳ නොපැමිණීම හේතුවෙන් නැවත ක්‍රීඩාගාරය දෙසට හැරී යයි.

කෙසේවෙතත් එම අවස්ථාවේදී ඔහුගේ අමතක වීමට හෝ ප්‍රමාද වී නැවත සීමා ඉර වෙත පැමිණීමට විරුද්ධව ශ්‍රී ලංකා ක්‍රීඩකයින් කිසිදු තැකීමක් හෝ නොකළ අතර එහිදී ඔහු නොදැවී පන්දුවට පහරදෙමින් ලකුණු 39ක් රැස්කරගත්තේය.

එම තරඟයේ වීරයා මැතිව්ස් වූ අතර ඔහු ලකුණු 87ක් රැස්කරගත් අතර එම තරඟාවලියේ ජයග්‍රහණය ද ශ්‍රී ලංකා කණ්ඩායමට හිමිවිය.

එම සිදුවීම දැක්වෙන වීඩියෝව පහතින් දැක්වේ.

මේ අතර ඊයේ පැවති තරඟයෙන් අනතුරුව මාධ්‍ය වෙත අදහස් දැක්වූ ඇන්ජලෝ මැතිව්ස් එම තරඟය අතරතුර තමන් මුහුණදුන් සිදුවීම පිළිබඳව මෙසේ පැවසුවේය.

“බොහෝම කනගාටුදායකයි ඒ අවස්ථාවේදී බංග්ලාදේශ කණ්ඩායම ක්‍රීඩා කරපු විලාශය. Mankading හරි Obstructing the field නම් කමක් නෑ. මම විනාඩි 2 ඇතුළත ක්‍රීස් එකට ඇවිල්ලා. ක්‍රීස් එකේදී තමයි මගේ හෙල්මට් එක ගැලවුණේ. ඒක හොඳටම විනිසුරුවරු දැක්කා. මට තව තත්පර 5ක් තිබ්බා හෙල්මට් එක කැඩුනාට පස්සෙත්. ඉතින් මම හෙල්මට් එක පෙන්නුවාට පස්සේ ටික වෙලාවකින් කියනවා ඒගොල්ලෝ ඇපිල් කරා කියලා. ඉතින් මම ඇහුවා මගේ විනාඩි දෙක පැනලත් නෑ. මොකද මේ ඔක්කොම වීඩියෝ සාක්ෂි එක්ක තියෙනවා. ඊටපස්සේ විනිසුරු දැන් පුහුණුකරුවන්ට කියලා තියෙනවා එයාලට ආයෙත් පරීක්ෂා කරන්න තිබුණා කියලා. දෙයක් වුණාට පස්සේ වැඩක් නෑ. ඒ වෙලාවේ පරීක්ෂා කරන්න තමයි ඕන. මොකද තාක්ෂණය තියෙනවා විනිසුරුවරුන්ට බලන්න පුළුවන් ඒ වෙලාව. මට ඒක කියන්න වචනයක් නෑ. අවුරුදු 15කට මම දැකලා නෑ මෙච්චර පහත් තත්ත්වයකට වැටෙනවා කණ්ඩායමක් සහ ක්‍රීඩකයෙක්.”

පුවත්

විදුලිය බිඳ වැටීම් ගැන දැනුම්දෙන්න

Published

on

By

අයහපත් කාලගුණයත් සමඟ දිවයින පුරා සිදුව ඇති විදුලිය බිඳවැටීම් ඉතා ඉක්මනින් දැනුම්දිය හැකි නව ක්‍රමවේදයක් ලංකා විදුලිබල මණ්ඩලය විසින් හඳුන්වා දී තිබේ.

ඒ, මීට පෙර විදුලිය බිඳ වැටීම් සම්බන්ධයෙන් දැනුම්දීමට තිබූ 1987 ක්ෂණික දුරකථන අංකයේ ඇතිව තිබෙන කාර්ය බහුලත්වය හේතුවෙන්.

ඒ අනුව, පහත ක්‍රමවේදයන් අනුගමනය ලෙස ලංකා විදුලිබල මණ්ඩලය පාරිභෝගිකයින්ගෙන් ඉල්ලා සිටී.

සබැඳි පුවත්:

දවස් 03ට ලක්ෂ 03කට කරන්ට් එක ගිහින්

Continue Reading

පුවත්

ගාල්ලට ජාතික රෝහලක්

Published

on

By

ගාල්ල ජාතික රෝහල ස්ථාපිත කිරීම සඳහා කැබිනට් අනුමැතිය ලැබී තිබේ.

ඒ අනුව කරාපිටිය ශික්ෂණ රෝහල මෙරට තෙවැනි ජාතික රෝහල බවට පත්කිරීමට අනුමැතිය ලැබී ඇත.

කරාපිටිය ශික්ෂණ රෝහල දකුණු පළාතෙහි සහ යාබද පළාත්වල රෝගීන් හට මාතෘ සත්කාර සේවා හැර තෘතීයක සේවා සපයන ප්‍රධානතම සෞඛ්‍ය මධ්‍යස්ථානයක් ලෙස ක්‍රියාත්මක වන අතර එකී පළාත්වල ප්‍රාථමික හා ද්විතීයක සෞඛ්‍ය සත්කාරක සේවා ආයතන මගින් විශේෂඥ සේවාවන් සඳහා මෙම රෝහල වෙත රෝගීන් යොමු කරනු ලබයි.

රුහුණු විශ්ව විද්‍යාලයේ වෛද්‍ය පීඨයේ සහ සම සෞඛ්‍ය විද්‍යා පීඨයේ ඉගැන්වීම් කටයුතු සඳහා කරාපිටිය ශික්ෂණ රෝහලේ මහාචාර්ය ඒකකය ස්ථාපිත කර ඇත.

මෙම වසර අවසන් වන විට රෝහලෙහි ඇඳන් ධාරිතාවය 2858ක් දක්වා වැඩි කිරීම මත එය කොළඹ ශ්‍රී ලංකා ජාතික රෝහලට පමණක් දෙවැනි වන තෘතීයක සේවා සෞඛ්‍ය මධ්‍යස්ථානයක් බවට පත්වනු ඇතැයි රජය කියයි.

ඒ අනුව කොළඹ ජාතික රෝහලට සහ මහනුවර ජාතික රෝහලට අමතරව කරාපිටිය ශික්ෂණ රෝහල ජාතික රෝහලක් ලෙස කාණ්ඩ ගත කරමින් ගාල්ල ජාතික රෝහල ලෙස නම් කිරීම පිණිස සෞඛ්‍ය අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

Continue Reading

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved